Asianet News MalayalamAsianet News Malayalam

രഞ്ജി ട്രോഫി: രണ്ടാം ദിനം കേരളത്തിന്‍റെ തിരിച്ചുവരവ്; അസ്ഹറുദ്ദീന് അര്‍ദ്ധ സെഞ്ചുറി

രഞ്ജി ട്രോഫിയിൽ പഞ്ചാബിനെതിരെ കേരളം മികച്ച നിലയില്‍. രണ്ടാം ദിവസം കളി നിർത്തുമ്പോൾ കേരളം മൂന്ന് വിക്കറ്റിന് 127 റൺസ് എന്ന നിലയിലാണ്. 

ranji trophy 2018 19 kerala vs punjab third day report
Author
Mohali, First Published Dec 31, 2018, 6:42 PM IST

മൊഹാലി: രഞ്ജി ട്രോഫിയിൽ പഞ്ചാബിനെതിരെ തിരിച്ചടിച്ച് കേരളം. ഒന്നാമിന്നിംഗ്സിൽ പഞ്ചാബിനെ 217 റൺസിന് പുറത്താക്കി. രണ്ട് വിക്കറ്റിന് 137ന് എന്ന നിലയിൽ ബാറ്റിംഗ് തുടങ്ങിയ പഞ്ചാബിന്‍റെ ബാക്കി എട്ടുവിക്കറ്റുകൾ കേരളം 80 റൺസിനിടെ എറിഞ്ഞിട്ടു. സന്ദീപ് വാര്യർ അഞ്ച് വിക്കറ്റ് നേടി. മുന്‍ ഇന്ത്യന്‍ താരം യുവരാജ് സിംഗ് എട്ട് റൺസിന് പുറത്തായി. 

രണ്ടാം ദിവസം കളി നിർത്തുമ്പോൾ കേരളം മൂന്ന് വിക്കറ്റിന് 127 റൺസ് എന്ന നിലയിലാണ്. 76 റൺസുമായി മുഹമ്മദ് അസ്ഹറുദ്ദീനും 16 റൺസുമായി ക്യാപ്റ്റൻ സച്ചിൻ ബേബിയുമാണ് ക്രീസിൽ. പി രാഹുൽ 28നും സഞ്ജു സാംസൺ മൂന്നും റൺസിനും അരുൺ കാർത്തിക്ക് പൂജ്യത്തിനും പുറത്തായി. കേരളത്തിന് ഇപ്പോൾ 31 റൺസ് ലീഡായി. ആദ്യ ഇന്നിംഗ്സിൽ കേരളം 121 റൺസിന് പുറത്തായിരുന്നു.

Follow Us:
Download App:
  • android
  • ios