വലിയ ഗ്രൂപ്പുകൾക്ക് ട്രെയിൻ യാത്ര എളുപ്പമാക്കാൻ ഇന്ത്യൻ റെയിൽവേ പുതിയ സംവിധാനം ഏർപ്പെടുത്തിയിരിക്കുകയാണ്.
ദില്ലി: രാജ്യത്ത് ഏറ്റവും കൂടുതൽ ആളുകൾ യാത്രയ്ക്ക് ആശ്രയിക്കുന്ന സംവിധാനമാണ് ട്രെയിനുകൾ. മറ്റ് യാത്രാ മാർഗങ്ങളെ അപേക്ഷിച്ച് വേഗം എത്തിച്ചേരാം എന്നതും കുറഞ്ഞ ചെലവുമാണ് റെയില്വേയെ ഇന്ത്യയില് ഇത്രയേറെ ജനകീയമാക്കിയത്. അതുകൊണ്ട് തന്നെ ഒരു റിസര്വ്വേഷന് ടിക്കറ്റ് ലഭിക്കുന്നതു തന്നെ പ്രയാസം നിറഞ്ഞ കാര്യമാണ്. അപ്പോൾ പിന്നെ വലിയ ഗ്രൂപ്പുകളായി ടിക്കറ്റ് എടുക്കുന്ന കാര്യം പറയേണ്ടതില്ലല്ലോ? എന്നാൽ ഇതിനൊരു പരിഹാരവുമായി എത്തിയിരിക്കുകയാണ് ഇന്ത്യൻ റെയിൽവേ.
ഒരുമിച്ച് ഒരുപാട് സീറ്റുകൾ ബുക്ക് ചെയ്ത് ട്രെയിൻ യാത്ര അടിപൊളിയൊരു ഉല്ലാസയാത്രയാക്കി മാറ്റുന്നതിന് ഇന്ത്യൻ റെയിൽവേ അവസരം നൽകുന്നുണ്ട്. ഒരു മുഴുവൻ കോച്ചോ ഒരു ട്രെയിനോ നമുക്ക് ഇങ്ങനെ ചാർട്ടർ ചെയ്യാൻ സാധിക്കും. വിവാഹം, തീർത്ഥാടനം, ഉല്ലാസയാത്ര എന്നിവയ്ക്ക് ഈ രീതിയിലുള്ള ബുക്കിംഗ് പ്രയോജനകരമാണ്. ഐആർസിടിസിയുടെ ഫുൾ താരിഫ് റേറ്റ് (എഫ്ടിആർ) സേവനത്തിലൂടെ ടിക്കറ്റ് എടുക്കാൻ സാധിക്കും. അതെങ്ങനെയെന്ന് ഒന്ന് പരിശോധിച്ചാലോ?
മൂന്ന് തരം ചാർട്ടർ സംവിധാനങ്ങളാണ് ഐആർസിടിസി ഒരുക്കുന്നത്.
Related Articles
1 - റെയില്വേ കോച്ച് ചാര്ട്ടര് - ഒരു കോച്ച് മുഴുവനായി ബുക്ക് ചെയ്യാം. 18 മുതല് 100 സീറ്റുകള് വരെ.
2 - ട്രെയിന് ചാര്ട്ടര് - ഒരു മുഴുവന് ട്രെയിന് റിസര്വ്വ് ചെയ്യാം.18 മുതല് 24 വരെ കോച്ചുകള്.
3 - സലൂണ് ചാര്ട്ടര് - താമസ സൗകര്യങ്ങളുളള ആഡംബര സ്വകാര്യ സലൂണുകള്.
ആറ് മാസം മുമ്പാണ് ഈ രീതിയിൽ ട്രെയിൻ ടിക്കറ്റ് ബുക്ക് ചെയ്യാനുള്ള അവസരം ആരംഭിക്കുക. 30 ദിവസം മുമ്പ് ഈ അവസരം അവസാനിക്കുകയും ചെയ്യും. പരമാവധി 24 കോച്ചുകളാണ് ബുക്ക് ചെയ്യാൻ സാധിക്കുക. രജിസ്ട്രേഷൻ മണി കം സെക്യൂരിറ്റി ഡെപ്പോസിറ്റ് ആയി ഓരോ കോച്ചിനും 50,000 രൂപ വീതം അടയ്ക്കേണ്ടതുണ്ട്. പരമാവധി 24 കോച്ചുകൾ വരെയുള്ള ട്രെയിനുകൾ ചാർട്ടർ ചെയ്യാൻ സാധിക്കും. സീറ്റ് ചാര്ട്ടര് ചെയ്യാനായി ഐആര്സിടിസി, എഫി ടി ആര് പോര്ട്ടല് വഴി ഓണ്ലൈനായി അപേക്ഷിക്കാം.
https://www.ftr.irctc.co.in ഈ ലിങ്ക വഴിയാണ് അപേക്ഷിക്കേണ്ടത്. അതിനായി ആദ്യം അക്കൗണ്ട് രജിസ്റ്റര് ചെയ്യുകയും ഒടിപി വേരിഫൈ ചെയ്യുകയും വേണം. അതിന് ശേഷം ആവശ്യമായ സേവനം തിരഞ്ഞെടുക്കാം. തുടര്ന്ന് യാത്രയുടെ വിശദാംശങ്ങളും യാത്രക്കാരുടെ പേരും വിവരങ്ങളും ട്രെയിൻ പുറപ്പെടുന്ന സ്ഥലും എത്തുന്ന സ്ഥലവും സെലക്ട് ചെയ്ത ശേഷം അപ്ലോഡ് ചെയ്യുക. ഇതിന് ശേഷം ഡിപ്പോസിറ്റ് തുക അടച്ച് സീറ്റ് ബുക്ക് ചെയ്യാം.
ഓഫ്ലൈന് വഴി ബുക്ക് ചെയ്യേണ്ട സാഹചര്യമാണെങ്കിൽ, ട്രെയിന് പുറപ്പെടുന്ന സ്റ്റേഷനിലോ കുറഞ്ഞത് 10 മിനിറ്റ് വരെ സ്റ്റോപ്പുള്ള മറ്റ് സ്റ്റേഷനുകളിലോ ഉള്ള ചീഫ് റിസര്വ്വേഷന് സൂപ്രണ്ടിനെയോ സ്റ്റേഷന് മാനേജരെയോ സമീപിക്കാം. യാത്രക്കാരുടെ വിശദാംശങ്ങളും യാത്രയുമായി ബന്ധപ്പെട്ട വിവരങ്ങളും ഉള്പ്പെടെയുള്ള ഫോം പൂരിപ്പിച്ച്, അംഗീകൃത തിരിച്ചറിയല് രേഖയുടെ പകര്പ്പുമായി അപേക്ഷ സമര്പ്പിച്ചാൽ മതിയാകും.
