ഏകദിന പരമ്പരയില് ഇന്ത്യക്കെതിരെ ആറാം മത്സരത്തില് ദക്ഷിണാഫ്രിക്കയ്ക്ക് രണ്ടാം വിക്കറ്റും നഷ്ടമായി. 24 റണ്സ് എടുത്ത മര്ക്രമാണ് പുറത്തായത്. മര്ക്രത്തെ താക്കൂര് അയ്യരുടെ കൈകളിലെത്തിക്കുകയായിരുന്നു. ഏറ്റവും ഒടുവിലത്തെ റിപ്പോര്ട്ട് അനുസരിച്ച് ദക്ഷിണാഫ്രിക്ക 12 ഓവറില് രണ്ട് വിക്കറ്റ് നഷ്ടത്തില് 54 റണ്സ് ആണ് എടുത്തിരിക്കുന്നത്. എ ബി ഡിവില്യേഴ്സും സോണ്ടോയുമാണ് ക്രീസില്.
ഭുവനേശ്വര് കുമാറിന് വിശ്രമം അനുവദിച്ചപ്പോള് ടീമില് അവസരം ലഭിച്ച താക്കൂര് ആണ് ഇന്ത്യക്ക് വേണ്ടി ആദ്യ വിക്കറ്റും സ്വന്തമാക്കിയത്. 10 റണ്സ് എടുത്തിരുന്ന അംലയെ ആണ് താക്കൂര് ആദ്യം പുറത്താക്കിയത്.
ടോസ് നേടിയ ടീം ഇന്ത്യ ബൗളിംഗ് തെരഞ്ഞെടുക്കുകയായിരുന്നു. ആറ് മത്സരങ്ങളുള്ള പരമ്പരയില് നാല് ജയവുമായി ടീം ഇന്ത്യ പരമ്പര സ്വന്തമാക്കിയിരുന്നു.
