Asianet News MalayalamAsianet News Malayalam

വിജയ് ഹസാരേ ട്രോഫി; കേരളത്തിന് രണ്ടാം ജയം

VIJAY HAZARE TROPHY KERALA BEAT DELHI
Author
First Published Feb 13, 2018, 6:25 PM IST

ദില്ലി: വിജയ് ഹസാരേ ട്രോഫി ഏകദിന ക്രിക്കറ്റിൽ കേരളത്തിന് രണ്ടാം ജയം. കേരളം രണ്ട് വിക്കറ്റിന് കരുത്തരായ ഡൽഹിയെ തോൽപിച്ചു. 42 ഓവറാക്കിയ ചുരുക്കിയ കളിയിൽ ടോസ് നേടിയ കേരളം ബൗളിംഗ് തിരഞ്ഞെടുക്കുകയായിരുന്നു. എം ഡി നിധീഷ് നാല് വിക്കറ്റ് വീഴ്ത്തിയപ്പോൾ ഡൽഹി 177 റൺസിന് പുറത്തായി. 71 റൺസെടുത്ത ധ്രുവ് ഷോറെയാണ് ഡല്‍ഹിയുടെ ടോപ് സ്കോറർ. ഉൻമുക്ത് ചന്ദ് 15നും റിഷഭ് പന്ത് ആറ് റൺസിനും പുറത്തായി. 

ഫാനൂസ് ഫാസിൽ രണ്ടും അഭിഷേക് മോഹൻ, ജലജ് സക്സേന, രോഹൻ പ്രേം എന്നിവർ ഓരോ വിക്കറ്റ് വീതം വീഴ്ത്തി. മറുപടി ബാറ്റിംഗിനിറങ്ങിയ കേരളം മുപ്പത്തിയാറാം ഓവറിൽ എട്ട് വിക്കറ്റ് നഷ്ടത്തിൽ ലക്ഷ്യത്തിലെത്തി. 52 റൺസെടുത്ത നായകന്‍ സച്ചിൻ ബേബിയാണ് ടോപ് സ്കോറർ. സഞ്ജു സാംസൺ 29 റണ്‍സും ജലജ് സക്സേന 26 റൺസെടുത്തും പുറത്തായി. കേരളത്തിനായി മുഹമ്മദ് അസ്ഹറുദ്ദീൻ 21 റൺസുമായി പുറത്താവാതെ നിന്നു.

Follow Us:
Download App:
  • android
  • ios