പോര്ട്ട് എലിസബത്ത്: ദക്ഷിണാഫ്രിക്കയ്ക്കെതിരായ അഞ്ചാം ഏകദിനത്തില് ഇന്ത്യയ്ക്ക് മികച്ച തുടക്കം. ഇന്ത്യയ്ക്കായി ഓപ്പണര് രോഹിത് ശര്മ്മ അര്ദ്ധ സെഞ്ചുറി നേടി. 51 പന്തില് ആറ് ബൗണ്ടറിയും രണ്ട് സിക്സു സഹിതമാണ് രോഹിത് 35-ാം അര്ദ്ധ ശതകം പൂര്ത്തിയാക്കിയത്. പരമ്പരയില് ആദ്യമായാണ് രോഹിത് അമ്പതിലധികം സ്കോര് ചെയ്യുന്നത്. ഒടുവില് വിവരം ലഭിക്കുമ്പോള് ഇന്ത്യ 21 ഓവറില് 119-1 എന്ന നിലയിലാണ് ഇന്ത്യ.
54 റണ്സെടുത്ത രോഹിത് ശര്മ്മയും 54 റണ്സുമായി വിരാട് കോലിയുമാണ് ക്രീസില്. ടോസ് നഷ്ടപ്പെട്ട് ബാറ്റിംഗിനിറങ്ങിയ ഇന്ത്യയ്ക്ക് മികച്ച തുടക്കമാണ് ധവാനും രോഹിത് ശര്മ്മയും ചേര്ന്ന് നല്കിയത്. 23 പന്തില് 34 റണ്സെടുത്ത ശീഖര് ധവാന്റെ വിക്കറ്റാണ് ഇന്ത്യയ്ക്ക് നഷ്ടമായത്. കഴിഞ്ഞ മത്സരങ്ങളില് പരാജയമായിരുന്ന രോഹിത് ഫോം വീണ്ടെടുത്തത് ഇന്ത്യയ്ക്ക് പ്രതീക്ഷ നല്കുന്നു. പരമ്പരയിൽ 3-1ന് മുന്നിലുള്ള ഇന്ത്യയ്ക്ക് ഇന്നത്തെ മത്സരം ജയിച്ചാല് പരമ്പര സ്വന്തമാക്കാം.
