ഹോണ്ട എലിവേറ്റ് എസ്യുവി, ഇതാ ഇതുവരെ അറിയാവുന്ന എല്ലാ പ്രധാന വിശദാംശങ്ങളും!
വരാനിരിക്കുന്ന പുതിയ ഹോണ്ട എസ്‌യുവിയെക്കുറിച്ച് നമുക്ക് ഇതുവരെ അറിയാവുന്ന എല്ലാ പ്രധാന വിശദാംശങ്ങളും നോക്കാം.
ജാപ്പനീസ് വാഹന ബ്രാൻഡായ ഹോണ്ട എലിവേറ്റ് മിഡ്‌സൈസ് എസ്യുവി ഈ വർഷം ഇന്ത്യൻ വാഹന വ്യവസായത്തിൽ ഒരു വലിയ ഉൽപ്പന്ന ലോഞ്ച് ആയിരിക്കും. ഹോണ്ട ഈ ആഗോള എസ്യുവി ജൂൺ 6 ന് അനാവരണം ചെയ്യും. അതിന്റെ ഇന്ത്യൻ ലോഞ്ച് 2023 ഓഗസ്റ്റിൽ നടക്കും. ഹ്യുണ്ടായ് ക്രെറ്റ, കിയ സെൽറ്റോസ്, മാരുതി സുസുക്കി ഗ്രാൻഡ് വിറ്റാര, സ്‌കോഡ കുഷാക്ക്, ഫോക്‌സ്‌വാഗൺ ടൈഗൺ എന്നിവയ്‌ക്ക് ഹോണ്ടയുടെ മറുപടിയാണിത്. എലിവേറ്റ് എസ്‌യുവിയുടെ അടിസ്ഥാന വേരിയന്റിന് 12 ലക്ഷം രൂപ മുതൽ ടോപ്പ് എൻഡ് വേരിയന്റിന് 17 ലക്ഷം രൂപ വരെ വില പ്രതീക്ഷിക്കുന്നു. വരാനിരിക്കുന്ന പുതിയ ഹോണ്ട എസ്‌യുവിയെക്കുറിച്ച് നമുക്ക് ഇതുവരെ അറിയാവുന്ന എല്ലാ പ്രധാന വിശദാംശങ്ങളും നോക്കാം.
ഡിസൈൻ
ഹോണ്ടയിൽ നിന്നുള്ള പുതിയ ഇടത്തരം എസ്‌യുവിക്ക് കമ്പനിയുടെ ആഗോള എസ്‌യുവികളിൽ നിന്നുള്ള ചില ഡിസൈൻ ഘടകങ്ങൾ ലഭിക്കും. മുൻവശത്ത്, മെഷ് ഇൻസേർട്ടും കട്ടിയുള്ള ക്രോം സ്ലേറ്റും ഉള്ള സിഗ്നേച്ചർ ഗ്രില്ലും, സ്ലീക്ക് എയർ ഡാമും, എൽഇഡി ഡിആർഎല്ലുകളുള്ള എൽഇഡി ഹെഡ്‌ലാമ്പുകളും, ഫോക്സ് സ്കിഡ് പ്ലേറ്റുകളും ഉയർത്തിയ ബോണറ്റും ഉണ്ടാകും.
പിൻഭാഗം
ബ്ലാക്ക് ഫിനിഷുള്ള പുതുതായി രൂപകൽപന ചെയ്‍ത മൾട്ടി-സ്‌പോക്ക് അലോയ് വീലുകളുമായാണ് എലിവേറ്റിന്റെ വരവ്. മുൻവാതിൽ ഘടിപ്പിച്ച ഒആര്‍വിഎമ്മുകൾക്ക് സ്പോർട്ടി ബ്ലാക്ക് ഫിനിഷും ലഭിക്കും. എന്നിരുന്നാലും, കറുത്ത നിറങ്ങള്‍ ഉയർന്ന ട്രിമ്മുകൾക്കായി നീക്കിവയ്ക്കാം. ഷാര്‍ക്ക് ഫിൻ ആന്റിന, ഇലക്ട്രിക് സൺറൂഫ്, റൂഫ് റെയിലുകൾ, ടു പീസ് എൽഇഡി ടെയിൽലാമ്പുകൾ, റിയർ ബമ്പർ മൗണ്ടഡ് റിഫ്‌ളക്ടറുകൾ, റിയർ വൈപ്പറും വാഷറും, ടെയിൽഗേറ്റ് ഘടിപ്പിച്ച നമ്പർ പ്ലേറ്റ് ഹോൾഡറും ഇതിന്റെ മറ്റ് ചില ഡിസൈൻ ഹൈലൈറ്റുകളിൽ ഉൾപ്പെടുന്നു.
ഇന്റീരിയർ, സവിശേഷതകൾ
പുറത്തുവന്ന ചില ചിത്രങ്ങൾ വെളിപ്പെടുത്തിയതുപോലെ അഡ്വാൻസ്‌ഡ് ഡ്രൈവർ അസിസ്റ്റൻസ് സിസ്റ്റം, 360 ഡിഗ്രി ക്യാമറ എന്നിവയുമായാണ് ഹോണ്ടയുടെ പുതിയ എസ്യുവി വരുന്നത്. ഹോണ്ട സെൻസിംഗ് എന്ന് വിളിക്കപ്പെടുന്ന അഡ്വാൻസ്‌ഡ് ഡ്രൈവർ അസിസ്റ്റൻസ് സിസ്റ്റം സ്യൂട്ട് അഡാപ്റ്റീവ് ക്രൂയിസ് കൺട്രോൾ, ലെയ്ൻ ഡിപ്പാർച്ചർ മുന്നറിയിപ്പ്, ലെയ്ൻ കീപ്പ് അസിസ്റ്റ്, കൂട്ടിയിടി ലഘൂകരണ ബ്രേക്കിംഗ് സിസ്റ്റം, ഓട്ടോമാറ്റിക് ഹൈ ബീം അസിസ്റ്റ്, റോഡ് ഡിപ്പാർച്ചർ വാണിംഗ് തുടങ്ങിയ സവിശേഷതകൾ വാഗ്ദാനം ചെയ്യും. ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റി, ഓട്ടോമാറ്റിക് ക്ലൈമറ്റ് കൺട്രോൾ, റിയർ എസി വെന്റുകൾ, ക്രൂയിസ് കൺട്രോൾ, ആംബിയന്റ് ലൈറ്റിംഗ് സിസ്റ്റം തുടങ്ങിയവയോടുകൂടിയ ഫ്രീസ്റ്റാൻഡിംഗ് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റവും ഉണ്ടാകും.
എഞ്ചിനുകൾ
121 ബിഎച്ച്‌പി കരുത്തും 145 എൻഎം ടോർക്കും നൽകുന്ന സിറ്റിയുടെ 1.5 എൽ നാച്ചുറലി ആസ്പിരേറ്റഡ് പെട്രോൾ എഞ്ചിനിലാണ് പുതിയ ഹോണ്ട എസ്യുവി ആദ്യം ലഭ്യമാക്കിയിരിക്കുന്നത്. മാനുവൽ അല്ലെങ്കിൽ ഓട്ടോമാറ്റിക് ഗിയർബോക്‌സ് ഉപയോഗിച്ച് ഗ്യാസോലിൻ യൂണിറ്റ് ഉണ്ടായിരിക്കാം. പിന്നീടുള്ള ഘട്ടത്തിൽ ശക്തമായ ഹൈബ്രിഡ് പവർട്രെയിനിനൊപ്പം എലിവേറ്റ് എസ്യുവി വാഗ്ദാനം ചെയ്യുമെന്ന് റിപ്പോർട്ടുകൾ സൂചിപ്പിക്കുന്നു.
