അടുത്ത ആഴ്ച നടക്കുന്ന പുതിയ രണ്ട് സുപ്രധാന കാർ ലോഞ്ചുകള്‍

ഇതാ, മേൽപ്പറഞ്ഞ വരാനിരിക്കുന്ന പുതിയ മോഡലുകളെക്കുറിച്ചുള്ള ഒരു ചെറുവിവരണം

Nissan leaf3

ഉത്സവ സീസൺ അവസാനിക്കാറായി. എങ്കിലും അടുത്ത ആഴ്ചയിൽ ചില സുപ്രധാന ലോഞ്ചുകള്‍ക്ക് സാക്ഷ്യം വഹിക്കാൻ ഒരുങ്ങുകയാണ് രാജ്യത്തെ വാഹന വിപണി. ബിവൈഡി അറ്റോ 3 ഇലക്ട്രിക് എസ്‌യുവിയും ഒരു പുതിയ നിസാൻ കാറും ഉൾപ്പെടെ രണ്ട് പുതിയ ലോഞ്ചുകൾക്ക് അടുത്തയാഴ്‍ച നടക്കും. ഇതാ, മേൽപ്പറഞ്ഞ വരാനിരിക്കുന്ന പുതിയ മോഡലുകളെക്കുറിച്ചുള്ള ഒരു ചെറുവിവരണം

ബിവൈഡി അറ്റോ 3
ഇന്ത്യയില്‍ ചൈനീസ് ഇവി കമ്പനിയിൽ നിന്നുള്ള രണ്ടാമത്തെ ഓഫറായിരിക്കും ബിവൈഡി അറ്റോ 3. തിരഞ്ഞെടുത്ത ആഗോള വിപണികളിൽ ഇതിനകം വിൽപ്പനയ്‌ക്കുള്ള ഈ മോഡൽ 2022 ഒക്ടോബർ 11- ന് ഇന്ത്യയില്‍ എത്തും. ഇത് എസ്‍കെഡി റൂട്ട് വഴി ഇവിടെ ഇറക്കുമതി ചെയ്യും. ഏകദേശം 30 ലക്ഷം രൂപ മുതൽ വില പ്രതീക്ഷിക്കുന്നു. ചോർന്ന വിവരം അനുസരിച്ച്, ബിവൈഡി അറ്റോ 3 3 49.92kWh ബിവൈഡി ബ്ലേഡ് ബാറ്ററിയും സ്ഥിരമായ മാഗ്നറ്റ് സിൻക്രണസ് മോട്ടോറുമായാണ് വരുന്നത്. 

201 ബിഎച്ച്‌പിയും 310 എൻഎം പവറും നൽകുന്ന ഒരു ഇലക്ട്രിക് മോട്ടോറുമായി ബാറ്ററി പായ്ക്ക് ജോടിയാക്കിയിരിക്കുന്നു. ഫുൾ ചാർജിൽ 345 കിലോമീറ്റർ (WLTP സൈക്കിൾ) റേഞ്ച് ഈ ഇലക്ട്രിക് എസ്‌യുവി വാഗ്ദാനം ചെയ്യും. ഇതിന് 7.3 സെക്കൻഡിൽ 0 മുതൽ 100 ​​കിലോമീറ്റർ വേഗത കൈവരിക്കാനാകും. ഒറ്റ ചാർജിൽ 420 കിലോമീറ്റർ റേഞ്ച് വാഗ്ദാനം ചെയ്യുന്ന 60.49kWh ബാറ്ററി പായ്ക്കിനൊപ്പം പുതിയ BYD ഇലക്ട്രിക് എസ്‌യുവിയും ലഭിക്കും. 

നിസാൻ ലീഫ് ഇലക്ട്രിക്
പുതിയ കാറിനെക്കുറിച്ച് 2022 ഒക്ടോബർ 18-ന് പ്രഖ്യാപനം നടത്തുമെന്ന് നിസാൻ ഇന്ത്യ സ്ഥിരീകരിച്ചു . കമ്പനി ഇതുവരെ വിശദാംശങ്ങളൊന്നും വെളിപ്പെടുത്തിയിട്ടില്ല. എങ്കിലും, മാധ്യമ റിപ്പോർട്ടുകൾ സൂചിപ്പിക്കുന്നത് നിസാൻ ലീഫ് ഇലക്ട്രിക് ഹാച്ച്ബാക്കിന്റെ അനാച്ഛാദനമോ ലോഞ്ചോ ആയിരിക്കും. ഇന്ത്യയിൽ പലതവണ ഈ ഇവി പരീക്ഷണത്തിനിടെ കണ്ടെത്തിയിരുന്നു. ആഗോള വിപണികളിൽ, 40kWh Li-ion ബാറ്ററി പാക്കിലും EM57 ഇലക്ട്രിക് മോട്ടോറിലും ലീഫ് ഇവി ലഭ്യമാണ്. ഇത് 146 ബിഎച്ച്പി കരുത്തും 320 എൻഎം ടോർക്കും നൽകുന്നു. ഇലക്ട്രിക് ഹാച്ച്ബാക്ക് 240km (NEDC സൈക്കിൾ) എന്ന അവകാശവാദ പരിധി വാഗ്ദാനം ചെയ്യുന്നു. ബാറ്ററി പായ്ക്ക് ചാർജ് ചെയ്യാൻ 16 മണിക്കൂറും എട്ട് മണിക്കൂറും എടുക്കുന്ന 3kWh, 6kWh എസി ചാർജറുകളിലും ഇത് ഉപയോഗിക്കാനാകും.