25,000 രൂപ കയ്യിൽ ഉണ്ടോ? ഈ പുതിയ 7 സീറ്റർ കാർ നിങ്ങളെ കാത്തിരിക്കുന്നു
Follow Us
Synopsis
കിയ കാരെൻസ് 2025 -ൻ്റെ ബുക്കിംഗ് ആരംഭിച്ചു. പുതിയ മോഡലിൽ സ്റ്റൈലിഷ് രൂപവും സാങ്കേതികവിദ്യയും ഉണ്ടാകും. സുസുക്കി എർട്ടിഗ, XL6, ടൊയോട്ട റൂമിയോൺ എന്നിവയുമായി ഇത് മത്സരിക്കും.
നിങ്ങൾ ഒരു ഫാമിലി എംപിവി തിരയുകയാണെങ്കിൽ കിയ കാരെൻസ് 2025 ഉടൻ തന്നെ പുതുക്കിയ രൂപത്തിൽ വരുന്നു . ചില ഡീലർഷിപ്പുകൾ ഇതിന്റെ അനൗദ്യോഗിക ബുക്കിംഗ് ആരംഭിച്ചിട്ടുണ്ടെന്നാണ് പുതിയ റിപ്പോർട്ടുകൾ. ഉപഭോക്താക്കൾക്ക് വെറും 25,000 രൂപയ്ക്ക് ഈ കാർ ബുക്ക് ചെയ്യാം.
കിയ തങ്ങളുടെ എൻട്രി ലെവൽ എംപിവിക്ക് സ്റ്റൈലിഷും സാങ്കേതികവിദ്യളാൽ സമ്പന്നവുമായ ഒരു മുഖംമിനുക്കൽ നൽകാൻ ഒരുങ്ങുകയാണ്. അടുത്തിടെ, അതിന്റെ സ്പൈ ചിത്രങ്ങൾ പുറത്തുവന്നിരുന്നു. പുതിയ കിയ കാരൻസിലെ മാറ്റങ്ങളെക്കുറിച്ച് പറയുകയാണെങ്കിൽ, പുതിയ ഹെഡ്‌ലാമ്പ് ഡിസൈൻ, ചെറുതായി പരിഷ്‍കരിച്ച ബമ്പർ, കണക്റ്റിംഗ് ടെയിൽ ലൈറ്റ് ബാർ ഉള്ള അപ്‌ഡേറ്റ് ചെയ്ത ടെയിൽ ലാമ്പുകൾ എന്നിവ അതിന്റെ ക്യാബിനിൽ കാണാം.
കിയ കാരെൻസിന് ഇതിനകം തന്നെ പ്രായോഗികവും ആധുനികവുമായ ഒരു ഇന്റീരിയർ ലഭിച്ചിരുന്നു. എന്നാൽ 2025 അപ്‌ഡേറ്റ് ചില ശ്രദ്ധേയമായ അപ്‌ഗ്രേഡുകൾ കൊണ്ടുവന്നേക്കാം. ഈ അപ്‍ഗ്രേഡുകളിൽ വലിയ ഇൻഫോടെയ്ൻമെന്റ് സ്‌ക്രീൻ, രണ്ടാം നിരയിൽ വെന്റിലേറ്റഡ് സീറ്റുകൾ, സിംഗിൾ-പാളി സൺറൂഫിന് പകരം പനോരമിക് സൺറൂഫ് എന്നിവ ലഭിക്കുന്നത് ഉൾപ്പെടെ വന്നേക്കാൻ സാധ്യതയുണ്ട്. ഇത്തവണ ഡ്രൈവിംഗ് കൂടുതൽ സുരക്ഷിതവും സ്മാർട്ടും ആക്കുന്ന അഡ്വാൻസ്‍ഡ് ഡ്രൈവർ അസിസ്റ്റൻസ് സിസ്റ്റംസ് കൂടി ലഭിക്കും.
വാഹനത്തിന്‍റെ എഞ്ചിനിൽ നിലവിൽ വലിയ മാറ്റങ്ങളൊന്നും ഉണ്ടാകില്ല. പുതിയ കാരൻസ് പഴയതും എന്നാൽ വിശ്വസനീയവുമായ ഓപ്ഷനുകളോടെയാണ് വരുന്നത് . ഇത് പെട്രോൾ, ഡീസൽ എഞ്ചിനുകളിൽ ലഭ്യമാണ്. മാനുവൽ, ഓട്ടോമാറ്റിക് ഗിയർബോക്സ് ഓപ്ഷനുകൾ ഇതിൽ ലഭ്യമാണ്. 2025 കിയ കാരൻസ് മാരുതി സുസുക്കി എർട്ടിഗ, മാരുതി XL6, ടൊയോട്ട റൂമിയോൺ എന്നിവയുമായും നേരിട്ട് മത്സരിക്കും . എന്നാൽ കാരെൻസ് അതിന്റെ രൂപഭംഗി, സവിശേഷതകൾ, സെഗ്മെന്റ് ബ്രേക്കിംഗ് മൂല്യം എന്നിവ കാരണം എല്ലായ്പ്പോഴും അതിന്റെ വ്യതിരിക്തമായ ഐഡന്റിറ്റി നിലനിർത്തിയിട്ടുണ്ട്.
നിലവിൽ അനൗദ്യോഗികമായാണ് ബുക്കിംഗുകൾ സ്വീകരിക്കുന്നത്. പക്ഷേ അടുത്ത ഏതാനും ആഴ്ചകൾക്കുള്ളിൽ ലോഞ്ച് പ്രതീക്ഷിക്കുന്നു. 2025 കിയ കാരെൻസ് സ്റ്റൈലിഷ് ആയി കാണപ്പെടുക മാത്രമല്ല, ഫീച്ചറുകളുടെ കാര്യത്തിലും മികച്ചതായിരിക്കും എന്നാണ് റിപ്പോർട്ടുകൾ. കുടുംബങ്ങൾക്ക് അനുയോജ്യമായതും, സവിശേഷതകൾ നിറഞ്ഞതും, ഭാവിയിലേക്ക് ഒരുങ്ങുന്നതുമായ ഒരു എംപിവിയാണ് നിങ്ങൾ തിരയുന്നതെങ്കിൽ, തീർച്ചയായും കിയ കാരൻസ് മികച്ച ഒരു ഓപ്‍ഷൻ ആയിരിക്കും.
