ഗൂഗിള്‍ നിക്ഷേപം ഇറക്കുമ്പോള്‍ എയര്‍ടെല്ലിന് എന്താണ് ലാഭം?
ഗൂഗിളിന്റെ പ്രവേശനം എയര്‍ടെലിന്റെ ബാലന്‍സ് ഷീറ്റിന് ശക്തി പകരുമെന്നുറപ്പാണ്. കൂടാതെ, ഡാറ്റാ അനലിറ്റിക്‌സില്‍ ഗൂഗിള്‍ നവീകരണ ശേഷിയും ശക്തിയും കൊണ്ടുവരുന്നതിനാല്‍ ഇത് തന്ത്രപരമായും കമ്പനിയെ സഹായിക്കും
ജിയോയില്‍ വലിയ നിക്ഷേപം നടത്തുന്ന ഗൂഗിള്‍ ഇപ്പോള്‍ എയര്‍ടെലില്‍ പണം നിക്ഷേപിക്കാന്‍ പദ്ധതിയിടുന്നു. കമ്പനികള്‍ ചര്‍ച്ചയുടെ വിപുലമായ ഘട്ടത്തിലെത്തിയതായി റിപ്പോര്‍ട്ടുണ്ട്. കമ്പനികള്‍ കഴിഞ്ഞ ഒരു വര്‍ഷമായി ചര്‍ച്ചകള്‍ നടത്തിവരികയാണ്. ജൂണില്‍ എയര്‍ടെല്ലിന് 1.6 ലക്ഷം കോടി രൂപയുടെ കടബാധ്യതയുണ്ടെന്നത് ശ്രദ്ധേയമാണ്. ഗൂഗിളും എയര്‍ടെലും തമ്മിലുള്ള ഇടപാട് യാഥാര്‍ത്ഥ്യമായാല്‍, അത് സുനില്‍ മിത്തലിന്റെ നേതൃത്വത്തിലുള്ള ടെലികോം കമ്പനിക്ക് വലിയ ആശ്വാസമാകും.
ഗൂഗിളിന്റെ പ്രവേശനം എയര്‍ടെലിന്റെ ബാലന്‍സ് ഷീറ്റിന് ശക്തി പകരുമെന്നുറപ്പാണ്. കൂടാതെ, ഡാറ്റാ അനലിറ്റിക്‌സില്‍ ഗൂഗിള്‍ നവീകരണ ശേഷിയും ശക്തിയും കൊണ്ടുവരുന്നതിനാല്‍ ഇത് തന്ത്രപരമായും കമ്പനിയെ സഹായിക്കും. എയര്‍ടെല്ലിലേക്ക് പ്രവേശിക്കാന്‍ ശക്തമായ കാരണങ്ങള്‍ എയര്‍ടെല്ലിനുണ്ട്.
അവരുടെ ബാധ്യത ഗൂഗിളിനെ സംബന്ധിച്ചിടത്തോളം പരിമിതമായ ബാധ്യതയായിരിക്കുമെങ്കിലും, സാമ്പത്തിക സമ്മര്‍ദ്ദങ്ങള്‍ കാരണം എയര്‍ടെലിന് മുന്നോട്ട് പോകാന്‍ കഴിയാതെ വന്നാല്‍ വലിയ പ്രതിസന്ധിയാകുമെന്ന് സാമ്പത്തിക വിദഗ്ധര്‍ പറയുന്നു.
റിലയന്‍സ് ഇന്‍ഡസ്ട്രീസ് ഡിജിറ്റല്‍ സബ്‌സിഡിയറിയായ ജിയോ പ്ലാറ്റ്‌ഫോം ലിമിറ്റഡില്‍ ഗൂഗിള്‍ 33,737 കോടി രൂപ നിക്ഷേപിച്ചിട്ടുണ്ട്. നിലവില്‍ ജിയോ പ്ലാറ്റ്‌ഫോമുകളില്‍ 7.73% ഓഹരിയാണ് ഗൂഗിളിനുള്ളത്. ജിയോയില്‍ ഫേസ്ബുക്ക് പോലുള്ള കമ്പനികളും വന്‍ തുക നിക്ഷേപിച്ചിട്ടുണ്ട്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യർത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona
