വിരാട് കോലിയെ തേടി വീണ്ടും റിക്കാർഡ്
നാഗ്പൂർ: ഇന്ത്യൻ നായകൻ വിരാട് കോലിയെ തേടി വീണ്ടും റിക്കാർഡ്. കലണ്ടർ വർഷം ഏറ്റവും കൂടുതൽ അന്താരാഷ്ട്ര സെഞ്ചുറികൾ നേടുന്ന നായകനെന്ന അപൂർവ റിക്കാർഡാണ് കോലി സ്വന്തം പേരിലെഴുതിയത്.
ഈ വർഷത്തെ പത്താമത് സെഞ്ചുറിയാണ് കോഹ്ലി നാഗ്പൂരിൽ ശ്രീലങ്കയ്ക്കെതിരേ കുറിച്ചത്. ഓസീസ് മുൻ നായകൻ റിക്കി പോണ്ടിംഗിന്റെ ഒന്‍പത് സെഞ്ചുറികളുടെ റിക്കാർഡാണ് കോലി സ്വന്തം പേരിലെഴുതിയത്. ഈ വർഷം ആറ് ഏകദിന സെഞ്ചുറികളും നാല് ടെസ്റ്റ് സെഞ്ചുറികളുമാണ് കോലി നേടിയത്.
കരിയറിലെ 51-ാം സെഞ്ചുറിയാണ് കോലി നാഗ്പൂരിൽ കുറിച്ചത്. ലങ്കയ്ക്കെതിരായ പരമ്പരയിലെ ആദ്യ ടെസ്റ്റിലും കോഹ്ലി സെഞ്ചുറി നേടിയിരുന്നു.
Last Updated Oct 4, 2018, 7:29 PM IST
