സൂറിച്ച്: ലോക ഫുട്ബോളിന് നാളെയുടെ താരങ്ങളെ സംഭാവന ചെയ്യുന്ന പോരാട്ടവേദിയാണ് അണ്ടര് 17 ലോകകപ്പ്. ഇന്നത്തെ മിക്ക സൂപ്പര് താരങ്ങളുടെയും പിറവി ലോകകപ്പിലൂടെ ആയിരുന്നു. അണ്ടര് 17 ലോകകപ്പുകള് ഫുട്ബോള് പ്രേമികള്ക്ക് നല്കിയത് ഒരിക്കലും മറക്കാനാവാത്ത താരങ്ങളെ.
കസീയസ്, നെയ്മര്, ടെവസ്, ടോട്ടി, റൊണാള്ഡീഞ്ഞോ, ടോറസ്, ഫാബ്രിഗാസ്, ബഫണ്, സാവി. അറ്റമില്ലാതെ നീളുന്നു വമ്പന് പേരുകള്.
ഇവരുടെ പിന്മുറക്കാരാവാന് പ്രായത്തെ തോല്പിക്കുന്ന കളിമികവുമായി ഇത്തവണയും ഒരുകൂട്ടം താരങ്ങള് ഇന്ത്യയിലേക്കെത്തുന്ന, കാല്പ്പന്തുലോകത്തെ വിസ്മയിപ്പിക്കാന്.
