Asianet News MalayalamAsianet News Malayalam

ഫേസ്ബുക്ക് ഉപയോഗിക്കുന്ന വിദ്യാര്‍ത്ഥികള്‍ക്ക് സന്തോഷ വാര്‍ത്ത; 'കാമ്പസ്' ഫീച്ചറുമായി ഫേസ്ബുക്ക്

പേര്, പ്രൊഫൈല്‍ ഫോട്ടോ, കവര്‍ ഫോട്ടോ, സ്ഥലം എന്നിവ ഫേസ്ബുക്ക് പ്രൊഫൈലില്‍ നിന്ന് ഇംപോര്‍ട്ട് ചെയ്യാം, പുറമേ മെയ്ന്‍, മൈനര്‍, ക്ലാസ് ലിസ്റ്റ് പോലുള്ള അധിക വിശദാംശങ്ങള്‍ ചേര്‍ക്കാനും കഴിയും. 

Facebook goes back to its roots with new feature Campus
Author
Facebook, First Published Sep 12, 2020, 8:48 AM IST

വിദ്യാര്‍ത്ഥികള്‍ക്ക് മാത്രം ലഭ്യമാകുന്ന പുതിയ ഫീച്ചര്‍ കാമ്പസുമായി വീണ്ടും ഫേസ്ബുക്ക് ചരിത്രമെഴുതാനൊരുങ്ങുന്നു. നിരവധി സോഷ്യല്‍ മീഡിയയിലൂടെ നഷ്ടപ്പെട്ടു പോയ യൂത്തിനെ തിരികെ പിടിക്കാനുള്ള എഫ്ബിയുടെ ഒരു ശ്രമമാണിത്. ഫേസ്ബുക്കിലെ പ്രധാന പ്രൊഫൈലില്‍ നിന്ന് വ്യത്യസ്തമായി ഒരു കാമ്പസ് പ്രൊഫൈല്‍ സൃഷ്ടിക്കാന്‍ വിദ്യാര്‍ത്ഥികളെ ഇത് അനുവദിക്കുന്നു. ഫേസ്ബുക്ക് ആപ്ലിക്കേഷന്റെ ഉപവിഭാഗമായി പ്രവര്‍ത്തിക്കുന്ന ഇതിനായി വേണ്ടത് ഒരു കോളേജ് ഇമെയിലും ബിരുദ തീയതിയും മാത്രമാണ്.

പേര്, പ്രൊഫൈല്‍ ഫോട്ടോ, കവര്‍ ഫോട്ടോ, സ്ഥലം എന്നിവ ഫേസ്ബുക്ക് പ്രൊഫൈലില്‍ നിന്ന് ഇംപോര്‍ട്ട് ചെയ്യാം, പുറമേ മെയ്ന്‍, മൈനര്‍, ക്ലാസ് ലിസ്റ്റ് പോലുള്ള അധിക വിശദാംശങ്ങള്‍ ചേര്‍ക്കാനും കഴിയും. ഒരു കാമ്പസ് പ്രൊഫൈല്‍ സജ്ജീകരിച്ചുകഴിഞ്ഞാല്‍, വിദ്യാര്‍ത്ഥികള്‍ക്ക് അവരുടെ സ്‌കൂളിന് സവിശേഷമായ ഗ്രൂപ്പുകളും ഇവന്റുകളും ഉണ്ടാക്കാനും സമാന താല്‍പ്പര്യങ്ങളുള്ള സഹപാഠികളുമായി ബന്ധപ്പെടാനും കഴിയും. ടിക് ടോക്ക്, ഇന്‍സ്റ്റാഗ്രാം, മറ്റ് പ്ലാറ്റ്‌ഫോമുകള്‍ എന്നിവയിലേക്ക് വഴിമാറിയ യുവ ഉപയോക്താക്കളെ വീണ്ടും ഫേസ്ബുക്കിലേക്കു ബന്ധിപ്പിക്കുന്നതിനുള്ള ഒരു ശ്രമമാണിതെന്നു വേണം കരുതാന്‍. പകര്‍ച്ചവ്യാധിയാല്‍ വേര്‍തിരിക്കാവുന്ന അംഗങ്ങള്‍ക്കായി ഒരു വെര്‍ച്വല്‍ കമ്മ്യൂണിറ്റി സൃഷ്ടിക്കുന്നതിനും ക്യാമ്പസ് ഉദ്ദേശിക്കുന്നു.

''ഈ വര്‍ഷം, ചില കാമ്പസുകള്‍ ഭാഗിക അല്ലെങ്കില്‍ മുഴുവന്‍ സമയ വിദൂര പഠനത്തിലേക്ക് മാറുന്നതിനാല്‍ രാജ്യത്തുടനീളമുള്ള വിദ്യാര്‍ത്ഥികള്‍ പുതിയ വെല്ലുവിളികള്‍ നേരിടുന്നു,'' ഫെയ്സ്ബുക്ക് കാമ്പസ് പ്രൊഡക്റ്റ് മാനേജര്‍ ചാര്‍മെയ്ന്‍ ഹംഗ് എഴുതി, 'അതിനാല്‍ സുഹൃത്തുക്കളെ കണ്ടെത്തുകയെന്നതും സൗഹൃദം നിലനിര്‍ത്തുകയെന്നതും മുമ്പത്തേക്കാളും വളരെ ബുദ്ധിമുട്ടായിരിക്കുന്നു. അതു കൊണ്ടാണ് ഫേസ്ബുക്ക് ഇത്തരമൊരു നീക്കത്തിനു തയ്യാറെടുക്കുന്നത്.'

