പോര്ട്ട് എലിസബത്ത്: ദക്ഷിണാഫ്രിക്കയില് ആദ്യ ഏകദിന പരമ്പര നേടി ചരിത്രം തിരുത്താന് വിരാട് കോലിക്കും ടീം ഇന്ത്യക്കും മഴയുടെ സഹായവും. ചൊവ്വാഴ്ച മത്സരം നടക്കുന്ന പോര്ട്ട് എലിസബത്തിലെ സെന്റ് ജോര്ജ്ജ് പാര്ക്കില് കനത്ത മഴപെയ്യുമെന്നാണ് കാലവസ്ഥ നിരീക്ഷണ കേന്ദ്രത്തിന്റെ പ്രവചനം.
മഴ മൂലം മത്സരം തന്നെ ഉപേക്ഷിക്കാനുള്ള സാധ്യതയും നിലനില്ക്കുന്നു. ഈ സാഹചര്യത്തില് മഴ മൂലം കളി നടക്കാതിരുന്നാല് ആറാം ഏകദിനത്തിന് മുമ്പ് തന്നെ ഇന്ത്യ പരമ്പര സ്വന്തമാക്കും.നിലവില് പരമ്പരയില് 3-1ന് ഇന്ത്യ മുന്നിലാണ്.
നേരത്തെ ജൊഹാനസ്ബര്ഗില് നടന്ന നാലാം ഏകദിനത്തിലും മഴ വില്ലനായിരുന്നു. മഴയെത്തുടര്ന്ന് ഡക്ക് വര്ത്ത് ലൂയിസ് നിയമപ്രകാരം വിജയലക്ഷ്യം പുനര്നിര്ണയിച്ചപ്പോള് ദക്ഷിണാഫ്രിക്ക അഞ്ച് വിക്കറ്റിന് മത്സരത്തില് ജയിക്കുകയായിരുന്നു. നേരത്തെ ആദ്യ മൂന്ന് മത്സരവും ജയിച്ചാണ് ഇന്ത്യ ദക്ഷിണാഫ്രിക്കയെ ഞെട്ടിച്ചത്. എന്നാല് നാലാം ഏകദിനത്തില് ഇന്ത്യ തോല്ക്കുകയായിരുന്നു.
