Asianet News MalayalamAsianet News Malayalam

ഗൂഗിള്‍ ഫോട്ടോകള്‍ സൗജന്യ സ്റ്റോറേജ് അവസാനിപ്പിച്ചു, ഇനി വിവിധ പ്ലാനുകള്‍ ഇങ്ങനെ

മുമ്പ് ചേര്‍ത്ത ഉയര്‍ന്ന നിലവാരമുള്ള ചിത്രങ്ങളും വീഡിയോകളും ഈ 15 ജിബി സ്‌റ്റോറേജിലേക്ക് കണക്കാക്കില്ല. ഉയര്‍ന്ന നിലവാരമുള്ള ഫോട്ടോകളെ ഡോക്യുമെന്റായി സൂക്ഷിക്കാന്‍ ഗൂഗിള്‍ ഫോട്ടോകള്‍ ഉപയോക്താക്കളെ അനുവദിക്കുന്നതിനാല്‍ ഫോണ്‍ 15 ജിബി സംഭരണത്തിനു മീതേ ചിത്രങ്ങളുടെ ബാക്കപ്പ് ആയി തുടരും.

Google Photos free unlimited storage ends today but you have three paid plans to choose from
Author
Google, First Published Jun 2, 2021, 11:17 AM IST

ഫോണിലെടുത്തിരിക്കുന്ന ആയിരക്കണക്കിന് ചിത്രങ്ങള്‍ ഫോണ്‍ മാറിയാല്‍ പോലും പിന്നീട് ഗൂഗിള്‍ ഫോട്ടോകളില്‍ നിന്നും തിരികെയെടുക്കാവുന്നൊരു കാലമുണ്ടായിരുന്നു. ഇനി അതൊക്കെ മറന്നു കൊള്‍ക. കാരണം, ഇനി മുതല്‍ ഗൂഗിള്‍ ഫോട്ടോ സൗജന്യമല്ല. ഗൂഗിള്‍ ഫോട്ടോയില്‍ അപ്‌ലോഡുചെയ്ത ഏത് ഫോട്ടോയും നിങ്ങളുടെ ഗൂഗിള്‍ ഡ്രൈവ് സ്‌റ്റോറേജ് പരിധിയിലേക്ക് കണക്കാക്കും. എന്നാല്‍ മുമ്പ് ചേര്‍ത്ത ഉയര്‍ന്ന നിലവാരമുള്ള ചിത്രങ്ങളും വീഡിയോകളും ഈ 15 ജിബി സ്‌റ്റോറേജിലേക്ക് കണക്കാക്കില്ല. ഉയര്‍ന്ന നിലവാരമുള്ള ഫോട്ടോകളെ ഡോക്യുമെന്റായി സൂക്ഷിക്കാന്‍ ഗൂഗിള്‍ ഫോട്ടോകള്‍ ഉപയോക്താക്കളെ അനുവദിക്കുന്നതിനാല്‍ ഫോണ്‍ 15 ജിബി സംഭരണത്തിനു മീതേ ചിത്രങ്ങളുടെ ബാക്കപ്പ് ആയി തുടരും.

ഈ മാസം ആദ്യം, സ്‌റ്റോറേജ് ശൂന്യമാക്കാന്‍ ഉപയോക്താക്കളെ സഹായിക്കുന്ന രണ്ട് അപ്‌ഡേറ്റുകള്‍ ഗൂഗിള്‍ പുറത്തിറക്കി. അനാവശ്യമായ അല്ലെങ്കില്‍ മങ്ങിയ ചിത്രങ്ങളില്‍ ഡിലീറ്റ് ചെയ്യാന്‍ ഉപയോക്താക്കളെ അനുവദിക്കുന്ന ഒരു പുതിയ അവലോകന ടൂള്‍ ഗൂഗിള്‍ ചേര്‍ത്തു. മങ്ങിയ ചിത്രങ്ങളോ വീഡിയോകളോ, സ്‌ക്രീന്‍ഷോട്ടുകളും അനാവശ്യമായി ധാരാളം സ്ഥലം കഴിക്കുന്ന വലിയ വീഡിയോകളും ഈ ടൂള്‍ ഹൈലൈറ്റ് ചെയ്യും. അതുപോലെ, ഉപയോക്താക്കള്‍ക്ക് സ്‌റ്റോറേജ് സെറ്റിങ്‌സ് മാനേജുചെയ്യാനും സ്ഥലം ശൂന്യമാക്കാനും കഴിയും. എന്നാല്‍ ഡ്രൈവ് നിറയുകയും നിങ്ങള്‍ക്ക് ഇപ്പോഴും ക്ലൗഡില്‍ സ്‌റ്റോറേജ് ഇടമില്ലെങ്കില്‍, എല്ലായ്‌പ്പോഴും പണമടച്ചുള്ള പദ്ധതികളെ ഇനി മുതല്‍ ആശ്രയിക്കേണ്ടി വരും. 

