Asianet News MalayalamAsianet News Malayalam

ഐഫോണ്‍ 13-ലെ 'സിനിമാറ്റിക് മോഡ്' മൊബൈല്‍ സിനിമാറ്റോഗ്രാഫിയില്‍ വിപ്ലവം സൃഷ്ടിക്കും, വിശദാംശങ്ങളറിയാം

 വീഡിയോ ചിത്രീകരിച്ചതിനുശേഷം ഡെപ്ത് ഓഫ് ഫീല്‍ഡ് മാറ്റാന്‍ അപ്പേര്‍ച്ചര്‍ അല്ലെങ്കില്‍ എഫ്-സ്റ്റോപ്പ് ക്രമീകരിക്കാന്‍ സിനിമാറ്റിക് മോഡ് അനുവദിക്കുന്നു. ഫോക്കസില്‍ ഉള്ളത് മാറ്റാനോ റാക്ക് ഫോക്കസ് ഒരു സബ്ജക്ടില്‍ നിന്ന് മറ്റൊന്നിലേക്ക് മാറ്റാനോ ഇത് സഹായിക്കും.

Apple iPhone 13 Cinematic Mode just revolutionize mobile cinematography
Author
Apple Headquarters, First Published Sep 15, 2021, 8:17 PM IST
  • Facebook
  • Twitter
  • Whatsapp

പ്പിളിന്റെ ഐഫോണ്‍ 13 ലൈനപ്പിലെ ശ്രദ്ധേയമായ സവിശേഷതകളിലൊന്നാണ് പുതിയ 'സിനിമാറ്റിക് മോഡ്'. ഐഫോണ്‍ 13 പ്രോ, ഐഫോണ്‍ 13 പ്രോ മാക്‌സ് മോഡലുകളില്‍, വീഡിയോ ചിത്രീകരിച്ചതിനുശേഷം ഡെപ്ത് ഓഫ് ഫീല്‍ഡ് മാറ്റാന്‍ അപ്പേര്‍ച്ചര്‍ അല്ലെങ്കില്‍ എഫ്-സ്റ്റോപ്പ് ക്രമീകരിക്കാന്‍ സിനിമാറ്റിക് മോഡ് അനുവദിക്കുന്നു. ഫോക്കസില്‍ ഉള്ളത് മാറ്റാനോ റാക്ക് ഫോക്കസ് ഒരു സബ്ജക്ടില്‍ നിന്ന് മറ്റൊന്നിലേക്ക് മാറ്റാനോ ഇത് സഹായിക്കും.

ഐഫോണ്‍ 13/മിനി, ഐഫോണ്‍ 13 പ്രോ/പ്രോ മാക്‌സ് എന്നിവ ഉപയോഗിച്ച്, ഫോക്കസ് സെറ്റ് ചെയ്യാനും വീഡിയോയിലെ എഫ്-സ്റ്റോപ്പ് ക്രമീകരിക്കാനും കഴിയും. സ്റ്റില്ലുകള്‍ക്കുള്ള പോര്‍ട്രെയിറ്റ് മോഡിനുള്ള ഇന്റര്‍ഫേസിനു സമാനമാണിത്. ഐഫോണ്‍ 13, 13 പ്രോ മോഡലുകള്‍ വൈഡ്, അള്‍ട്രാ-വൈഡ് ക്യാമറകള്‍ക്കിടയിലുള്ള ഡീപ് മാപ്പ് സൃഷ്ടിക്കും. ഇതിലെ സോഫ്റ്റ്വെയറിന് പിന്നീട് മുന്‍ഭാഗവും ബാക്ക്ഗ്രൗണ്ടും മങ്ങിക്കാനും തിരഞ്ഞെടുത്ത ഏതെങ്കിലും എഫ്-സ്റ്റോപ്പ് അനുകരിക്കാനും കഴിയും. ഈ ഫോണുകളിലെ വലിയ സെന്‍സറുകള്‍ മുന്‍ ഫോണുകളെ അപേക്ഷിച്ച് ആഴം കുറഞ്ഞ നേറ്റീവ് ഡെപ്ത്-ഓഫ്-ഫീല്‍ഡ് നല്‍കുമെങ്കിലും, ഡെപ്ത് മാപ്പ് പോര്‍ട്രെയിറ്റ് മോഡ് പോലെ മനോഹരമായ മങ്ങല്‍ അനുവദിക്കുന്നു.

