വരുന്നൂ പുതിയ ചാര്ജ്ജിംഗ് സ്റ്റേഷനുകള്, രാജ്യത്തെ വാഹനവിപണി അടിമുടി മാറുന്നു
രാജ്യത്ത് 350 ഇവി ചാര്ജിംഗ് സ്റ്റേഷനുകള് കൂടി ഒരുക്കിയിരിക്കുകയാണെന്നാണ് റിപ്പോര്ട്ടുകള്
ഇലക്ട്രിക്ക് വാഹനങ്ങളെ പ്രോത്സാഹിപ്പിക്കുന്നതിനുള്ള നീക്കത്തിലാണ് കേന്ദ്രവും വിവിധ സംസ്ഥാന സര്ക്കാരുകളുമൊക്കെ. ഇപ്പോഴിതാ രാജ്യത്ത് 350 ഇവി ചാര്ജിംഗ് സ്റ്റേഷനുകള് കൂടി ഒരുക്കിയിരിക്കുകയാണെന്നാണ് റിപ്പോര്ട്ടുകള്. ഇലക്ട്രിക് വാഹന വിപണിയെ പ്രോത്സാഹിപ്പിക്കുന്നതിന് കൂടുതല് സബ്സിഡികളും മറ്റും പ്രഖ്യാപിച്ചതിന് പിന്നാലെയാണ് ഈ നീക്കം. ഒപ്പം കൂടുതല് ചാര്ജ്ജിംഗ് സ്റ്റേഷനുകള്ക്കായി 500 കോടിയോളം രൂപയും വകയിരുത്തിയിട്ടുണ്ടെന്നാണ് റിപ്പോര്ട്ടുകള്.
ഫെയിം II പദ്ധതി വിപുലീകരിക്കുന്നതിന്റെ ഭാഗമായാണ് ഛത്തീസ്ഗഡ്, മഹാരാഷ്ട്ര, ഗുജറാത്ത്, രാജസ്ഥാന്, ഡല്ഹി, കര്ണാടക, ഗോവ, ആന്ധ്രാപ്രദേശ് തുടങ്ങിയ സംസ്ഥാനങ്ങളില് പുതുതായി 350 ഓളം ഇവി ചാര്ജിംഗ് സ്റ്റേഷനുകള് ഒരുക്കിയതെന്ന് ഓട്ടോ കാര് ഇന്ത്യ റിപ്പോര്ട്ട് ചെയ്യുന്നു. ഛത്തീസ്ഗഡ് (48), ഡല്ഹി (94), ജയ്പൂര് (49), ബംഗളൂരു (45), റാഞ്ചി (29), ലഖ്നൗ (1), ഗോവ (17), ഹൈദരാബാദ് (50), ആഗ്ര (10), ഷിംല (7) എന്നീ നഗരങ്ങളിലാണ് പദ്ധതിക്ക് കീഴില് പുതുതായി ഇവി ചാര്ജിംഗ് സ്റ്റേഷനുകള് ഒരുക്കിയിരിക്കുന്നതെന്ന് കേന്ദ്രമന്ത്രി ക്രിഷന് പാല് ഗുര്ജാര് പാര്ലമെന്റില് അറിയിച്ചതായാണ് റിപ്പോര്ട്ട്.
ഫെയിം ഇന്ത്യ സ്കീമിന്റെ ഒന്നാം ഘട്ടത്തില് രാജ്യത്തുടനീളം 520 ചാര്ജിംഗ് സ്റ്റേഷനുകള്ക്കായി 43.4 കോടി രൂപയായിരുന്നു അനുവദിച്ചിരുന്നത്. ഇതിനുപുറമെ ഇന്ത്യയിലെ 68 നഗരങ്ങളിലായി 2,877 ഇവി ചാര്ജിംഗ് സ്റ്റേഷനുകള് ഒരുക്കുന്നതിന് 500 കോടി രൂപയും അനുവദിച്ചിട്ടുണ്ടെന്നും അദ്ദേഹം വ്യക്തമാക്കി. ഇലക്ട്രിക് വാഹനങ്ങളെ പ്രോത്സാഹിപ്പിക്കുന്നതിന്റെ ഭാഗമായി 2015 ഏപ്രിലില് ഇവി നയം ആരംഭിച്ചതുമുതല് 2021 ജൂലൈ 9 വരെ 3,61,000 ഇലക്ട്രിക് വാഹനങ്ങള്ക്കായി 600 കോടി രൂപയുടെ സഹായങ്ങളാണ് നല്കിയതെന്നാണ് റിപ്പോര്ട്ടുകള്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona