ട്വന്റി20 ക്രിക്കറ്റിന്റെ വരവോടെ ക്രിക്കറ്റില് ബാറ്റ്സ്മാന്മാര് പലപുതിയ ഷോട്ടുകളും പരീക്ഷിക്കുന്നത് ആരാധകര് കണ്ടിട്ടുണ്ട്. ദില്സ്കൂപ്പും ഹെലികോപ്റ്റര് ഷോട്ടും സ്വിച്ച് ഹിറ്റും എല്ലാം അതിലുണ്ട്. എന്നാല് ഇതിലൊന്നും പെടാത്ത പുതിയൊരു ഷോട്ടുമായി ഒരു ബാറ്റ്സ്മാന് സോഷ്യല് മീഡിയയില് തരംഗമാവുകയാണ്. മത്സരം നടന്നതെവിടെ എന്നോ ആരാണ് ഈ ഷോട്ട് കളിക്കുന്നതെന്നോ വ്യക്തമല്ലെങ്കിലും ട്വിറ്ററില് ഒരു ആരാധകന് പങ്കുവെച്ച ഈ വിഡിയോ ലക്ഷക്കണക്കിന് ആരാധകരാണ് ഏറ്റെടുത്തത്.
ധോണിയുടെ ഹെലികോപ്റ്റര് ഷോട്ടിന്റെയും സിംബാബ്വ് താരം ഡഗ്ലസ് മാരിലിയറുടെ സ്കൂപ്പ് ഷോട്ടിന്റെയും സമിശ്ര രൂപമാണിതെന്നാണ് ആരാധകരില് ഒരു വിഭാഗത്തിന്റെ വാദം. അതുകൊണ്ടുതന്നെ അവര് ഈ പുതിയ ഷോട്ടിന് ഒരു പേരുമിട്ടു. ഹെലി സ്കൂപ്പ്. പന്ത് അടിക്കുന്നതിന് മുമ്പ് ബാറ്റ് വാള് പോലെ ചുഴറ്റി വിക്കറ്റിന് പുറകിലേക്ക് സ്കൂപ്പ് ചെയ്യുകയാണ് ബാറ്റ്സ്മാന് ചെയ്തത്. കളിച്ചാതാരാണെന്ന് വ്യക്തമല്ലെങ്കിലും വീഡിയോ ഇപ്പോള് സോഷ്യല്മീഡിയ ഏറ്റെടുത്തിരിക്കുകയാണ്.
What is that 😂😂😂 pic.twitter.com/iZ1lk6agGR
— Tabrez Shaikh (@its_tabrez_4u) September 7, 2017
