Asianet News MalayalamAsianet News Malayalam

എല്‍പിജി സിലിണ്ടര്‍ ബുക്കിംഗില്‍ 2700 രൂപ വരെ ക്യാഷ്ബാക്ക് നല്‍കുന്നു, എങ്ങനെയിത് കിട്ടും?

പേടിഎമ്മിന്റെ പുതിയ '3 പേ 2700' ക്യാഷ്ബാക്ക് 3 പ്രമുഖ എല്‍പിജി കമ്പനികളായ ഇന്‍ഡെയ്ന്‍, എച്ച്പി ഗ്യാസ്, ഭാരത് ഗ്യാസ് എന്നിവയ്ക്കുള്ളതാണ്. ക്യാഷ്ബാക്ക് കൂടാതെ, എന്തെങ്കിലും കാരണങ്ങളാല്‍ ഉപഭോക്താവിന് തുക അടയ്ക്കാന്‍ കഴിയുന്നില്ലെങ്കില്‍ പിന്നീട് പണം നല്‍കാന്‍ പേടിഎം ഉപഭോക്താക്കളെ അനുവദിക്കും. 

Paytm offering cashback of up to Rs 2700 on LPG cylinder booking, here is how get
Author
Mumbai, First Published Aug 6, 2021, 8:59 AM IST
  • Facebook
  • Twitter
  • Whatsapp

പേടിഎം വഴി എല്‍പിജി ഗ്യാസ് ബുക്ക് ചെയ്യുന്നുണ്ടോ? ഉണ്ടെങ്കില്‍, ഇപ്പോള്‍ ക്യാഷ്ബാക്ക് ലഭിക്കും. എല്‍പിജി സിലിണ്ടര്‍ ബുക്കിംഗിന് ആവേശകരമായ ക്യാഷ്ബാക്കും പ്രതിഫലവും നല്‍കുമെന്ന് പേടിഎം പ്രഖ്യാപിച്ചു. 2700 രൂപയുടെ ക്യാഷ്ബാക്ക് ഓഫര്‍ പുതിയ ഉപയോക്താക്കള്‍ക്കാണ്, അതില്‍ അവര്‍ക്ക് ആദ്യത്തെ മൂന്ന് മാസത്തേക്ക് 900 രൂപ വരെ ഉറപ്പായ ക്യാഷ്ബാക്ക് ലഭിക്കും. നിലവിലുള്ള ഉപയോക്താക്കള്‍ക്കും ഓഫറുകള്‍ ഉണ്ട്. അവര്‍ക്ക് ഒരു ഉറപ്പായ പ്രതിഫലം ലഭിക്കും കൂടാതെ ഓരോ ബുക്കിംഗിലും 5000 രൂപ വരെ ക്യാഷ്ബാക്ക് ലഭിക്കാന്‍ അര്‍ഹതയുണ്ടെന്നും കമ്പനി പറയുന്നു.

പേടിഎമ്മിന്റെ പുതിയ '3 പേ 2700' ക്യാഷ്ബാക്ക് 3 പ്രമുഖ എല്‍പിജി കമ്പനികളായ ഇന്‍ഡെയ്ന്‍, എച്ച്പി ഗ്യാസ്, ഭാരത് ഗ്യാസ് എന്നിവയ്ക്കുള്ളതാണ്. ക്യാഷ്ബാക്ക് കൂടാതെ, എന്തെങ്കിലും കാരണങ്ങളാല്‍ ഉപഭോക്താവിന് തുക അടയ്ക്കാന്‍ കഴിയുന്നില്ലെങ്കില്‍ പിന്നീട് പണം നല്‍കാന്‍ പേടിഎം ഉപഭോക്താക്കളെ അനുവദിക്കും. പേടിഎം പോസ്റ്റ്‌പെയ്ഡ് എന്നറിയപ്പെടുന്ന പേടിഎം നൗ പേ ലേറ്റര്‍ പ്രോഗ്രാമില്‍ എന്‍ററോള്‍ ചെയ്തുകൊണ്ട് സിലിണ്ടര്‍ ബുക്കിംഗിനായി അടുത്ത മാസം പണം നല്‍കാനുള്ള ഓപ്ഷനും ഉപഭോക്താക്കള്‍ക്ക് ലഭിക്കും.

