ലിയോണിന് സച്ചിന്റെ പ്രശംസ; മറുപടിയുമായി ലിയോണ്‍
ഓസീസ് സ്പിന്നര്‍ നഥാന്‍ ലിയോണിനെ വാനോളം പുകഴ്ത്തി ക്രിക്കറ്റ് ഇതിഹാസം സച്ചിന്‍ ടെന്‍ഡുല്‍ക്കര്‍. ട്വിറ്ററിലാണ് സച്ചിന്‍ ലിയോണിനെ പുകഴത്തിയത്. സച്ചിന്റെ വാക്കുകള്‍ക്ക് ലിയോണ്‍ മറുപടിയും നല്‍കിയിരുന്നു. സച്ചിന്‍ ട്വിറ്ററില്‍ പറഞ്ഞത് ഇങ്ങനെ.
മുംബൈ: ഓസീസ് സ്പിന്നര്‍ നഥാന്‍ ലിയോണിനെ വാനോളം പുകഴ്ത്തി ക്രിക്കറ്റ് ഇതിഹാസം സച്ചിന്‍ ടെന്‍ഡുല്‍ക്കര്‍. ട്വിറ്ററിലാണ് സച്ചിന്‍ ലിയോണിനെ പുകഴത്തിയത്. സച്ചിന്റെ വാക്കുകള്‍ക്ക് ലിയോണ്‍ മറുപടിയും നല്‍കിയിരുന്നു. സച്ചിന്‍ ട്വിറ്ററില്‍ പറഞ്ഞത് ഇങ്ങനെ.
ഫാസ്റ്റ് ബൗളര്‍മാര്‍ക്ക് അനുകൂലമായിരുന്നു പിച്ച്. എന്നിട്ടും 67 റണ്‍സ് വഴങ്ങി അഞ്ച് വിക്കറ്റുകള്‍ വീഴ്ത്തിയ ലിയോണ്‍ ഓസ്‌ട്രേലിയയുടെ സവിശേഷമായ സ്പിന്നറാണ്. അയാള്‍ക്ക് മികച്ച വേരിയേഷന്‍സുണ്ട്. ബൗണ്‍സും പേസും ഉപയോഗിച്ച് പിച്ചിനെ എങ്ങനെ പരമാവധി ഉപയോഗപ്രദമാക്കണമെന്ന് അയാള്‍ക്ക് ബോധ്യമുണ്ട്. ഇങ്ങനെയായിരുന്നു സച്ചിന്റെ വാക്കുകള്‍.
ലിയോണിന്റെ മറുപടി ഇങ്ങനെ... അതൊരു വലിയ അംഗീകാരമായി തോന്നുന്നു. തീര്‍ച്ചയായും സച്ചിന്റെ പ്രശംസ ഏറ്റുവാങ്ങുകയെന്നത് ഏറെ സന്തോഷിപ്പിക്കുന്ന ഒരു നേട്ടം തന്നെയാണ്. ലിയോണ്‍ മാധ്യമ പ്രവര്‍ത്തകരോട് പറഞ്ഞു. അതേസമയം, ടെസ്റ്റ് കരിയറിലെ ലിയോണിന്റെ പതിനാലാം അഞ്ച് വിക്കറ്റ് നേട്ടമാണിത്. ഇന്ത്യക്കെതിരെ ഏറ്റവും കൂടുതല്‍ അഞ്ച് വിക്കറ്റ് നേട്ടം സ്വന്തമാക്കുന്ന ബൗളറെന്ന നേട്ടത്തില്‍ ശ്രീലങ്കന്‍ ഇതിഹാസം മുത്തയ്യ മുരളീധരനൊപ്പം ലിയോണെത്തി.
