മെസഞ്ചര്‍ റൂംസ് വാട്‌സാപ്പില്‍, വരുന്നതു കിടിലന്‍ ഫീച്ചറുകളുമായി, പ്രത്യേകതകള്‍ ഇതൊക്കെ
50 പേര്‍ക്ക് ഗ്രൂപ്പ് വീഡിയോ കോളുകള്‍ ഹോസ്റ്റുചെയ്യാന്‍ ഉപയോക്താക്കളെ അനുവദിക്കുന്ന ഫെയ്‌സ്ബുക്കിന്റെ വീഡിയോ കോളിംഗ് പ്ലാറ്റ്‌ഫോമാണ് മെസഞ്ചര്‍ റൂംസ്. നിങ്ങള്‍ക്ക് ഒരു ഫേസ്ബുക്ക് അക്കൗണ്ട് ഇല്ലെങ്കിലും, ഹോസ്റ്റ് നല്‍കിയ ലിങ്കില്‍ ക്ലിക്കുചെയ്തുകൊണ്ട് നിങ്ങള്‍ക്ക് ഇപ്പോഴും ഒരു മെസഞ്ചര്‍ റൂംസ് കോളില്‍ ചേരാനാകും.
മെന്‍ലോ പാര്‍ക്ക്: സൂം, ഗൂഗിള്‍ മീറ്റ് ഇത്യാദി എന്തൊക്കെ വീഡിയോ കോണ്‍ഫ്രന്‍സ് ആപ്പുകള്‍ കയറി മേയുന്നുണ്ടെങ്കിലും വാട്‌സാപ്പിന് അതിന്‍റെതായ പ്രധാന്യമുണ്ട്. പക്ഷേ, ഒരു കുഴപ്പമുണ്ട്, വീഡിയോ കോളിങ് ട്രെന്‍ഡായി മാറുകയും, ഒന്നിലധികം പേരുമായുള്ള ഗ്രൂപ്പ് കോളിങ് വലിയ രീതിയില്‍ വൈറലാവുകയും ചെയ്തതോടെ വാട്‌സാപ്പും മാറി ചിന്തിക്കുകയാണ്. അവര്‍ ഗ്രൂപ്പ് കോളുകളിലൂടെ എണ്ണങ്ങള്‍ വര്‍ദ്ധിപ്പിച്ചെങ്കിലും സൂമിനെയും ഗൂഗിള്‍ മീറ്റിനെയും തകര്‍ക്കാന്‍ പറ്റില്ലെന്ന് തിരിച്ചറിഞ്ഞത് വളരെ പെട്ടെന്നാണ്. അങ്ങനെയാണ് ഈ പ്ലാറ്റ്‌ഫോമുകളെ നേരിടാനായി ഫേസ്ബുക്ക് മെസഞ്ചര്‍ രണ്ടും കല്‍പ്പിച്ച് ഇറങ്ങിയിരിക്കുന്നത്.
ലോക്ക്ഡൗണ്‍ തീരും മുന്നേ, വീട്ടിലിരുന്നു ജോലി ചെയ്യുന്നവര്‍ക്കായി വെരി സ്‌പെഷ്യല്‍ മെസഞ്ചര്‍ റൂം വാട്‌സാപ്പില്‍ അവതരിപ്പിക്കാനാണ് ഫേസ്ബുക്കിന്റെ ശ്രമം. ഇത്തരത്തിലുള്ള മെസഞ്ചര്‍ വീഡിയോ കോളിംഗ് പ്ലാറ്റ്‌ഫോം ഫേസ്ബുക്ക് ബീറ്റാ വേര്‍ഷന്‍ പുറത്തിറക്കി. എന്നാല്‍ ഈ റൂമുകളെ വാട്ട്സ്ആപ്പ് വെബിലേക്ക് കൊണ്ടുവരാന്‍ ഒരുങ്ങുന്നതാണ് ഇപ്പോഴത്തെ ഹോട്ട് ന്യൂസ്. ഇങ്ങനെ വന്നാല്‍ ഒരു കാര്യമുറപ്പ്, ഇതു വ്യാപകമായി ഉപയോഗിക്കുന്ന വീഡിയോ കോളിംഗ് പ്ലാറ്റ്‌ഫോമായ സൂമിന് വലിയ ഭീഷണിയായേക്കാം. ചാറ്റ് ഷെയര്‍ ഷീറ്റില്‍ മെസഞ്ചര്‍ റൂം ഓപ്ഷന് ചേര്‍ക്കുന്നതിനായി വാട്ട്സ്ആപ്പ് പ്രവര്‍ത്തിക്കുന്നുണ്ടെന്ന് നേരത്തെ ഒരു റിപ്പോര്‍ട്ട് വെളിപ്പെടുത്തിയിരുന്നു. അതാണിപ്പോള്‍ പ്രാവര്‍ത്തികമായിരിക്കുന്നത്.
മെസഞ്ചര്‍ റൂമുകള്‍ വാട്ട്‌സ്ആപ്പിലേക്ക് സംയോജിപ്പിച്ചതിന്റെ സൂചനകള്‍ ആന്‍ഡ്രോയിഡ് ബീറ്റ അപ്‌ഡേറ്റ് കാണിച്ചുവെങ്കിലും ഇപ്പോള്‍ 2.2019.6 വെബ് അപ്‌ഡേറ്റില്‍ ഇത് വ്യക്തമായി കാണാം. മെസഞ്ചര്‍ റൂംസ് ഷോര്‍ട്ട്കട്ട് ചേര്‍ത്താണ് വാട്‌സാപ്പ് ഡെസ്‌ക്ടോപ്പ് വേര്‍ഷന്‍ ഇപ്പോള്‍ പ്രവര്‍ത്തിക്കുന്നത്.