ഉപയോക്താക്കള്‍ക്ക് ദൃശ്യത്തിന്റെ ഏത് ഭാഗത്തേക്കും ഫോക്കസ് മാറ്റാനും സിനിമാറ്റിക്ക് മോഡില്‍ കഴിയും. വീഡിയോ ഉപയോഗിച്ച് ഒരു ഡെപ്ത് മാപ്പ് സൃഷ്ടിച്ചിരിക്കുന്നതിനാല്‍, ഉപയോക്താക്കള്‍ക്ക് ഫോക്കസ് മാറ്റാനോ ഫീല്‍ഡ്-ഓഫ്-ഫീല്‍ഡ് ക്രമീകരിക്കാനോ കഴിയും. ആപ്പിള്‍ പറയുന്നത് സിനിമാറ്റോഗ്രാഫി എന്ന കലയെക്കുറിച്ചും ഫോട്ടോഗ്രാഫിയുടെ മാറുന്ന മുഖവും ഈ മോഡ് നന്നായി അവതരിപ്പിക്കുന്നുവെന്നാണ്. വീഡിയോയില്‍ ഓട്ടോഫോക്കസ് അല്‍ഗോരിതങ്ങള്‍ മെച്ചപ്പെടുത്തുന്നതിന് ബുദ്ധിപൂര്‍വ്വം ശ്രദ്ധ കേന്ദ്രീകരിക്കാന്‍ ഇത് ഫോട്ടോഗ്രാഫര്‍മാരെ അനുവദിക്കുന്നു.

ഐഫോണ്‍ 13-ന്റെ ക്യാമറകളിലെ സബ്ജക്ട് ഫ്രെയിമിലേക്ക് പ്രവേശിക്കുമ്പോള്‍ തന്നെ ക്യാമറ അത് ബുദ്ധിപൂര്‍വ്വം ശ്രദ്ധിക്കുന്നുവെന്നും തുടര്‍ നടപടികള്‍ സ്വീകരിക്കുന്നുവെന്നും ആപ്പിളിന്റെ ഹ്യൂമന്‍ ഇന്റര്‍ഫേസ് ഡിസൈനര്‍ ജോണി മന്‍സാരി വിശദീകരിക്കുന്നു. അള്‍ട്രാ-വൈഡ് ക്യാമറയില്‍ നിന്നുള്ള അധിക വിവരങ്ങള്‍ ഉപയോഗിച്ച് വീഡിയോയിലേക്ക് അധിക ഇന്‍പുട്ട് നല്‍കാനാവും. സബ്ജക്ട് മാറ്റാന്‍ മറ്റൊന്നിലേക്ക് മാറുകയാണെങ്കില്‍, ക്യാമറ ഓട്ടോമാറ്റിക്കായി ഈ കാഴ്ചയിലേക്ക് ശ്രദ്ധ കേന്ദ്രീകരിക്കുന്നു.

ഇത് സിനിമാറ്റോഗ്രാഫിയില്‍ വിപ്ലവം സൃഷ്ടിക്കുമോ?

