Asianet News MalayalamAsianet News Malayalam

പാർക്കിലെ ചൂടുനീരുറവയിലേക്ക് നായവീണു, രക്ഷിക്കാൻ ശ്രമിച്ച സ്ത്രീക്ക് ​പൊള്ളൽ, ഇതുവരെ മരിച്ചത് 20 -ലേറെപ്പേര്‍

ഹൈഡ്രോതെർമൽ പ്രദേശങ്ങളിൽ സന്ദർശകർ ശ്രദ്ധിക്കണമെന്നും ബോർഡ്‌വാക്കുകളിലും നടപ്പാതകളിലും തുടരണമെന്നും വളർത്തുമൃഗങ്ങളെ എല്ലായ്പ്പോഴും നിയന്ത്രിക്കണമെന്നും പാർക്ക് അധികൃതർ ആവർത്തിച്ച് മുന്നറിയിപ്പ് നൽകുന്നുണ്ട്. 

Woman burned from hot spring  in Yellowstone National Park
Author
Yellowstone National Park, First Published Oct 8, 2021, 10:11 AM IST
  • Facebook
  • Twitter
  • Whatsapp

തിളയ്ക്കുന്ന നീരുറവയില്‍ നിന്നും നായയെ രക്ഷിക്കാന്‍ ശ്രമിച്ച സ്ത്രീക്ക് പൊള്ളലേറ്റു. യെല്ലോസ്റ്റോൺ ദേശീയോദ്യാനത്തിലെ ചൂടുള്ള നീരുറവയിൽ നിന്ന് നായയെ രക്ഷിക്കാൻ ശ്രമിച്ച സ്ത്രീക്കാണ് പൊള്ളലേറ്റതായി അധികൃതര്‍ അറിയിച്ചത്. അവരുടെ അച്ഛനാണ് അവരെ വെള്ളത്തിൽ നിന്ന് പുറത്തെടുത്ത് ഒരു പ്രാദേശിക ആശുപത്രിയിൽ പ്രവേശിപ്പിച്ചത്. അവര്‍ക്ക് കാര്യമായ പൊള്ളലേറ്റിട്ടുണ്ട്. സംഭവം അധികൃതര്‍ അന്വേഷിച്ചു കൊണ്ടിരിക്കുകയാണ്. 

യുഎസ് നാഷണൽ പാർക്ക് സർവീസ് ഒരു പ്രസ്താവനയിൽ, വാഷിംഗ്ടൺ സ്റ്റേറ്റിൽ താമസിക്കുന്ന സ്ത്രീ ഒക്ടോബർ 4 -ന് തന്റെ നായയെ പിന്തുടരാൻ വാഹനത്തിൽ നിന്ന് ഇറങ്ങിയതായി പറഞ്ഞു. 'മെയ്ഡൻസ് ഗ്രേവ് സ്പ്രിംഗ്' എന്നറിയപ്പെടുന്ന ഒരു ചൂടുള്ള നീരുറവയിൽ വീണ നായയെ രക്ഷിക്കാന്‍ ശ്രമിക്കവെയാണ് അവർ അതിലേക്ക് വീഴുന്നതും തോളുകൾക്കും കാലുകൾക്കുമിടയിൽ കാര്യമായ പൊള്ളലുണ്ടാവുന്നതും. മെയ്ഡൻസ് ഗ്രേവിലെ ജലത്തിന്റെ താപനില 200F (93C) ആണെന്ന് പാർക്ക് അധികൃതർ പറയുന്നു. 

ചൂടുള്ള നീരുറവയിൽ നിന്ന് പുറത്തെടുത്ത ശേഷം, അവരെ യുഎസ് സംസ്ഥാനമായ ഐഡഹോയിലെ ഒരു മെഡിക്കൽ സെന്ററിലേക്ക് കൊണ്ടുപോയി. നായയ്ക്കും ജീവന്‍ നഷ്ടപ്പെട്ടതായി പിന്നീട് പാര്‍ക്ക് അധികൃതര്‍ പറഞ്ഞു. ലൈഹ സ്റ്റൈലോണ്‍ എന്ന സ്ത്രീക്കാണ് പൊള്ളലേറ്റത്. എട്ട് സെക്കന്‍റ് മാത്രമാണ് സഹോദരി ആ ചൂട് നീരുറവയില്‍ വീണുകിടന്നതെന്നും ഉടനെ തന്നെ അച്ഛന്‍ അവരെ ആശുപത്രിയില്‍ പ്രവേശിപ്പിച്ചു എന്നും സ്റ്റൈലോണിന്‍റെ സഹോദരി ഇന്‍സ്റ്റഗ്രാമില്‍ കുറിച്ചു. 

ഹൈഡ്രോതെർമൽ പ്രദേശങ്ങളിൽ സന്ദർശകർ ശ്രദ്ധിക്കണമെന്നും ബോർഡ്‌വാക്കുകളിലും നടപ്പാതകളിലും തുടരണമെന്നും വളർത്തുമൃഗങ്ങളെ എല്ലായ്പ്പോഴും നിയന്ത്രിക്കണമെന്നും പാർക്ക് അധികൃതർ ആവർത്തിച്ച് മുന്നറിയിപ്പ് നൽകുന്നുണ്ട്. താപ മേഖലകളിൽ വളർത്തുമൃഗങ്ങൾ അനുവദനീയമല്ല. 

ഈ വർഷം യെല്ലോസ്റ്റോൺ തെർമൽ സോണിൽ സംഭവിക്കുന്ന രണ്ടാമത്തെ പ്രധാന അപകടമാണിത്. സെപ്റ്റംബറിൽ, യെല്ലോസ്റ്റോണിലെ ഏറ്റവും പ്രശസ്തമായ ഗീസറായ ഓൾഡ് ഫെയ്ത്ത്ഫുളിൽ 19 വയസ്സുള്ള ഒരു സ്ത്രീയുടെ ശരീരത്തില്‍ പൊള്ളലേറ്റിരുന്നു. പാർക്കിന്റെ ചൂടുനീരുറവകളിലെ പൊള്ളലേറ്റ് 20 -ൽ അധികം ആളുകൾ മരിച്ചതായി യെല്ലോസ്റ്റോണിന്റെ സുരക്ഷാ വെബ്സൈറ്റ് രേഖപ്പെടുത്തുന്നു.

Follow Us:
Download App:
  • android
  • ios