കോണ്‍ടാക്റ്റ് ഓപ്ഷന് തൊട്ടുതാഴെയായി ചാറ്റ് ഷെയര്‍ ഷീറ്റില്‍ നിങ്ങള്‍ക്ക് ഒരു മെസഞ്ചര്‍ റൂംസ് ഐക്കണ്‍ എളുപ്പത്തില്‍ കണ്ടെത്താന്‍ കഴിയും. സ്‌ക്രീനിലെ മെസഞ്ചര്‍ റൂംസ് ഐക്കണില്‍ ക്ലിക്കുചെയ്യുകയാണെങ്കില്‍, ഒരു റൂം സൃഷ്ടിക്കാന്‍ മെസഞ്ചറിലേക്ക് പോകണോ എന്ന് വാട്‌സാപ്പ് നിങ്ങളോട് ചോദിക്കും. മെസഞ്ചറില്‍ റൂം സൃഷ്ടിച്ചുകഴിഞ്ഞാല്‍, ഉപയോക്താവിന് കണക്റ്റുചെയ്യുന്നതിന് മറ്റ് ഉപയോക്താക്കള്‍ക്ക് ലിങ്ക് അയയ്ക്കാന്‍ കഴിയും.
50 പേര്‍ക്ക് ഗ്രൂപ്പ് വീഡിയോ കോളുകള്‍ ഹോസ്റ്റുചെയ്യാന്‍ ഉപയോക്താക്കളെ അനുവദിക്കുന്ന ഫെയ്‌സ്ബുക്കിന്റെ വീഡിയോ കോളിംഗ് പ്ലാറ്റ്‌ഫോമാണ് മെസഞ്ചര്‍ റൂംസ്. നിങ്ങള്‍ക്ക് ഒരു ഫേസ്ബുക്ക് അക്കൗണ്ട് ഇല്ലെങ്കിലും, ഹോസ്റ്റ് നല്‍കിയ ലിങ്കില്‍ ക്ലിക്കുചെയ്തുകൊണ്ട് നിങ്ങള്‍ക്ക് ഇപ്പോഴും ഒരു മെസഞ്ചര്‍ റൂംസ് കോളില്‍ ചേരാനാകും.
കൊറോണ വൈറസ് കാരണം വീഡിയോ കോളിംഗ് പ്ലാറ്റ്‌ഫോമുകളുടെ വ്യാപനം നോക്കുമ്പോള്‍, നിരവധി പേര്‍ അവരുടെ സ്വന്തം വീഡിയോ കോളിംഗ് പ്ലാറ്റ്‌ഫോമുകളുമായി എത്തിയിട്ടുണ്ട്. ഗൂഗിള്‍ ഇപ്പോള്‍ പ്രീമിയം മീറ്റ് ഉണ്ടാക്കി. കൂടാതെ ഗൂഗിള്‍ ഡ്യുവോയിലേക്ക് നിരവധി പുതിയ സവിശേഷതകള്‍ ചേര്‍ത്തു. സുരക്ഷാ പോരായ്മകള്‍ക്കിടയിലും സൂം ഒന്നാം സ്ഥാനത്തെത്തിയിട്ടുണ്ടെങ്കിലും ഇപ്പോള്‍ അപ്ലിക്കേഷന് നല്ല എതിരാളികളുണ്ട്.
ഫേസ്ബുക്കിന്റെ മെസഞ്ചര്‍ റൂം ഉപയോഗിക്കാന്‍ വളരെ എളുപ്പമായിരിക്കും, മാത്രമല്ല ഒരു ഉപയോക്താവിന് ഒരു ഫേസ്ബുക്ക് അക്ക ൗണ്ട് ആവശ്യമില്ല. ഇത് ഒരു സമയം 50 പങ്കാളികളെ ഒരു കോളില്‍ ചേരാന്‍ അനുവദിക്കും കൂടാതെ മറ്റ് ഫീച്ചറുകള്‍ ലഭിക്കുന്നതിന് നിങ്ങള്‍ പണം പോലും നല്‍കേണ്ടതില്ല.
നേരത്തെ, വാട്‌സാപ്പ് ഗ്രൂപ്പ് വീഡിയോ കോള്‍ പരിധി നാലില്‍ നിന്ന് എട്ടായി ഉയര്‍ത്തിയിരുന്നു. ഇത് ലോക്ക്ഡൗണ്‍ സമയത്ത് അതിന്റെ ഉപയോക്താക്കള്‍ക്ക് കണ്ടുകൊണ്ടു സംസാരിക്കാന്‍ അനുവദിച്ചു. മെസഞ്ചര്‍ റൂം എന്ന പുതിയ സവിശേഷത ലഭിക്കുന്നതിന്, ഉപയോക്താക്കള്‍ പ്ലേസ്‌റ്റോറിലും ആപ്പ്‌സ്‌റ്റോറിലും ലഭ്യമായ വാട്ട്‌സ്ആപ്പിന്റെ ഏറ്റവും പുതിയ പതിപ്പിലേക്ക് അവരുടെ അപ്ലിക്കേഷന് അപ്‌ഡേറ്റ് ചെയ്യേണ്ടതുണ്ട്.