യൂട്ടിലിറ്റി പേയ്‌മെന്റുകള്‍ തടസ്സമില്ലാത്തതും രാജ്യത്തെ എല്ലാവര്‍ക്കും ഡിജിറ്റല്‍ ആക്കുന്നതുമാണ് ലക്ഷ്യമെന്നു പേടിഎം പറയുന്നു. എല്ലാ യൂട്ടിലിറ്റികള്‍ക്കും ഇടയില്‍, എല്‍പിജി സിലിണ്ടര്‍ ബുക്കിംഗ് ഇന്ത്യന്‍ കുടുംബങ്ങള്‍ക്ക് ആവര്‍ത്തിക്കുന്ന ചിലവുകളില്‍ ഒന്നാണ്. ഈ യൂട്ടിലിറ്റിയുടെ ഡിജിറ്റല്‍ പേയ്‌മെന്റുകള്‍ എല്ലാവര്‍ക്കും നല്‍കാനും കാലക്രമേണ, എല്‍പിജി സിലിണ്ടര്‍ റീഫില്ലുകള്‍ ഓണ്‍ലൈനില്‍ എളുപ്പത്തില്‍ ബുക്ക് ചെയ്യാന്‍ പണം നല്‍കാവുന്ന വിധത്തില്‍ മാറ്റുകയുമാണ് ലക്ഷ്യം. നിരവധി പുതിയ ഓഫറുകളും മെച്ചപ്പെട്ട യുഐയും ഉപയോഗിച്ച്, പുതിയ ഉപയോക്താക്കളിലേക്ക് എത്താനും നിലവിലുള്ള ഉപയോക്താക്കളില്‍ നിന്ന് ആവര്‍ത്തിച്ചുള്ള ഇടപാടുകള്‍ കൂടുതല്‍ വര്‍ദ്ധിപ്പിക്കാനും പേടിഎം ലക്ഷ്യമിടുന്നു. തടസ്സരഹിതവും ലളിതവുമായ ബുക്കിംഗ് പ്രക്രിയ കാരണം കമ്പനിക്ക് ആവര്‍ത്തിച്ചുള്ള ഉപഭോക്താക്കളുണ്ടെന്ന് പേടിഎം വെളിപ്പെടുത്തി.

ഗ്യാസ് സിലിണ്ടര്‍ ബുക്ക് ചെയ്യുന്നതിന്, ഉപയോക്താക്കള്‍ക്ക് 'ബുക്ക് ഗ്യാസ് സിലിണ്ടര്‍' ടാബിലേക്ക് പോയി ഗ്യാസ് ഏജന്‍സിയെ തിരഞ്ഞെടുത്ത് മൊബൈല്‍ നമ്പര്‍/എല്‍പിജി ഐഡി/ഉപഭോക്തൃ നമ്പര്‍ നല്‍കുക. എല്ലാ വിശദാംശങ്ങളും നല്‍കിയ ശേഷം, ഉപയോക്താക്കള്‍ക്ക് അവരുടെ ഇഷ്ടപ്പെട്ട പേടിഎം വാലറ്റ്, പേടിഎം യുപിഐ, കാര്‍ഡുകള്‍, നെറ്റ് ബാങ്കിംഗ് എന്നിവ ഉപയോഗിച്ച് പേയ്‌മെന്റ് നടത്താവുന്നതാണ്. ഉപയോക്താക്കള്‍ക്ക് അവരുടെ ഗ്യാസ് സിലിണ്ടറുകളുടെ ഡെലിവറി ട്രാക്ക് ചെയ്യാനും റീഫില്ലുകള്‍ക്കായി ഓട്ടോമേറ്റഡ് ഇന്റലിജന്റ് റിമൈന്‍ഡറുകള്‍ സ്വീകരിക്കാനും കഴിയും.

കഴിഞ്ഞ വര്‍ഷം പേടിഎം അവരുടെ പ്ലാറ്റ്‌ഫോമിലൂടെ ഒരു സിലിണ്ടര്‍ ബുക്ക് ചെയ്യാനുള്ള സൗകര്യം അവതരിപ്പിച്ചിരുന്നു. എച്ച്പി ഗ്യാസുമായി സഹകരിച്ചായിരുന്നു ഇത്. ശേഷം ഇന്ത്യന്‍ ഓയിലിന്റെ ഇന്‍ഡെയ്‌നും ഭാരത് ഗ്യാസും അവര്‍ക്കൊപ്പം സഹകരിച്ചു.

കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്‍തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona.

Follow Us:
Download App:
  • android
  • ios