ബാത്ത്‍റൂം ഉപയോഗിച്ചതിനും പണമീടാക്കി കഫേ, ഒറ്റദിവസം കൊണ്ട് ബില്ല് വൈറൽ
ആളുകൾ വലിയ തരത്തിൽ കഫേ -യെ വിമർശിച്ചു. തികച്ചും മോശം കാര്യമാണ് കഫേ ചെയ്തത് എന്നായിരുന്നു ആളുകളുടെ അഭിപ്രായം. ഓ, അവർ റെസ്റ്റോറന്റിലെ വായുവിന് കാശ് ഈടാക്കാത്തത് ഭാഗ്യം എന്നാണ് ഒരാൾ കമന്റ് ഇട്ടിരിക്കുന്നത്.
കഫേയിൽ പലതിനും പണം ഈടാക്കാറുണ്ട് അല്ലേ? എന്നാൽ, ടോയ്‍ലെറ്റ് ഉപയോഗിച്ചതിന് പണം ഈടാക്കുമോ? ഒരു ഗ്വാട്ടിമാലൻ കഫേ ടോയ്‍ലെറ്റ് ഉപയോഗിച്ചതിന് കസ്റ്റമറോട് പണം ഈടാക്കിയതിന്റെ പേരിൽ വൈറലായിരിക്കുകയാണ്. ലാ എസ്ക്വിന കോഫി ഷോപ്പ് ആണ് ഇങ്ങനെ വൈറലായിരിക്കുന്നത്.
കസ്റ്റമറായ നെൽസി കോർഡോവ ബിൽ ലഭിച്ചപ്പോൾ ആകെ സ്തംഭിച്ചുപോയി, അതിൽ ടോയ്‍ലെറ്റ് ഉപയോഗിക്കുന്നതിന് അധിക നിരക്ക് കാണിച്ചിട്ടുണ്ടായിരുന്നു. ട്വിറ്ററിൽ നെൽസി ആ ബില്ല് പങ്ക് വച്ചു. അതിൽ ഒക്കുപ്പേഷണൽ സ്പേസ് എന്ന് കാണിച്ച് പണം ഈടാക്കിയിരിക്കുന്നത് കാണാം. അത് ബാത്ത്‍റൂം ഉപയോഗിച്ചതിനുള്ള പണമാണ്.
ആളുകൾ വലിയ തരത്തിൽ കഫേ -യെ വിമർശിച്ചു. തികച്ചും മോശം കാര്യമാണ് കഫേ ചെയ്തത് എന്നായിരുന്നു ആളുകളുടെ അഭിപ്രായം. ഓ, അവർ റെസ്റ്റോറന്റിലെ വായുവിന് കാശ് ഈടാക്കാത്തത് ഭാഗ്യം എന്നാണ് ഒരാൾ കമന്റ് ഇട്ടിരിക്കുന്നത്.
എന്നാൽ, ആളുകൾ പ്രതികരിക്കുകയും വിമർശിക്കുകയും ചെയ്തതോടെ കഫേ ഒരു വിശദീകരണവുമായി മുന്നോട്ട് വന്നു. കോൺടെക്‌സ്റ്റോയിൽ പങ്കിട്ട അവരുടെ പ്രസ്താവനയിൽ, റെസ്റ്റോറന്റ് പറഞ്ഞത് ഇങ്ങനെ: “അവിടെ ഉണ്ടായ സംഭവത്തിൽ ഞങ്ങൾ ഖേദിക്കുന്നു, ഇത് വളരെ ഗൗരവമേറിയതും നമ്മുടെ ഭാഗത്ത് നിന്നുണ്ടായതുമായ ഒരു പിശകായിരുന്നു, അത് ഞങ്ങൾ ഇതിനകം തന്നെ തിരുത്തിയിരിക്കുന്നു. ആ അധികം പണം വാങ്ങിയ കസ്റ്റമറെ കണ്ടെത്താനും പണം തിരികെ നൽകാനും തങ്ങളെ കൊണ്ട് കഴിയുന്നതെല്ലാം ചെയ്യുന്നുണ്ട്. അവർക്കുണ്ടായ നഷ്ടത്തിൽ ഖേദിക്കുന്നു. നമ്മുടെ ഭാഗത്ത് നിന്നും അങ്ങനെ ഒരു സംഭവം ഉണ്ടാകാൻ പാടില്ലായിരുന്നു.”
ഏതായാലും ഒറ്റ ദിവസം കൊണ്ട്, ഒറ്റ ബില്ല് കൊണ്ട് കഫേ ഇന്റർനെറ്റിൽ വൈറലായി.
