ജനപ്രിയ കാറിന്‍റെ മൈലേജ് വീണ്ടും കൂട്ടി മാരുതി, ഇതൊക്കെ എങ്ങനെ സാധിക്കുന്നെന്ന് വാഹനലോകം!
നിലവിലെ മോഡലിനെ അപേക്ഷിച്ച് ഈ എഞ്ചിൻ 17 ശതമാനം വരെ മെച്ചപ്പെട്ട ഇന്ധനക്ഷമത വാഗ്ദാനം ചെയ്യുമെന്ന് മാരുതി സുസുക്കി അവകാശപ്പെടുന്നു.
മാരുതി സുസുക്കിയുടെ മൈക്രോ എസ്യുവി എസ്-പ്രസോ 1.0 ലിറ്റർ കെ-സീരീസ് ഡ്യുവൽ വിവിടി പെട്രോൾ എഞ്ചിന്റെ പരിഷ്‍കരിച്ച പതിപ്പുമായി വരുന്നു. നിലവിലെ മോഡലിനെ അപേക്ഷിച്ച് ഈ എഞ്ചിൻ 17 ശതമാനം വരെ മെച്ചപ്പെട്ട ഇന്ധനക്ഷമത വാഗ്ദാനം ചെയ്യുമെന്ന് മാരുതി സുസുക്കി അവകാശപ്പെടുന്നു. 4.25 ലക്ഷം രൂപ മുതൽ 5.99 ലക്ഷം രൂപ വരെയാണ് പുതുക്കിയ മോഡലിന്‍റെ എക്‌സ് ഷോറൂം വില. കാറിന്‍റെ എജിഎസ് വേരിയൻറ് 17 ശതമാനം മെച്ചപ്പെട്ട മൈലേജ് വാഗ്ദാനം ചെയ്യുമ്പോൾ മാനുവൽ ഗിയർബോക്‌സ് ഘടിപ്പിച്ച വേരിയൻറ് മുമ്പത്തേതിനേക്കാൾ 13 ശതമാനം മെച്ചപ്പെട്ട ഇന്ധനക്ഷമത വാഗ്ദാനം ചെയ്യുന്നുവെന്ന് കമ്പനി അവകാശപ്പെടുന്നു.
ഇനി വണ്ടി പൊളിക്കാനും മാരുതി, ഇതാ ആ പൊളിക്കലിനെപ്പറ്റി അറിയേണ്ടതെല്ലാം!
പുതിയ എസ്-പ്രസോ Vxi(O), Vxi+(O) എജിഎസ് വേരിയന്റുകളിൽ 25.30 കിമി മൈലേജ് വാഗ്ദാനം ചെയ്യുന്നതായി മാരുതി പറയുന്നു. അതേസമയം Vxi, Vxi+ MT വേരിയന്റുകൾ 24.76 kmpl മൈലേജ് വാഗ്ദാനം ചെയ്യുന്നു. കൂടാതെ, Std, Lxi MT വേരിയന്റുകൾ 24.12 kmpl മൈലേജ് വാഗ്ദാനം ചെയ്യുന്നു. എല്ലാ എജിഎസ് വേരിയന്റുകളിലും ഹിൽ ഹോൾഡ് അസിസ്റ്റിനൊപ്പം ഇഎസ്‍പിയും Vxi, Vxi+(O) വേരിയന്റുകളിൽ വൈദ്യുതപരമായി ക്രമീകരിക്കാവുന്ന ഓര്‍വിഎമ്മുകളുമായാണ് പുതുക്കിയ എസ്-പ്രസോ വരുന്നതെന്നും വാഹന നിർമ്മാതാവ് അവകാശപ്പെടുന്നു.
