ആഷ്വില്: അമ്മയായി അഞ്ചാം മാസം ടെന്നിസ് കോര്ട്ടില് തിരിച്ചെത്തി മുന് ലോക ഒന്നാം നമ്പര് താരം സെറീന വില്ല്യംസ്. ഫെഡ് കപ്പിലാണ് നെതര്ലന്ഡ്സിനെതിരെ അമേരിക്കയ്ക്കായി സെറീന മത്സരിച്ചത്. ഡബിള്സില് സഹോദരി വീനസ് വില്ല്യംസ് ആയിരുന്നു സെറീനയുടെ പങ്കാളി. എന്നാല് വില്ല്യംസ് സഹോദരിമാര് മത്സരത്തില് തോറ്റു.
ഡച്ച് ജോഡിയായ ലെസ്ലി കെര്ക്കോവ്, ഡെമി സ്കറുമാണ് 6..2, 6..3 എന്ന സ്കോറില് അമേരിക്കന് സഖ്യത്തെ തോല്പ്പിച്ചത്. വീനസിന്റെ മികവില് അമേരിക്ക നേരത്തെ തന്നെ സെമിയിലേക്ക് യോഗ്യത നേടിയിരുന്നതിനാല് ഡബിള്സിലെ മത്സരഫലം അപ്രസക്തമായിരുന്നു . 2017ലെ ഓസ്ട്രേലിയന് ഓപ്പണ് ഫൈനലിന് ശേഷം സെറീനയുടെ ആദ്യ മത്സരമായിരുന്നു ഇത്.
