വിസ്മയിപ്പിക്കാൻ ജോജുവും നിമിഷയും; 'ചോല' ട്രെയ്ലര്
ഡിസംബര് ആറിന് ചിത്രം തിയേറ്ററിലെത്തും
പൊറിഞ്ചു മറിയം ജോസിന്റെ വലിയ വിജയത്തിന് ശേഷം ജോജു ജോർജ് പ്രധാന വേഷത്തിലെത്തുന്ന ചിത്രമാണ് ചോല. സനൽ കുമാർ ശശിധരൻ സംവിധാനം ചെയ്യുന്ന ചിത്രത്തിന്റെ ട്രെയിലർ പുറത്തിറങ്ങി. നടൻ മമ്മൂട്ടി തന്റെ ഫേസ്ബുക്ക് പേജിലൂടെയാണ് ചിത്രത്തിന്റെ ട്രെയിലർ പുറത്ത് വിട്ടത്. നിമിഷ സജയനും നവാഗതനായ അഖിൽ വിശ്വനാഥും കേന്ദ്ര കഥാപാത്രങ്ങളാകുന്നു.
ത്രില്ലര് സ്വഭാവമുള്ള ചിത്രം നിര്മിച്ചിരിക്കുന്നത് അപ്പു പാത്തു പപ്പു പ്രൊഡക്ഷന് ഹൗസിന്റെ ബാനറിലാണ്. ജോജു ജോർജും കാർത്തിക്ക് സുബ്ബരാജും ചേർന്നാണ് നിർമ്മാണം. നേരത്തെ വെനീസ് ഫിലിം ഫെസ്റ്റിവലില് ഒറിസോണ്ടി(ഹൊറൈസണ്) കാറ്റഗറിയില് ചിത്രം പ്രദര്ശിപ്പിച്ചിരുന്നു. ഒഴിവു ദിവസത്തെ കളി,എസ് ദുര്ഗ തുടങ്ങിയ ശ്രദ്ധേയ ചിത്രങ്ങള്ക്കു ശേഷം സനല്കുമാര് ഒരുക്കുന്ന ചിത്രം കൂടിയാണ് ചോല. കഴിഞ്ഞ തവണത്തെ സംസ്ഥാന ചലച്ചിത്ര പുരസ്കാരത്തില് നിമിഷയെ മികച്ച നടിയ്ക്കുള്ള പുരസ്കാരത്തിന് അര്ഹയാക്കിയത് 'ചോല'യിലെ പ്രകടനം കൂടിയായിരുന്നു. ഡിസംബര് ആറിന് ചിത്രം തിയേറ്ററിലെത്തും.