എസ്-പ്രസോ അതിന്റെ ബോൾഡ് എസ്‌യുവിഷ് ഡിസൈനിലൂടെ ശക്തമായ ഒരു ഇടം നേടിയിരിക്കുന്നുവെന്നും ഏകദേശം മൂന്ന് വർഷത്തിനുള്ളിൽ, വാഹന നിർമ്മാതാവ് എസ്-പ്രസ്സോയുടെ 202,500 യൂണിറ്റിലധികം വിറ്റഴിച്ചുവെന്നും പുതിയ എസ്-പ്രസയെക്കുറിച്ച് സംസാരിച്ച മാരുതി സുസുക്കി ഇന്ത്യ ലിമിറ്റഡിന്റെ മാർക്കറ്റിംഗ് ആന്‍ഡ് സെയിൽസ് സീനിയർ എക്‌സിക്യൂട്ടീവ് ഡയറക്ടർ ശശാങ്ക് ശ്രീവാസ്‍തവ പറഞ്ഞതായി എച്ച്ടി ഓട്ടോ റിപ്പോര്‍ട്ട് ചെയ്യുന്നു.
"വിശാലമായ ഇന്റീരിയർ, കമാൻഡിംഗ് എസ്യുവി നിലപാടുകൾ എന്നിവയ്‌ക്കൊപ്പം നിരവധി നൂതന സവിശേഷതകളോടെ, മിനി എസ്യുവി എസ്-പ്രസ്സോ ഉപഭോക്താക്കൾക്കിടയിൽ നല്ല ഉയർച്ചയ്ക്ക് സാക്ഷ്യം വഹിച്ചു. പരിഷ്‌ക്കരിച്ച 1.0 കെ-സീരീസ് ഡ്യുവൽ ജെറ്റോടുകൂടിയ പുതിയ എസ്-പ്രസ്സോ, ഐഡൽ സ്റ്റാർട്ടോടുകൂടിയ ഡ്യുവൽ വിവിടി എഞ്ചി, സ്ട്രോപ്പ് ടെക്നോളജി, മെച്ചപ്പെടുത്തിയ ഇന്ധനക്ഷമത, അധിക ഫീച്ചറുകൾ എന്നിവ ഉപഭോക്താക്കൾക്ക് ആകർഷകമായ ഡ്രൈവ് അനുഭവം പ്രദാനം ചെയ്യും. ഞങ്ങളുടെ ഉപഭോക്താക്കൾ പുതിയ എസ്-പ്രസ്സോയെ വളരെയധികം വിലമതിക്കുമെന്ന് ഞങ്ങൾക്ക് ഉറപ്പുണ്ട്.." ശശാങ്ക് ശ്രീവാസ്‍തവ വ്യക്തമാക്കി.
ഇതാ പുതിയ തലമുറയിലേക്ക് പ്രവേശിക്കുന്ന മൂന്ന് ജനപ്രിയ മാരുതി സുസുക്കി കാറുകൾ
രാജ്യത്തെ ചെറു എസ്യുവി സെഗ്‌മെന്റിലേക്ക് മാരുതി സുസുക്കി അവതരിപ്പിച്ച വാഹനമാണ് എസ്-പ്രെസോ. ഈ കോംപാക്റ്റ് ഫ്യൂച്ചര്‍ എസ് കോണ്‍സെപ്റ്റിനെ 2018ലെ ദില്ലി ഓട്ടോ എക്‌സ്‌പോയിലാണ് മാരുതി സുസുക്കി ആദ്യമായി അവതരിപ്പിക്കുന്നത്. രാജ്യത്തെ ഏറ്റവും വലിപ്പം കുറഞ്ഞ എസ്യുവി എന്ന പ്രത്യേകതയുള്ള വാഹനം രണ്ട് വര്‍ഷം നീണ്ട കാത്തിരിപ്പിനൊടുവിലാണ് 2019ല്‍ എത്തുന്നത്. 2019 സെപ്‍തംബര്‍ 30നാണ് വാഹനത്തെ അവതരിപ്പിക്കുന്നത്. വലിയ ജനപ്രീതിയാണ് വാഹനത്തിന് ലഭിക്കുന്നതെന്നാണ് പ്രതിമാസ വില്‍പ്പന കണക്കുകള്‍ സൂചിപ്പിക്കുന്നത്. എസ്-പ്രെസോ, മാരുതി സുസുക്കിയിൽ നിന്നുള്ള ഒരു ജനപ്രിയ മോഡലാണ്. ഇത് പലർക്കും, പ്രത്യേകിച്ച് ആദ്യമായി കാർ വാങ്ങുന്നവർക്ക് ഒരു പ്രായോഗിക ഓപ്ഷനായി കണക്കാക്കപ്പെടുന്നു.
