വാട്ട്സ്ആപ്പ് ചാറ്റ് തുറക്കാതെ എങ്ങനെ സന്ദേശങ്ങള്‍ വായിക്കാം
നോട്ടിഫിക്കേഷന്‍ പാനലിലെ എല്ലാ സന്ദേശങ്ങളും നിങ്ങള്‍ക്ക് എപ്പോഴും വായിക്കാനാകുമെങ്കിലും, ആപ്പ് തുറക്കാതെ തന്നെ സന്ദേശങ്ങള്‍ പരിശോധിക്കാന്‍ ഒരു രീതി കൂടി ഉണ്ട്.
ഒരു കോണ്‍ടാക്റ്റിന്റെ ചാറ്റ് തുറക്കാതെ വാട്ട്സ്ആപ്പ് സന്ദേശങ്ങള്‍ വായിക്കാന്‍ ആഗ്രഹിക്കുന്ന നിരവധി സന്ദര്‍ഭങ്ങളുണ്ട്. നോട്ടിഫിക്കേഷന്‍ പാനലിലെ എല്ലാ സന്ദേശങ്ങളും നിങ്ങള്‍ക്ക് എപ്പോഴും വായിക്കാനാകുമെങ്കിലും, ആപ്പ് തുറക്കാതെ തന്നെ സന്ദേശങ്ങള്‍ പരിശോധിക്കാന്‍ ഒരു രീതി കൂടി ഉണ്ട്.
ഘട്ടം 1: ഹോം സ്‌ക്രീനില്‍ ദീര്‍ഘനേരം അമര്‍ത്തുക, സ്മാര്‍ട്ട്‌ഫോണിന്റെ സ്‌ക്രീനില്‍ ഒരു മെനു പോപ്പ് അപ്പ് ചെയ്യും.
ഘട്ടം 2: വിജറ്റുകളില്‍ ടാപ്പുചെയ്യുക. ധാരാളം കുറുക്കുവഴികള്‍ നിങ്ങള്‍ അവിടെ കാണും. നിങ്ങള്‍ വാട്ട്‌സ്ആപ്പിനായുള്ള ഷോട്ട്കട്ട് കണ്ടെത്തേണ്ടതുണ്ട്.
ഘട്ടം 3: നിങ്ങള്‍ക്ക് വ്യത്യസ്ത വാട്ട്സ്ആപ്പ് വിജറ്റുകള്‍ ലഭിക്കും. നിങ്ങള്‍ '4 ഃ 1 വാട്ട്സ്ആപ്പ് വിജറ്റ് ടാപ്പുചെയ്യുക.
ഘട്ടം 4: ആ വിജറ്റ് ഞെക്കിപിടിച്ചു ഹോം സ്‌ക്രീനുകളിലൊന്നില്‍ ഇടുക. ഇത് നിങ്ങളുടെ സ്‌ക്രീനില്‍ ചേര്‍ത്ത ശേഷം, തുറക്കാന്‍ വിജറ്റില്‍ ദീര്‍ഘനേരം അമര്‍ത്താം.
ഇനി വാട്ട്സ്ആപ്പ് ചാറ്റ് തുറക്കാതെ തന്നെ സന്ദേശങ്ങള്‍ വായിക്കാനാകും. പഴയ (വായിക്കാത്ത) എല്ലാ സന്ദേശങ്ങളും ഈ വിധത്തില്‍ വായിക്കാനാകും. ഏതെങ്കിലും ചാറ്റുകളില്‍ (വിജറ്റില്‍) ടാപ്പുചെയ്യുകയാണെങ്കില്‍, വാട്ട്സ്ആപ്പ് ആ ചാറ്റ് തുറക്കുകയും സന്ദേശങ്ങള്‍ വായിച്ചതായി അയച്ചയാള്‍ മനസ്സിലാക്കുകയും ചെയ്യും.
ഇത് ആന്‍ഡ്രോയിഡ് ഫോണില്‍ ലഭ്യമാണ്. എല്ലാ സ്മാര്‍ട്ട്‌ഫോണുകളിലും വിജറ്റുകള്‍ ലഭ്യമാണ്, പ്രക്രിയ സമാനവുമാണ്. ഈ ഓപ്ഷന്‍ കണ്ടെത്താന്‍ ഉപയോക്താക്കള്‍ അല്‍പ്പം ആഴത്തില്‍ ശ്രമിക്കണമെന്നു മാത്രം. സാംസങ് ഉപയോക്താക്കള്‍ ആദ്യം വാട്ട്സ്ആപ്പ് വിജറ്റില്‍ ടാപ്പുചെയ്ത് വലത്തേക്ക് സൈ്വപ്പ് ചെയ്യണം. അതിനുശേഷം, രണ്ടാമത്തെ സ്ലൈഡില്‍ ടാപ്പുചെയ്യുക. തുടര്‍ന്ന് ആഡ് ബട്ടണില്‍ ടാപ്പുചെയ്യേണ്ടതുണ്ട്. അപ്പോള്‍ വിജറ്റ് സ്‌ക്രീനില്‍ ദൃശ്യമാകും.
വാട്ട്സ്ആപ്പ് വെബ്: ചാറ്റ് തുറക്കാതെ എങ്ങനെ സന്ദേശങ്ങള്‍ വായിക്കാം
ചാറ്റ് തുറക്കാതെ തന്നെ വാട്ട്സ്ആപ്പ് വെബ് സന്ദേശങ്ങള്‍ വായിക്കാന്‍ ആഗ്രഹിക്കുന്നവരും അത് എളുപ്പത്തില്‍ ചെയ്യുന്നു. വാട്ട്സ്ആപ്പ് വെബില്‍ എന്തെങ്കിലും സന്ദേശം ലഭിച്ചുകഴിഞ്ഞാല്‍ നിങ്ങള്‍ കഴ്‌സര്‍ ചാറ്റില്‍ സ്ഥാപിച്ചാല്‍ മതി. അതോടെ ഒരു ഫ്‌ലോട്ടിംഗ് സന്ദേശം പോപ്പ് ചെയ്തുവരുന്നതു കാണും.
വെബ് പതിപ്പിലെ ഏറ്റവും പുതിയ സന്ദേശം പരിശോധിക്കുന്നതിന് നിങ്ങള്‍ ചാറ്റ് തുറക്കേണ്ടതില്ല. നിങ്ങള്‍ക്ക് ഏറ്റവും പുതിയ സന്ദേശങ്ങള്‍ മാത്രമേ ഇത്തരത്തില്‍ വായിക്കാനാകൂ, പഴയവയല്ല എന്നത് ശ്രദ്ധിക്കേണ്ടതാണ്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFight
