ഒറ്റ പ്രസവത്തിൽ ജനിച്ച മൂന്ന് കുട്ടികളെ തിരിച്ചറിയാൻ വേണ്ടി മാതാപിതാക്കൾ കണ്ടെത്തിയ എളുപ്പവഴി. കുട്ടികള്ക്ക് നല്കിയ പേര് എ, ബി, സി. എന്തായാലും കാനഡയില് നിന്നുള്ള ഈ ദമ്പതികളുടെ പേരിടല് കൊള്ളാമെന്ന് സോഷ്യല് മീഡിയ.
മക്കൾക്ക് ഏറ്റവും നല്ല പേര് നൽകാൻ ആഗ്രഹിക്കാത്ത മാതാപിതാക്കൾ ഉണ്ടാകില്ല. എന്നാൽ, കാനഡയിലെ ടൊറന്റോയിലുള്ള ദമ്പതികൾ തങ്ങളുടെ ട്രിപ്ലറ്റ്സിന് (Triplets) പേരിടുമ്പോൾ മറ്റൊരു പ്രധാന ലക്ഷ്യം കൂടിയുണ്ടായിരുന്നു, മക്കളെ തമ്മിൽ മാറിപ്പോകാതെ എങ്ങനെ എളുപ്പത്തിൽ തിരിച്ചറിയാം എന്നത്! അതിനായി അവർ കണ്ടെത്തിയ വഴി വളരെ ലളിതവും രസകരവുമായിരുന്നു. വെറും 45 സെക്കൻഡുകളുടെ വ്യത്യാസത്തിൽ ജനിച്ച മൂന്ന് ആൺകുട്ടികൾക്കും അവരുടെ ജനനക്രമം അനുസരിച്ച് 'A', 'B', 'C' എന്നീ അക്ഷരങ്ങൾ മധ്യനാമമായി (Middle Name) നൽകി. മക്കൾക്ക് അവർ നൽകിയ പേരുകൾ ഇങ്ങനെ: ആദ്യം ജനിച്ച കുട്ടി- ആൻഡ്രൂ എ മെലോഫ് (Andrew A Meloff), രണ്ടാമൻ- ക്വെന്റിൻ ബി മെലോഫ് (Quentin B Meloff), മൂന്നാമൻ- ജോയൽ സി മെലോഫ് (Joel C Meloff).
ബ്രിട്ടൻ സ്വദേശികളായ ഹന്ന കസെലും ഭർത്താവുമാണ് തങ്ങളുടെ മൂന്ന് കുട്ടികൾക്കും ഇത്തരത്തിൽ വ്യത്യസ്തമായ പേര് നൽകിയത്. ട്രിപ്ലറ്റ്സ് കുട്ടികളായതിനാൽ ഗർഭകാലത്ത് ഡോക്ടർമാർ ഓരോ കുട്ടിയെയും തിരിച്ചറിയാനായി സ്കാനിംഗ് റിപ്പോർട്ടുകളിൽ 'ബേബി എ', 'ബേബി ബി', 'ബേബി സി' എന്നിങ്ങനെയാണ് രേഖപ്പെടുത്തിയിരുന്നത്. ഗർഭകാലം മുഴുവൻ ഈ പേരുകൾ കേട്ടു ശീലിച്ച മാതാപിതാക്കൾക്ക് ഒടുവിൽ ആ പേരുകളോട് ഒരിഷ്ടം തോന്നി. കുട്ടികൾ ജനിച്ചപ്പോൾ ഈ അക്ഷരങ്ങൾ തന്നെ നിലനിർത്തിക്കൊണ്ട് അവർക്ക് പേര് നൽകാൻ മാതാപിതാക്കൾ തീരുമാനിച്ചു. 'എ' എന്നതിന് അപ്പോളോ (Apollo), 'ബി' എന്നതിന് ബോബി (Bobbi), 'സി' എന്നതിന് ചാർലി (Charlie) എന്നിങ്ങനെയാണ് അവർ പേരിട്ടത്.
ഗർഭകാലത്തെ ആ അക്ഷരമാല ക്രമം കുട്ടികളുടെ ജീവിതകാലം മുഴുവൻ കൂടെയുണ്ടാകണം എന്ന മാതാപിതാക്കളുടെ ആഗ്രഹം സോഷ്യൽ മീഡിയയിൽ വൈറലായി. പലരും ഈ തീരുമാനത്തെ രസകരമെന്നും സിംപിൾ എന്നുമാണ് വിശേഷിപ്പിച്ചത്. 12 വയസ്സാകുന്നത് വരെ മൂന്ന് പേരുടെയും മുഖവും ഭാവങ്ങളും ഒരേപോലെയായിരുന്നു. അതിനാൽ തന്നെ പഴയ ആൽബങ്ങൾ നോക്കി ഓരോരുത്തരെയും കൃത്യമായി പേര് പറഞ്ഞു വിളിക്കുക എന്നത് അസാധ്യമായിരുന്നു എന്നാണ് ഈ ദമ്പതികൾ പറയുന്നത്. കൗമാരപ്രായത്തിലേക്ക് എത്തിയതോടെയാണ് ഇവരുടെ മുഖച്ഛായയിലും സ്വഭാവത്തിലും മാറ്റങ്ങൾ വന്നു തുടങ്ങിയത്. ഇതോടെയാണ് വർഷങ്ങൾ നീണ്ട ആശയക്കുഴപ്പത്തിന് ഒരു പരിധിവരെ അറുതിയായത്. ഏതായാലും, കുട്ടികളെ എളുപ്പത്തിൽ തിരിച്ചറിയാൻ ഡോക്ടർമാർ നൽകിയ 'കോഡ്' പേരുകൾ പിന്നീട് അവരുടെ ജീവിതത്തിലെ അടയാളമായി മാറിയ ഈ കഥ ഇപ്പോൾ ഇന്റർനെറ്റിൽ വലിയ ശ്രദ്ധ നേടുകയാണ്.
