സ്റ്റിയറിംഗ് വീലിലും കൈവച്ച് ടാറ്റ, ആരാധകരെ അമ്പരപ്പിച്ച് പുത്തൻ നെക്സോണ്‍!
ഇതില്‍ ഏറ്റവും പുതിയ സ്‌പൈ ഇമേജുകൾ വാഹനത്തിന് വേറിട്ട ഒരു സ്റ്റിയറിംഗ് വീല്‍ ലഭിക്കുമെന്ന് വ്യക്തമാക്കുന്നു.
ജനപ്രിയ മോഡലായ ടാറ്റ നെക്‌സോൺ മുഖം മിനുക്കുന്ന തിരിക്കിലാണ്. വരും മാസങ്ങളിൽ , ഒരുപക്ഷേ 2023 ഓഗസ്റ്റിൽ വാഹനം സമഗ്രമായ ഒരു അപ്‌ഡേറ്റുമായി പുറത്തിറങ്ങും. നവീകരിച്ച മോഡലിന്റെ രസകരമായ ചില വിശദാംശങ്ങൾ വെളിപ്പെടുത്തുന്ന ഒന്നിലധികം ചാര ചിത്രങ്ങൾ അടുത്തിടെ പുറത്തുവന്നിട്ടുണ്ട്. ഇതില്‍ ഏറ്റവും പുതിയ സ്‌പൈ ഇമേജുകൾ വാഹനത്തിന് വേറിട്ട ഒരു സ്റ്റിയറിംഗ് വീല്‍ ലഭിക്കുമെന്ന് വ്യക്തമാക്കുന്നു.
ടാറ്റ കര്‍വ്വ് കൺസെപ്‌റ്റിൽ നിന്ന് കടമെടുത്തതായി തോന്നുന്ന പുതിയ, ഫ്ലാറ്റ്-ബോട്ടം ടു-സ്പോക്ക് സ്റ്റിയറിംഗ് വീൽ കാണിക്കുന്ന ചിത്രങ്ങളാണ് പുറത്തുവന്നിരിക്കുന്നത്. പുതിയ 2-സ്പോക്ക് യൂണിറ്റിന്റെ ചിത്രങ്ങളാണ് ഓൺലൈനിൽ പ്രത്യക്ഷപ്പെട്ടിരിക്കുന്നത്. യൂണിറ്റിന് പിയാനോ ബ്ലാക്ക് ഫിനിഷും ഇരുവശത്തും കൺട്രോൾ ബട്ടണുകളുള്ള ദീർഘചതുരാകൃതിയിലുള്ള ഹബ് വിഭാഗവുമുണ്ട്. പുതിയ സ്റ്റിയറിംഗ് വീലിന്റെ പ്രത്യേകത ടാറ്റയുടെ ലോഗോയുടെ അഭാവമാണ്. സിഗ്നേച്ചർ ലോഗോയ്ക്ക് പകരം പുതിയ 2023 ടാറ്റ നെക്‌സോൺ ഫെയ്‌സ്‌ലിഫ്റ്റിന് ഇന്റഗ്രേറ്റഡ് ഡിജിറ്റൽ സ്‌ക്രീനോ ബാക്ക്‌ലിറ്റ് ലോഗോയോ ഉള്ള സ്റ്റിയറിംഗ് വീൽ ലഭിച്ചേക്കുമെന്ന് ഊഹാപോഹങ്ങൾ ശക്തമാണ്. സെൻട്രൽ സെക്ഷൻ ഒന്നുകിൽ ഒരു ഡിജിറ്റൽ സ്‌ക്രീൻ ആയിരിക്കാം അല്ലെങ്കിൽ ഇഗ്നിഷൻ സ്വിച്ച് ഓൺ ചെയ്യുമ്പോൾ പ്രകാശിക്കുന്ന ഒരു ബാക്ക്‌ലിറ്റ് ലോഗോ ലഭിച്ചേക്കും.
കോംപാക്ട് എസ്‌യുവിക്ക് 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റവും ഡിജിറ്റൽ ഇൻസ്ട്രുമെന്റ് ക്ലസ്റ്ററും ലഭിക്കാൻ സാധ്യതയുണ്ട്. ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റിയുള്ള 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റവും പുതിയ 7 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്ററും പ്രധാന അപ്‌ഡേറ്റുകളിലൊന്നായിരിക്കും. എച്ച്‍വിഎസി നിയന്ത്രണത്തിനായി ടച്ച് പാനലും ടോഗിൾ സ്വിച്ചുകളും ഉൾക്കൊള്ളുന്ന സെൻട്രൽ കൺസോൾ പുതിയതായിരിക്കും.
125bhp-നും 225Nm-നും പര്യാപ്തമായ ഒരു പുതിയ 1.2L ടർബോ പെട്രോൾ എഞ്ചിൻ ആയിരിക്കും ഇതിനെ കൂടുതൽ ആവേശകരമായ ഓഫർ ആക്കുക. അതിനർത്ഥം, പുതിയ നെക്‌സോൺ പ്രീ-ഫേസ്‌ലിഫ്റ്റ് പതിപ്പിനേക്കാൾ കൂടുതൽ ശക്തവും ടോർക്വിയറും ആയിരിക്കും എന്നാണ്. വരാനിരിക്കുന്ന ടാറ്റ കര്‍വ്വ് എസ്‌യുവിയിലും ഇതേ പവർട്രെയിൻ വാഗ്ദാനം ചെയ്യും. 115 ബിഎച്ച്‌പി കരുത്തും 260 എൻഎം ടോർക്കും നൽകുന്ന നിലവിലുള്ള 1.5 എൽ ഡീസൽ എഞ്ചിനിനൊപ്പം നെക്‌സോണിന്റെ പുതുക്കിയ പതിപ്പും ലഭ്യമാകും. ഒരു 6-സ്പീഡ് മാനുവൽ, 6-സ്പീഡ് DCT ഓട്ടോമാറ്റിക്ക് ഉള്‍പ്പെടെ രണ്ട് ട്രാൻസ്മിഷനുകളും നിലവിലെ മോഡലിൽ നിന്ന് മുന്നോട്ട് കൊണ്ടുപോകും.
പുതിയ 2023 ടാറ്റ നെക്‌സോൺ ഫെയ്‌സ്‌ലിഫ്റ്റിന് ബിൽറ്റ്-ഇൻ എയർ പ്യൂരിഫയർ, വെന്റിലേറ്റഡ് സീറ്റുകൾ, സൺറൂഫ്, 360 ഡിഗ്രി ക്യാമറ എന്നിവയും ലഭിക്കും. ഫീച്ചർ അപ്‌ഗ്രേഡിനെക്കുറിച്ച് ഔദ്യോഗിക വിവരങ്ങളൊന്നുമില്ലെങ്കിലും, പുതിയ നെക്‌സോണിന് അഡ്വാൻസ്‌ഡ് ഡ്രൈവർ അസിസ്റ്റൻസ് സിസ്റ്റം സാങ്കേതികവിദ്യ ലഭിക്കുമെന്ന് അഭ്യൂഹമുണ്ട്. അതിന്റെ പുറംഭാഗത്തും ചില സുപ്രധാന മാറ്റങ്ങൾ വരുത്തും, അവയിൽ മിക്കതും ടാറ്റ കർവ് കണ്‍സെപ്റ്റില്‍ നിന്ന് പ്രചോദനം ഉൾക്കൊണ്ടിരിക്കും.