ഗൂഗിള്‍ വണ്ണിന് നിലവില്‍ മൂന്ന് പെയ്ഡ് പ്ലാനുകള്‍ ലഭ്യമാണ്. ഉപയോക്താക്കള്‍ക്ക് പ്രതിമാസമായി ഒരു നിശ്ചിത തുക അടയ്ക്കാനോ വാര്‍ഷിക പദ്ധതി തിരഞ്ഞെടുക്കാനോ കഴിയും.

100 ജിബി: പട്ടികയിലെ ആദ്യ പ്ലാനില്‍ പ്രതിമാസം 130 രൂപ നിരക്കില്‍ 100 ജിബി സ്‌റ്റോറേജും 1300 രൂപ വാര്‍ഷിക ചെലവും വാഗ്ദാനം ചെയ്യുന്നു. ഗൂഗിള്‍ വിദഗ്ധരിലേക്കുള്ള ആക്‌സസ്, കുടുംബാംഗങ്ങളെ ചേര്‍ക്കാനുള്ള ഓപ്ഷന്‍, അധിക അംഗ ആനുകൂല്യങ്ങള്‍ എന്നിവ ഈ സബ്‌സ്‌ക്രിപ്ഷന്‍ പ്ലാനില്‍ ഉള്‍പ്പെടുന്നു.

200 ജിബി: മറ്റൊരു പദ്ധതിയില്‍ 200 ജിബി സ്‌റ്റോറേജ് പ്രതിമാസ വില 210 രൂപയും 2100 രൂപ പ്രതിവര്‍ഷ വിലയും വാഗ്ദാനം ചെയ്യുന്നു. 200 ജിബി സ്‌റ്റോറേജ്, ഗൂഗിള്‍ വിദഗ്ധരിലേക്കുള്ള പ്രവേശനം, കുടുംബാംഗങ്ങളെ ചേര്‍ക്കാനുള്ള ഓപ്ഷന്‍, അധിക അംഗ ആനുകൂല്യങ്ങള്‍ എന്നിവ പദ്ധതിയില്‍ ഉള്‍പ്പെടുന്നു.

2 ടിബി: നിങ്ങള്‍ക്ക് 100 ജിബിയും 200 ജിബിയും കൂടുതല്‍ ആവശ്യമുണ്ടെങ്കില്‍, പ്രതിമാസം 650 രൂപയും പ്രതിവര്‍ഷം 6500 രൂപയും വില വരുന്ന 2 ടിബി സ്‌റ്റോറേജ് പദ്ധതി നിങ്ങള്‍ പരിഗണിക്കണം. മുഴുവന്‍ ലൈനപ്പിലെയും ഏറ്റവും ചെലവേറിയ പ്ലാനാണിത്, പക്ഷേ ഗൂഗിള്‍ വിദഗ്ധരിലേക്കുള്ള ആക്‌സസ്, കുടുംബാംഗങ്ങളെ ചേര്‍ക്കാനുള്ള ഓപ്ഷന്‍, അധിക അംഗ ആനുകൂല്യങ്ങള്‍ എന്നിവ ഉള്‍പ്പെടുന്നു.

നിങ്ങള്‍ക്ക് ഗൂഗിള്‍ വണ്‍ സബ്‌സ്‌ക്രിപ്ഷന്‍ വാങ്ങാന്‍ താല്‍പ്പര്യമില്ലെങ്കില്‍, നിങ്ങള്‍ക്ക് ആപ്പിള്‍ വണ്‍ സബ്‌സ്‌ക്രിപ്ഷന്‍ പരിഗണിക്കാം, പക്ഷേ അതിനായി നിങ്ങള്‍ക്ക് ഒരു ആപ്പിള്‍ ഫോണ്‍ ആവശ്യമാണ്. ഇന്ത്യയിലെ ആപ്പിള്‍ വണ്‍ സബ്‌സ്‌ക്രിപ്ഷന്‍ പ്ലാന്‍ 50 ജിബി സ്‌റ്റോറേജിന് 195 രൂപയില്‍ നിന്ന് ആരംഭിക്കുമ്പോള്‍ 200 ജിബി സ്‌റ്റോറേജിന് 365 രൂപയാണ് വില.

Follow Us:
Download App:
  • android
  • ios