അതേസമയം ഗ്ലോബൽ എൻസിഎപി അടുത്തിടെ നടത്തിയ ക്രാഷ് ടെസ്റ്റിൽ മൂന്നു സ്റ്റാര്‍ മാത്രമാണ് മാരുതി സുസുക്കി എസ്-പ്രസോ നേടിയത്. ഗ്ലോബൽ എൻസിഎപി ക്രാഷ് ടെസ്റ്റ് ഫലങ്ങൾ അനുസരിച്ച്, എസ്-പ്രെസ്സോ മുതിർന്നവരുടെ ഒക്കപ്പൻറ് പ്രൊട്ടക്ഷനായി മൂന്ന് സ്റ്റാറുകളും കുട്ടികളുടെ ഒക്കപ്പൻറ് പ്രൊട്ടക്ഷനായി രണ്ട് സ്റ്റാറുകളും നേടി.
ഡ്യുവൽ എയർബാഗുകളുള്ള എസ്-പ്രസോ ഡ്രൈവറുടെയും യാത്രക്കാരന്റെയും തലയ്ക്കും കഴുത്തിനും മതിയായ സംരക്ഷണം ഉറപ്പാക്കുന്നതായി ക്രാഷ് ടെസ്റ്റ് ഫലം കാണിച്ചു. എന്നിരുന്നാലും, ഡ്രൈവറുടെ നെഞ്ചിന് ദുർബലമായ സംരക്ഷണം കാണിച്ചു. ഒപ്പം ഡ്രൈവറുടെ കാൽമുട്ടുകൾക്കും നാമമാത്രമായ സംരക്ഷണമാണ് ക്രാഷ് ടെസ്റ്റില്‍ ലഭിച്ചത്. എസ്-പ്രസോ സുരക്ഷാ പരീക്ഷണത്തില്‍ ഡ്രൈവർക്കും യാത്രക്കാർക്കും സ്റ്റാൻഡേർഡ് എസ്ബിആർ വാഗ്ദാനം ചെയ്യുന്നുണ്ടെങ്കിലും ഗ്ലോബൽ എൻസിഎപി ആവശ്യകത പാലിക്കുന്നില്ലെന്ന് സുരക്ഷാ ഏജൻസി പറഞ്ഞു.
മാരുതി ഇന്ത്യയുടെ ജനപ്രിയ കാർ നിർമ്മാണ കമ്പനിയായി തുടരുന്നത് ഇങ്ങനെ
കുട്ടികളുടെ സംരക്ഷണത്തെ സംബന്ധിച്ചിടത്തോളം, മാരുതി എസ്-പ്രസ്സോ തലയ്ക്ക് മോശം സംരക്ഷണവും നെഞ്ചിന് ദുർബലമായ സംരക്ഷണവുമാണ് നല്‍കുന്നത്. പരീക്ഷിച്ച വാഹനത്തിന് എല്ലാ സീറ്റിംഗ് പൊസിഷനുകളിലും ത്രീ-പോയിന്റ് സീറ്റ് ബെൽറ്റുകൾ ഉണ്ടായിരുന്നില്ല. കുട്ടികളുടെ സംരക്ഷണത്തിനായി രണ്ട് പോയിന്റ് മാത്രമാണ് നേടിയത്. നേരത്തെ, ഗ്ലോബൽ എൻസിഎപി പരീക്ഷിച്ച ദക്ഷിണാഫ്രിക്കയിലെ എസ്-പ്രസോ പൂജ്യം സ്റ്റാറുകളായിരുന്നു നേടിയത് എന്നും ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു. ഈ വാഹനത്തില്‍ രണ്ട് എയർബാഗുകൾ സ്റ്റാൻഡേർഡായി ഘടിപ്പിച്ചിരുന്നു.
