മൈലേജ് തന്നെ മുഖ്യം, സാധാരണക്കാരുടെ ആദ്യ ചോയിസായി ഏഴ് സീറ്റുള്ള ഈ കാർ, വിൽപ്പനയിലും റെക്കോ‍ർ‍ഡ്!
ഇന്ത്യയിലുടനീളം 10 ലക്ഷം വിൽപ്പന നേടിയ ഏറ്റവും വേഗത്തിൽ എംപിവിയായി വാഹനം മാറി. 2012 ഏപ്രിലിൽ ആരംഭിച്ച് വെറും 12 വർഷത്തിനുള്ളിലാണ് 10 ലക്ഷം വിൽപ്പന നാഴികക്കല്ല് പൂർത്തിയാക്കിയത്
വിൽപ്പനയിൽ അത്ഭുതങ്ങൾ സൃഷ്‍ടിച്ച് ഇന്ത്യയിലെ ഏറ്റവും വലിയ കാർ വിൽപ്പന കമ്പനിയായ മാരുതി സുസുക്കിയുടെ 7 സീറ്റർ എർട്ടിഗ. ഇന്ത്യയിലുടനീളം 10 ലക്ഷം വിൽപ്പന നേടിയ ഏറ്റവും വേഗത്തിൽ എംപിവിയായി വാഹനം മാറി. സെഗ്‌മെന്‍റിൽ റെനോ ട്രൈബർ, കിയ കാരെൻസ് എന്നിവയ്‌ക്ക് എതിരാളികളായ എർട്ടിഗ നിലവിൽ ഈ വിഭാഗത്തിൽ ഏറ്റവും കൂടുതൽ വിറ്റഴിക്കപ്പെടുന്ന മോഡലാണ്. ഇന്ത്യയിൽ വിൽക്കുന്ന എല്ലാ മൾട്ടി പർപ്പസ് വാഹനങ്ങളുടെയും വിപണി വിഹിതത്തിന്‍റെ മൂന്നിലൊന്ന് എംപിവിയുടെ കൈവശമാണ്. 2012-ലാണ് എർട്ടിഗ ആദ്യമായി ഇന്ത്യയിൽ അവതരിപ്പിച്ചത്. 2012 ഏപ്രിലിൽ ആരംഭിച്ച് വെറും 12 വർഷത്തിനുള്ളിലാണ് 10 ലക്ഷം വിൽപ്പന നാഴികക്കല്ല് പൂർത്തിയാക്കിയത്. 2022ൽ ആണ് ഇതിന് അവസാനമായി ഫെയ്‌സ്‌ലിഫ്റ്റ് ലഭിച്ചത്.
അതേസമയം 2024 ജനുവരിയിൽ മാരുതി സുസുക്കി എർട്ടിഗ മൊത്തം 14,632 യൂണിറ്റ് കാറുകൾ വിറ്റു. ഈ കാലയളവിൽ മാരുതി എർട്ടിഗ വാർഷികാടിസ്ഥാനത്തിൽ 50 ശതമാനം വളർച്ച രേഖപ്പെടുത്തി. അതേസമയം 2023 ജനുവരിയിൽ 9,750 യൂണിറ്റ് മാത്രമായിരുന്നു മാരുതി എർട്ടിഗയുടെ വിൽപ്പന. വാർഷിക വിൽപ്പനയുടെ കാര്യത്തിൽ മാരുതി ബലേനോ, വാഗൺആർ, ടാറ്റ നെക്സോൺ, മാരുതി ഡിസയർ എന്നിവയെ പിന്നിലാക്കിയാണ് മാരുതി എർട്ടിഗ നേട്ടം സ്വന്തമാക്കിയത്.
അതേസമയം, വാർഷികാടിസ്ഥാനത്തിലുള്ള വിൽപ്പനയെക്കുറിച്ച് സംസാരിക്കുകയാണെങ്കിൽ, കഴിഞ്ഞ മാസം ഏറ്റവും കൂടുതൽ വിറ്റഴിഞ്ഞ മാരുതി സുസുക്കി ബലേനോ ഒരു വർഷത്തിൽ 20 ശതമാനം വളർച്ച രേഖപ്പെടുത്തി. ഒരു കാലത്ത് മാരുതിയുടെ ഏറ്റവും കൂടുതൽ വിറ്റഴിക്കപ്പെടുന്ന കാറായിരുന്ന വാഗൺആറിന്റെ വാർഷിക വളർച്ച 13 ശതമാനം കുറഞ്ഞു. അതേസമയം, മാരുതി സുസുക്കി ബ്രെസ്സ കഴിഞ്ഞ മാസം ഏഴ് ശതമാനം വാർഷിക വളർച്ച മാത്രമാണ് രേഖപ്പെടുത്തിയത്.
മികച്ച ഫീച്ചറുകളോടെയാണ് മാരുതി എർട്ടിഗ സജ്ജീകരിച്ചിരിക്കുന്നത്. ടോപ്പ്-10 കാറുകളുടെ വിൽപ്പനയെ കുറിച്ച് പറയുകയാണെങ്കിൽ, ഈ അടിസ്ഥാനത്തിൽ 7 സീറ്റർ സെഗ്‌മെന്‍റിലും മാരുതി സുസുക്കി എർട്ടിഗ ഒന്നാം സ്ഥാനത്തെത്തി. അതായത് വിപണിയിൽ എതിരാളികളായ മഹീന്ദ്ര സ്കോർപിയോ, ടാറ്റ സഫാരി, ടൊയോട്ട ഇന്നോവ ഹൈക്രോസ് എന്നിവയെ പിന്നിലാക്കിയിരിക്കുകയാണ് മാരുതി എർട്ടിഗ.
ഇന്ത്യയിലെ മാരുതി സുസുക്കി എർട്ടിഗയുടെ പ്രാരംഭ (എക്സ്-ഷോറൂം) വില 8.69 ലക്ഷം രൂപയിൽ നിന്ന് ആരംഭിച്ച് മുൻനിര മോഡലിൽ 13.3 ലക്ഷം രൂപ വരെ ഉയരുന്നു. മാരുതി എർട്ടിഗയിൽ, ഉപഭോക്താക്കൾക്ക് 9 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റവും 360 ഡിഗ്രി ചുറ്റുമുള്ള വ്യൂ ക്യാമറയും നൽകിയിട്ടുണ്ട്. മാരുതി എർട്ടിഗയിൽ 1.5 ലിറ്റർ പെട്രോൾ എഞ്ചിനാണ് സജ്ജീകരിച്ചിരിക്കുന്നത്, ഇത് പരമാവധി 103 ബിഎച്ച്പി കരുത്തും 137 എൻഎം പീക്ക് ടോർക്കും സൃഷ്‍ടിക്കും.
