വിവോ വൈ 51 എ ഇന്ത്യയില്‍; വിലയും വിവരങ്ങളും ഇങ്ങനെ
സിംഗിള്‍ 8 ജിബി റാം + 128 ജിബി സ്‌റ്റോറേജ് മോഡലിന് 17,990 രൂപയാണ് വില. വിവോ ഇന്ത്യ ഇസ്‌റ്റോര്‍, ആമസോണ്‍, ഫ്‌ലിപ്കാര്‍ട്ട്, പേടിഎം, ടാറ്റാക്ലിക്ക്, കൂടാതെ എല്ലാ പങ്കാളി റീട്ടെയില്‍ സ്‌റ്റോറുകളിലും ടൈറ്റാനിയം സഫയര്‍, ക്രിസ്റ്റല്‍ സിംഫണി കളര്‍ ഓപ്ഷനുകളില്‍ ഈ ഫോണ്‍ വാങ്ങാന്‍ ലഭ്യമാകുമെന്ന് കമ്പനി അറിയിച്ചു.
വിവോയുടെ വരവ് പലപ്പോഴും ഇങ്ങനെയാണ്, അടുക്കളയിലേക്ക് അടുത്ത വീട്ടിലെ പൂച്ച കയറി വരുന്നതു പോലെ, വളരെ നിശബ്ദമായി. ഇപ്പോള്‍ വൈ 51 എ എന്ന പേരിലാണ് ഇതിന്റെ പമ്മിപമ്മിയുള്ള വരവ്. എന്നാല്‍ പൂച്ചയാണ് ഇതെന്നു കരുതണ്ട, സംഗതി പുലിയാണ്. വിവോ വൈ 51 സ്മാര്‍ട്ട്‌ഫോണിന്റെ അല്‍പ്പം കൂടി പരിഷ്‌ക്കരിച്ച പതിപ്പാണിത്. കാഴ്ചയിലിത് എ51 ന് ഏതാണ്ട് സമാനമാണെങ്കിലും ചിപ്‌സെറ്റിന്റെ കാര്യത്തില്‍ മുമ്പത്തേതില്‍ നിന്ന് വളരെ വ്യത്യാസപ്പെട്ടിരിക്കുന്നു. ക്വാല്‍കോം സ്‌നാപ്ഡ്രാഗണ്‍ 662 ടീഇ, സൈഡ് മൗണ്ട് ചെയ്ത ഫിംഗര്‍പ്രിന്റ് സ്‌കാനറും 18വാട്‌സ് ഫാസ്റ്റ് ചാര്‍ജിംഗ് പിന്തുണയുള്ള 5,000 എംഎഎച്ച് ബാറ്ററിയും ഇതില്‍ പായ്ക്ക് ചെയ്യുന്നു. വൈ 51 പുറത്തിറങ്ങി ആഴ്ചകള്‍ മാത്രമേ ആയിട്ടുള്ളൂ എന്നത് കണക്കിലെടുക്കുമ്പോള്‍, സമാനമായ സവിശേഷതകളോടെ വിവോ ഇതിനകം തന്നെ ഒരു പുതിയ ഫോണ്‍ പുറത്തിറക്കി എന്നത് രസകരമാണ്.
സിംഗിള്‍ 8 ജിബി റാം + 128 ജിബി സ്‌റ്റോറേജ് മോഡലിന് 17,990 രൂപയാണ് വില. വിവോ ഇന്ത്യ ഇസ്‌റ്റോര്‍, ആമസോണ്‍, ഫ്‌ലിപ്കാര്‍ട്ട്, പേടിഎം, ടാറ്റാക്ലിക്ക്, കൂടാതെ എല്ലാ പങ്കാളി റീട്ടെയില്‍ സ്‌റ്റോറുകളിലും ടൈറ്റാനിയം സഫയര്‍, ക്രിസ്റ്റല്‍ സിംഫണി കളര്‍ ഓപ്ഷനുകളില്‍ ഈ ഫോണ്‍ വാങ്ങാന്‍ ലഭ്യമാകുമെന്ന് കമ്പനി അറിയിച്ചു. ലോഞ്ച് ഓഫറുകളുടെ ഭാഗമായി, വിവോ എച്ച്ഡിഎഫ്‌സി ബാങ്കില്‍ നിന്ന് 1,000 രൂപ ക്യാഷ്ബാക്ക്, ബജാജ് ഫിന്‍സെര്‍വ്, ഹോം ക്രെഡിറ്റ്, ഫസ്റ്റ് ബാങ്ക്, എച്ച്ഡിബി ക്രെഡിറ്റ്, ഐസിഐസിഐ ബാങ്ക് എന്നിവയില്‍ നിന്നുള്ള സീറോ ഡൗണ്‍ പേയ്‌മെന്റ് സ്‌കീമുകളും ആവിഷ്‌ക്കരിച്ചിട്ടുണ്ട്.
