പുതിയ ഹ്യൂണ്ടായി iA3 എന്ന കോഡുനാമത്തില് വികസിപ്പിക്കുന്ന മിനി എസ്യുവി ടാറ്റ പഞ്ച്, സിട്രോൺ സി3, നിസാൻ മാഗ്നൈറ്റ്, റെനോ കിഗർ എന്നിവയ്ക്കെതിരെ മത്സരിക്കും.
ദക്ഷിണ കൊറിയൻ വാഹന നിർമ്മാതാക്കളായ ഹ്യുണ്ടായി മോട്ടോർ ഇന്ത്യ 2023-ൽ അതിന്റെ നിലവിലുള്ള ഉൽപ്പന്ന ശ്രേണി നവീകരിക്കുന്നതിനൊപ്പം രണ്ട് പുതിയ മോഡലുകൾ അവതരിപ്പിക്കും. അയോണിക്ക് 5 ഇലക്ട്രിക് ക്രോസ്ഓവറും ഒരു മൈക്രോ-എസ്യുവിയും ആയിരിക്കും ഈ മോഡലുകള്. ആദ്യത്തേത് അടുത്ത വർഷം ആദ്യം ഷോറൂമുകളിൽ എത്തുമെങ്കിലും രണ്ടാമത്തേത് 2023 ഉത്സവ സീസണിൽ എത്താൻ സാധ്യതയുണ്ട്. പുതിയ ഹ്യൂണ്ടായി iA3 എന്ന കോഡുനാമത്തില് വികസിപ്പിക്കുന്ന മിനി എസ്യുവി ടാറ്റ പഞ്ച്, സിട്രോൺ സി3, നിസാൻ മാഗ്നൈറ്റ്, റെനോ കിഗർ എന്നിവയ്ക്കെതിരെ മത്സരിക്കും.
കമ്പനിയുടെ ഏറ്റവും കൂടുതൽ വിറ്റഴിക്കപ്പെടുന്ന ക്രെറ്റ എസ്യുവിക്കും ഗ്രാൻഡ് ഐ 10 നിയോസ് ഹാച്ച്ബാക്കിനും മിഡ്-ലൈഫ് അപ്ഡേറ്റുകൾ നൽകും. നിലവിൽ പരീക്ഷണ ഘട്ടത്തിലുള്ളതും ഒന്നിലധികം തവണ ക്യാമറയിൽ പതിഞ്ഞതുമായ പുതിയ തലമുറ ഹ്യുണ്ടായ് വെർണ സെഡാനും കമ്പനി ഇന്ത്യയിലേക്ക് കൊണ്ടുവരും. സ്പൈ ചിത്രങ്ങളുടെ ഏറ്റവും പുതിയ സെറ്റ് അതിന്റെ പരിഷ്കരിച്ച ഇന്റീരിയർ ഇരട്ട സ്ക്രീൻ ഡിസ്പ്ലേ ഫീച്ചർ ചെയ്യുന്നു. ഒന്ന് ഇൻഫോടെയ്ൻമെന്റിനും മറ്റൊന്ന് ഇൻസ്ട്രുമെന്റ് ക്ലസ്റ്ററിനും. മഹീന്ദ്ര XUV700 ലും സമാനമായ സജ്ജീകരണം ഉണ്ട്.
ഇടിപരീക്ഷയില് അഞ്ച് സ്റ്റാര് നേടി ഹ്യുണ്ടായി ക്രെറ്റ
ഇൻഫോടെയ്ൻമെന്റ് യൂണിറ്റ് വയർലെസ് ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റിയുമായി വരും. ഒരുകൂട്ടം പുതിയ കണക്റ്റിവിറ്റി ഫീച്ചറുകളും ഹ്യുണ്ടായി അവതരിപ്പിച്ചേക്കാം. പുതിയ സ്പൈ ചിത്രങ്ങളിൽ ഡാഷ്ബോർഡ് അപ്ഡേറ്റ് ചെയ്തതായി കാണുന്നു. പുതിയ 2023 ഹ്യുണ്ടായ് വെർണയിൽ അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റം (ADAS) സജ്ജീകരണം, ലെയ്ൻ ഡിപ്പാർച്ചർ മുന്നറിയിപ്പ്, ഫോർവേഡ് കൂട്ടിയിടി ലഘൂകരണം, ലെയ്ൻ കീപ്പ് അസിസ്റ്റ്, അഡാപ്റ്റീവ് ക്രൂയിസ് കൺട്രോൾ, ഡ്രൈവർ അറ്റൻഷൻ മോണിറ്ററിംഗ് സിസ്റ്റം, റിയർ ക്രോസ് ട്രാഫിക് അസിസ്റ്റൻസ് തുടങ്ങിയ സുരക്ഷാ സവിശേഷതകൾ വാഗ്ദാനം ചെയ്യുന്നു.
പുതിയ 2023 ഹ്യുണ്ടായ് വെർണയുടെ ഡിസൈനും സ്റ്റൈലിംഗും മുമ്പത്തേക്കാൾ മകിച്ചതായിരിക്കും. പുതിയ തലമുറയിലെ ടക്സണിന് സമാനമായി ഹ്യുണ്ടായിയുടെ പുതിയ പാരാമെട്രിക് ജ്വൽ ഡിസൈൻ ഗ്രില്ലാണ് സെഡാനിൽ ഉണ്ടാവുക. ഫുൾ എൽഇഡി ഹെഡ്ലാമ്പുകൾ, പുതുക്കിയ ഫ്രണ്ട് ബമ്പർ, ടേപ്പർഡ് റൂഫ്, സ്പ്ലിറ്റ് ടെയിൽലാമ്പുകൾ എന്നിവയുള്ള ഫാസ്റ്റ്ബാക്ക് പോലുള്ള സ്റ്റൈലിംഗും ഇതിലുണ്ടാകും. അളവനുസരിച്ച്, പുതിയ വെർണ മാറ്റമില്ലാതെ തുടരാനാണ് സാധ്യത. ഇതിന്റെ നിലവിലെ തലമുറ പതിപ്പിന് 4440 എംഎം നീളവും 1729 എംഎം വീതിയും 1475 എംഎം ഉയരവും ഉണ്ട്. ഇതിന് 2600 എംഎം വീൽബേസും ഉണ്ട്.
നവംബറിലെ വണ്ടിക്കച്ചവടം, ഈ കമ്പനികള്ക്ക് കൊയ്ത്തുകാലം!
പുതിയ 2023 ഹ്യുണ്ടായ് വെർണയെക്കുറിച്ചുള്ള കൂടുതൽ വിശദാംശങ്ങൾ ദില്ലി ഓട്ടോ എക്സ്പോയിൽ വെളിപ്പെടുത്തിയേക്കും. ജനുവരിയിൽ നടക്കുന്ന മെഗാ ഓട്ടോമോട്ടീവ് ഇവന്റിൽ സെഡാന്റെ പുതിയ മോഡൽ അരങ്ങേറിയേക്കും.