ക്ലാസ്, വര്‍ഷം, മറ്റ് വിഭാഗങ്ങള്‍ അനുസരിച്ച് പരസ്പരം കണ്ടെത്താന്‍ ക്യാമ്പസ് ഡയറക്ടറിയും കാമ്പസില്‍ ഫേസ്ബുക്ക് അവതരിപ്പിക്കുന്നു. മറ്റു പ്രധാന സവിശേഷതകളില്‍ ലൈവ് ചാറ്റ് റൂമുകളും സ്‌കൂള്‍ നിര്‍ദ്ദിഷ്ട വാര്‍ത്താ ഫീഡും ഉള്‍പ്പെടുന്നു, അവിടെ വിദ്യാര്‍ത്ഥികള്‍ക്ക് സഹപാഠികള്‍, ഗ്രൂപ്പുകള്‍, ഇവന്റുകള്‍ എന്നിവയില്‍ നിന്ന് അപ്ഡേറ്റുകള്‍ ലഭിക്കും. അവര്‍ക്ക് പഠന ഗ്രൂപ്പുകള്‍ സൃഷ്ടിക്കാനും വെര്‍ച്വല്‍ മ്യൂസിക്ക് ആസൂത്രണം ചെയ്യാനും ഉപദേശം ചോദിക്കാനും കഴിയും, ഹംഗ് പറയുന്നു.

ഫേസ്ബുക്കിന്റെ കമ്മ്യൂണിറ്റി മാനദണ്ഡങ്ങള്‍ ലംഘിക്കുന്ന ആര്‍ക്കും കാമ്പസില്‍ ചേരാനാവില്ല. കാമ്പസില്‍ കോളേജ് പേജുകളുണ്ട്, അവ സര്‍വകലാശാലാ സ്റ്റാഫുകളാണ് പരിപാലിക്കുന്നത്. കോളേജ് പേജുകള്‍ക്ക് ഗ്രൂപ്പുകളിലും ഇവന്റുകളിലും പങ്കെടുക്കാനും കഴിയും, മാത്രമല്ല നിങ്ങള്‍ ഒരേ ഗ്രൂപ്പിലോ ഇവന്റിലോ ആണെങ്കില്‍ നിങ്ങളുടെ പ്രൊഫൈല്‍ കാണാനാകും. എന്നാല്‍ ഫേസ്ബുക്ക് പറയുന്നത് അനുസരിച്ച്, 'അവര്‍ക്ക് ചാറ്റുകളിലേക്കോ സഹപാഠികളുടെ ഡയറക്ടറിയിലേക്കോ പ്രവേശനമില്ല.' ഒരു വിദ്യാര്‍ത്ഥി ബിരുദമെടുത്തുകഴിഞ്ഞാല്‍, ക്യാമ്പസ് വിടാന്‍ അവരെ പ്രോത്സാഹിപ്പിക്കുന്ന ഒരു അറിയിപ്പ് ഫേസ്ബുക്ക് അയയ്ക്കും, കാരണം ഇത് അവര്‍ക്ക് പ്രസക്തമല്ലെന്ന് ദി വെര്‍ജ് റിപ്പോര്‍ട്ട് ചെയ്യുന്നു.

മാര്‍ക്ക് സക്കര്‍ബര്‍ഗും നിരവധി സഹപാഠികളും ഹാര്‍വാര്‍ഡ് വിദ്യാര്‍ത്ഥികള്‍ക്കായി സോഷ്യല്‍ നെറ്റ്വര്‍ക്കിംഗ് സേവനമായ 'ദി ഫേസ്ബുക്ക്' എന്ന പേരില്‍ വികസിപ്പിച്ചെടുത്ത പ്ലാറ്റ്‌ഫോമാണ് പിന്നീട് 2004 ല്‍ ഫേസ്ബുക്ക് എന്ന സ്ഥാപനമായി മാറിയത്. കൊളംബിയ, സ്റ്റാന്‍ഫോര്‍ഡ്, എന്‍യുയു, യേല്‍, എംഐടി എന്നിവിടങ്ങളിലെ വിദ്യാര്‍ത്ഥികളിലേക്ക് വികസിപ്പിച്ച ശേഷം എല്ലാവര്‍ക്കുമായി ഇത് തുറക്കപ്പെട്ടു. അമേരിക്കയിലെ ഏറ്റവും വലിയ ഫേസ്ബുക്ക് ഉപയോക്താക്കള്‍ 25 നും 34 നും ഇടയില്‍ പ്രായമുള്ള പുരുഷന്മാരും സ്ത്രീകളുമാണ്. കണക്കനുസരിച്ച്, 51 ശതമാനം കൗമാരക്കാര്‍ മാത്രമാണ് 2018ല്‍ ഫേസ്ബുക്ക് ഉപയോഗിച്ചത്, 2013 ല്‍ ഇത് 71 ശതമാനമായിരുന്നു. ഇതാണ് കോവിഡ് കാലത്ത് ഫേസ്ബുക്കിനെ മാറിചിന്തിക്കാന്‍ പ്രേരിപ്പിക്കുന്നത്. 
 

Follow Us:
Download App:
  • android
  • ios