6.58 ഇഞ്ച് ഫുള്‍ എച്ച്ഡി + (1,080-2,408 പിക്‌സല്‍) എല്‍സിഡി ഡിസ്‌പ്ലേയാണ് ഫോണിനുള്ളത്, ഇത് വേഗത്തിലുള്ള റിഫ്രഷ് റേറ്റ് നല്‍കില്ല. എന്നാല്‍ വികസിപ്പിച്ച ക്വാല്‍കോം സ്‌നാപ്ഡ്രാഗണ്‍ 662 ടീഇ ചിപ്‌സെറ്റുമായി ഇത് വരുന്നു. ഇത് 8 ജിബി റാമും 128 ജിബി ഇന്റേണല്‍ സ്‌റ്റോറേജുമായി ചേര്‍ത്തിട്ടുണ്ട്. മൈക്രോ എസ്ഡി കാര്‍ഡ് വഴി (1 ടിബി വരെ) കൂടുതല്‍ വികസിപ്പിക്കാന്‍ കഴിയും.
ക്യാമറകള്‍ക്കായി, എഫ് / 1.79 ലെന്‍സുള്ള പ്രാഥമിക 48 മെഗാപിക്‌സല്‍ ലെന്‍സുള്ള ട്രിപ്പിള്‍ ക്യാമറ സജ്ജീകരണം ഉണ്ട്. അള്‍ട്രാ വൈഡ് എഫ് / 2.2 ലെന്‍സുള്ള 8 മെഗാപിക്‌സല്‍ സെന്‍സറിനും എഫ് / 2.4 അപ്പേര്‍ച്ചറുള്ള 2 മെഗാപിക്‌സല്‍ ലെന്‍സിനും അടുത്തായി ഇത് പ്രതിഷ്ഠിച്ചിരിക്കുന്നു. ഫോണിന്റെ ക്യാമറ സോഫ്‌റ്റ്വെയറുമായി ചേര്‍ന്ന് പ്രവര്‍ത്തിക്കുന്ന ഈ ലെന്‍സുകള്‍ പോര്‍ട്രെയിറ്റ്, ഫോട്ടോ, വീഡിയോ, പനോരമ, ലൈവ് ഫോട്ടോ, സ്ലോമോ, ടൈംലാപ്‌സ്, പ്രോ, ഡിഒസി, സൂപ്പര്‍ നൈറ്റ് മോഡ്, എഐ 48 എംപി എന്നിവ പോലുള്ള പിന്‍ ക്യാമറ മോഡുകള്‍ വാഗ്ദാനം ചെയ്യുന്നു. മുന്‍ ക്യാമറയ്ക്കായി, 16 മെഗാപിക്‌സല്‍ സെല്‍ഫി സ്‌നാപ്പര്‍ എഫ് / 2.0 അപ്പര്‍ച്ചര്‍ ഉണ്ട്.
കണക്റ്റിവിറ്റിക്കായി, ഡ്യുവല്‍ സിം, ഡ്യുവല്‍ബാന്‍ഡ് വൈഫൈ, ബ്ലൂടൂത്ത് 5.0, ജിഎന്‍എസ്എസ് (ജിപിഎസ്, ഗ്ലോനാസ്, ഗലീലിയോ), 3.5 എംഎം ഹെഡ്‌ഫോണ്‍ ജാക്ക്, യുഎസ്ബി ടൈപ്പ്‌സി പോര്‍ട്ട് എന്നിവയ്ക്കുള്ള പിന്തുണ ലഭിക്കുന്നു. ആന്‍ഡ്രോയിഡ് 11 അടിസ്ഥാനമാക്കിയുള്ള ഫണ്‍ടച്ച് ഒ.എസ് 11 ഉപയോഗിച്ചാണ് ഇത് വരുന്നത്. 18വാട്‌സ് ഫാസ്റ്റ് ചാര്‍ജിംഗിനുള്ള പിന്തുണയുള്ള 5000 എംഎഎച്ച് ബാറ്ററിയാണ് ഇതിലുള്ളത്.
