Asianet News MalayalamAsianet News Malayalam

പുള്ളിപ്പുലിക്ക് തടി കുറക്കാൻ പ്രത്യേകം ഡയറ്റ്, മാസങ്ങൾക്കുള്ളിൽ തന്നെ നിർത്തി മൃ​ഗശാല, കാരണം

പുലിക്ക് നൽകുന്ന മാംസത്തിന്റെ അളവും, ഭക്ഷണം നൽകുന്നതിന്റെ തവണകളും കുറക്കുകയാണ് മൃ​ഗശാല ചെയ്തത്. എന്നാൽ, ഇപ്പോൾ ആ പ്ലാൻ നിർത്തിയതായിട്ടാണ് മൃ​ഗശാല പറയുന്നത്.

zoo stop diet for over weight leopard because of age
Author
First Published Jun 14, 2024, 12:51 PM IST

ഭാരം കുറക്കുക, സ്ലിം ആയിരിക്കുക. അതിനുവേണ്ടി ഡയറ്റ് പിന്തുടരുകയും വർക്കൗട്ട് ചെയ്യുകയും ചെയ്യുന്ന അനേകം പേരെ നാം കാണുന്നുണ്ടാവാം. അത് മനുഷ്യരുടെ കാര്യമാണ്. എന്നാൽ, ചൈനയിലെ ഒരു മൃ​ഗശാല നേരത്തെ തങ്ങളുടെ പുള്ളിപ്പുലിക്ക് വേണ്ടി ഇതുപോലെ ഒരു ഡയറ്റ് പ്ലാൻ ചെയ്തിരുന്നു. അമിതഭാരത്തെ തുടർന്ന് വിമർശനമേറ്റുവാങ്ങേണ്ടി വന്നതിന് പിന്നാലെയായിരുന്നു ഇത്. പക്ഷേ, ആ ഡയറ്റ് പ്ലാൻ ഇപ്പോൾ നിർത്തിവച്ചതായി പ്രഖ്യാപിച്ചിരിക്കുകയാണ് ചൈനയിലെ സിചുവാനിലുള്ള പൻസിഹുവ മൃ​ഗശാല.

ഈ വർഷം ആദ്യമാണ് 16 വയസ്സുള്ള പുള്ളിപ്പുലിയുടെ വീഡിയോകളും ചിത്രങ്ങളും സോഷ്യൽ മീഡിയയിൽ വൈറലായത്. തടി കൂടിയതായിരുന്നു അതിന് കാരണം. കൂടുതൽ സന്ദർശകരെ ഈ പുള്ളിപ്പുലി ആകർഷിക്കുകയും ചെയ്തു. എന്നാൽ, അതേസമയം തന്നെ പുള്ളിപ്പുലിയുടെ ആരോ​ഗ്യത്തെ കുറിച്ചും ആളുകൾ ആശങ്ക പ്രകടിപ്പിച്ചു. അതോടെയാണ് മൃ​ഗശാല പുലിക്ക് വേണ്ടി ഒരു പ്രത്യേകം ഡയറ്റ് പ്ലാൻ തയ്യാറാക്കിയത്. മാർച്ചിലായിരുന്നു ഡയറ്റ് ആരംഭിച്ചത്. 

പുലിക്ക് നൽകുന്ന മാംസത്തിന്റെ അളവും, ഭക്ഷണം നൽകുന്നതിന്റെ തവണകളും കുറക്കുകയാണ് മൃ​ഗശാല ചെയ്തത്. എന്നാൽ, ഇപ്പോൾ ആ പ്ലാൻ നിർത്തിയതായിട്ടാണ് മൃ​ഗശാല പറയുന്നത്. അതിന് കാരണമായി പറയുന്നത് ഈ പുള്ളിപ്പുലിയുടെ പ്രായം 16 വയസ്സാണ്. മനുഷ്യരോട് താരതമ്യപ്പെടുത്തിയാൽ ഒരു 70-80 വയസ്സുള്ള ആളുടെ അത്രയും വരും. അതിനാൽ ഇപ്പോൾ അതിന്റെ ഡയറ്റിൽ വ്യത്യാസം വരുത്തുന്നത് ശരിയാവില്ല എന്നാണ്. 

പുള്ളിപ്പുലിയെ പല ഡോക്ടർമാരും പരിശോധിച്ചു. അതിന്റെ ആരോ​ഗ്യത്തിന് യാതൊരു കുഴപ്പവുമില്ല. അതിനാൽ തന്നെ തടി കാരണം അതിന്റെ ഭക്ഷണത്തിൽ വ്യത്യാസം വരുത്തുന്നത് ശരിയല്ല എന്നും മൃ​ഗശാല പറയുന്നു. 

Latest Videos
Follow Us:
Download App:
  • android
  • ios