നിങ്ങൾ ആദ്യം ശ്രദ്ധിക്കുന്നത് ഒരു പുസ്തകം വായിക്കുന്ന മനുഷ്യനെയാണ് എങ്കിൽ, അത് സൂചിപ്പിക്കുന്നത് നിങ്ങൾ സ്വപ്നത്തിൽ ജീവിക്കുന്ന ഒരാളാണ് എന്നതാണത്രെ.
സാമൂഹികമാധ്യമങ്ങൾക്ക് ഓപ്റ്റിക്കൽ ഇല്യൂഷൻ(Optical Illusion) ചിത്രങ്ങളോട് ഒരു പ്രത്യേക താൽപര്യമുണ്ട്. വൈറലായിക്കൊണ്ടിരിക്കുന്നതിൽ ഏറ്റവും പുതിയത് ഈ ചിത്രമാണ്. ഇതിൽ എന്താണ് ആദ്യം കാണുന്നത് എന്നത് നമ്മുടെ ഏറ്റവും അസഹ്യമായ സ്വഭാവം എന്താണ് എന്ന് വ്യക്തമാക്കുമത്രെ. ഒരു പുസ്തകം വായിക്കുന്ന മനുഷ്യൻ, ഒരു വൃക്ഷം, ഒരു മുഖം എന്നിവയെല്ലാം ചേർന്നിരിക്കുന്നതാണ് ചിത്രം. അത് നമ്മുടെ ഏറ്റവും അസഹ്യമായ സ്വഭാവത്തെക്കുറിച്ച് സൂചിപ്പിക്കുമത്രെ. യുവർ ടാംഗോ ഓൺലൈനിൽ പോസ്റ്റ് ചെയ്ത ചിത്രം സോഷ്യൽ മീഡിയയിൽ വലിയ തരംഗം തന്നെയായി.
നാമെന്താണ് ആദ്യം കാണുന്നത് അതായിരിക്കുമത്രെ നമ്മിലെ ഏറ്റവും അലോസരമുണ്ടാക്കുന്ന സ്വഭാവത്തെ കുറിച്ച് സൂചന തരിക.
ആദ്യമായി നിങ്ങൾ കാണുന്നത് ഒരു മനുഷ്യന്റെ മുഖമാണ് എങ്കിൽ അത് സൂചിപ്പിക്കുന്നത് ഒന്നും ചിന്തിക്കാതെ സംസാരിക്കുന്ന ഒരാളായിരിക്കും നിങ്ങൾ എന്നാണത്രെ. എവിടെ എങ്ങനെ നിശബ്ദനായിരിക്കണം എന്ന് ഇങ്ങനെയുള്ളവർക്ക് അറിയില്ല എന്നും പറയുന്നു.
നിങ്ങൾ ആദ്യം ശ്രദ്ധിക്കുന്നത് ഒരു പുസ്തകം വായിക്കുന്ന മനുഷ്യനെയാണ് എങ്കിൽ, അത് സൂചിപ്പിക്കുന്നത് നിങ്ങൾ സ്വപ്നത്തിൽ ജീവിക്കുന്ന ഒരാളാണ് എന്നതാണത്രെ. ആശ്വാസം ലഭിക്കുന്നതിന് വേണ്ടി എപ്പോഴും സ്വന്തം ചിന്തകളിലേക്ക് ഒളിച്ചോടാനാണ് നിങ്ങൾ ഇഷ്ടപ്പെടുന്നത് എന്നും പറയുന്നു. എന്നാൽ, അവനവന്റെ സ്വപ്നലോകങ്ങളിൽ ജീവിക്കുന്ന ഒരാളാവുക എന്നത് ഒരു മോശം കാര്യമാണ് എന്ന് പറയുക സാധ്യമല്ല.
ഇനി മരങ്ങളാണ് ആദ്യം കാണുന്നത് എങ്കിൽ അത് സൂചിപ്പിക്കുന്നത് നിങ്ങൾ കാര്യങ്ങളെ ഗൗരവത്തോടെ കാണില്ല എന്നതാണ്. ഈ കൂട്ടത്തിലുള്ള ആളുകൾ മിക്കവാറും കുട്ടിക്കളി മാറാത്തവരായിരിക്കും എന്നും പറയുന്നു. ഇത് അവരുടെ ജോലിയിലും ബന്ധങ്ങളിലും എല്ലാം പ്രതിഫലിക്കും.