വലിയ സാങ്കേതികവിദ്യയുടെ സൂചനകള്‍ ഓട്ടോഫോക്കസ് അല്‍ഗോരിതങ്ങള്‍ വ്യക്തമാക്കുന്നു. ഓട്ടോഫോക്കസ് പോലുള്ള ലളിതമായ അല്‍ഗോരിതങ്ങളെ ആശ്രയിക്കുന്ന വീഡിയോയേക്കാള്‍ മികച്ച രീതിയില്‍ ഐഫോണ്‍ 13 ഉപയോഗിക്കുന്ന ഫേസ് ഡിറ്റക്ഷന്‍ ടെക്‌നോളജി മാറ്റം കൊണ്ടുവരും. ഫോക്കസിനും ഡെപ്ത് ഓഫ് ഫീല്‍ഡിനു ചുറ്റും ക്രിയാത്മകമായ തീരുമാനങ്ങള്‍ എടുക്കാനുള്ള ഫോണിന്റെ കഴിവ് മൊബൈല്‍ സിനിമാട്ടോഗ്രാഫിയില്‍ മാത്രമല്ല, പൊതുവെ സിനിമാട്ടോഗ്രാഫിയില്‍ വിപ്ലവം സൃഷ്ടിക്കും. ഇത് ഛായാഗ്രാഹകരെയും സംവിധായകരെയും മറ്റ് സൃഷ്ടിപരമായ തിരഞ്ഞെടുപ്പുകളില്‍ ശ്രദ്ധ കേന്ദ്രീകരിക്കാന്‍ അനുവദിക്കുന്നു. .

ഡെപ്ത്-ഓഫ്-ഫീല്‍ഡ് ഇഫക്റ്റിന്റെ ഗുണനിലവാരം ഇതില്‍ വലിയ തോതില്‍ കാണാനുണ്ട്, പക്ഷേ ഇത് വൈഡ് ആംഗിള്‍ പോര്‍ട്രെയിറ്റ് മോഡില്‍ കാണുന്നതിന് സമാനമാണ്. ഫോക്കസ് സ്ഥിരീകരിക്കുന്നതിന് ക്യാമറ തീരുമാനമെടുക്കുന്നതു പോലെ, തുടക്കക്കാര്‍ക്ക് ഒരു ക്ലിപ്പില്‍ ഇതിനകം കൂടുതല്‍ മെച്ചപ്പെടുത്തലുകള്‍ വരുത്താനാവും. അത് മാറ്റാനോ റിവേഴ്‌സ് ചെയ്യാനോ ബുദ്ധിമുട്ടില്ലെന്നും ആപ്പിള്‍ പറയുന്നു.

സാങ്കേതികമായി, ആപ്പിള്‍ അതിന്റെ ഇരട്ട പിക്‌സല്‍ സ്പ്ലിറ്റ് ഫോട്ടോ ഡിയോഡ് സെന്‍സര്‍ ഉപയോഗിച്ച് ക്യാമറകളില്‍ സൃഷ്ടിച്ച ഡെപ്ത് മാപ്പ് വീഡിയോകളുടെ മേന്മ വര്‍ദ്ധിപ്പിക്കും. എന്നാല്‍ ആപ്പിള്‍ അതിന്റെ സ്റ്റില്‍ പോര്‍ട്രെയിറ്റിനായി ഇത് പരിഗണിക്കുന്നുണ്ടോ എന്ന് വ്യക്തമല്ല. ഇപ്പോള്‍, സിനിമാറ്റിക് മോഡ് 1080പി- ല്‍ 30 എഫ്പിഎസ്- ല്‍ പരിമിതപ്പെടുത്തിയിരിക്കുന്നു. എങ്കിലും, ഇത് ഡോള്‍ബി വിഷന്‍ എച്ച്ഡിആര്‍ മോഡില്‍ ലഭ്യമാണ്, ഇത് ഓരോ ഫ്രെയിം ഫൂട്ടേജും ഇന്റലിജന്റ് ഗ്രേഡ് ചെയ്യുകയും ഔട്ട്പുട്ട് ഡൈനാമിക് വികസിപ്പിക്കാന്‍ ഡൈനാമിക് മെറ്റാഡാറ്റ ഉപയോഗിക്കുകയും ചെയ്യുന്നു.

'സിനിമാറ്റിക് മോഡില്‍' ഐഫോണില്‍ ചിത്രീകരിച്ച സിനിമ...

കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona

Follow Us:
Download App:
  • android
  • ios