Asianet News MalayalamAsianet News Malayalam
breaking news image

ഈ ടൊയോട്ട ഇന്നോവയ്ക്ക് യുപിയിൽ റോഡ് ടാക്സ് ഫ്രീ, വില കുറയുന്നത് 4.4 ലക്ഷം! മിത്തോ സത്യമോ?

എന്നാൽ അമ്പരപ്പിക്കുന്ന ഒരു വാർത്തയാണ് ഇപ്പോൾ പുറത്ത് വരുന്നത്. ഉത്തർപ്രദേശിൽ ഹൈബ്രിഡ് കാറുകൾക്ക് 100 ശതമാനം റോഡ് നികുതി രഹിതമാക്കുമെന്നാണ് അവകാശവാദം. നമുക്ക് ഇത് കുറച്ച് വിശദമായി മനസ്സിലാക്കാം.

All you needs to knows about Toyota dealer in UP offers 100% road tax free on hybrids
Author
First Published Jul 8, 2024, 11:19 PM IST

കാർ നിർമാണ കമ്പനികൾക്ക് ഇന്ത്യ ആകർഷകമായ സ്ഥലമാണ്. ഇന്ത്യ അതിവേഗം ലോകത്തിലെ ഒരു പ്രധാന ഓട്ടോമൊബൈൽ വിപണിയായി മാറുകയാണ്. അടുത്തിടെ, ഇന്ത്യൻ സർക്കാർ ഇലക്ട്രിക് വാഹനങ്ങൾ പ്രോത്സാഹിപ്പിക്കുന്നതിന് നിരവധി ശ്രമങ്ങൾ നടത്തി. ഇവിയുടെ വിൽപ്പന പ്രോത്സാഹിപ്പിക്കുന്നതിന്, ആർടിഒ നികുതി രഹിതം പോലുള്ള വിവിധ ആനുകൂല്യങ്ങളും സബ്‌സിഡിയും സർക്കാർ നൽകുന്നുണ്ട്. എന്നാൽ, ഹൈബ്രിഡ് കാറുകൾ ഈ ആനുകൂല്യങ്ങളിൽ നിന്ന് ഒഴിവാക്കപ്പെട്ടു. എന്നാൽ അമ്പരപ്പിക്കുന്ന ഒരു വാർത്തയാണ് ഇപ്പോൾ പുറത്ത് വരുന്നത്. യുപിയിൽ ഹൈബ്രിഡ് കാറുകൾക്ക് 100 ശതമാനം റോഡ് നികുതി രഹിതമാക്കുമെന്നാണ് അവകാശവാദം. നമുക്ക് ഇത് കുറച്ച് വിശദമായി അറിയാം

ടൊയോട്ട ഹൈബ്രിഡ് കാറുകൾക്ക് 100% റോഡ് നികുതി ഇളവ്? 
നിങ്ങൾ കേൾക്കുന്നത് ശരിയാണ്, യുപിയിൽ ടൊയോട്ടയുടെ ഹൈബ്രിഡ് കാറുകൾക്ക് 100 ശതമാനം റോഡ് നികുതിയുണ്ട്. യുപിയിൽ ടൊയോട്ട അതിൻ്റെ ഹൈബ്രിഡ് കാറുകൾക്ക് റോഡ് നികുതിയിൽ 100% ഇളവ് നൽകുന്നതായിട്ടാണ് റിപ്പോര്‍ട്ടുകൾ. അതിനാൽ ഹൈബ്രിഡ് കാറുകളുടെ വില ഗണ്യമായി കുറഞ്ഞു. ഡൽഹി എൻസിആർ ആസ്ഥാനമായുള്ള എസ്പിരിറ്റ് ടൊയോട്ട എന്ന ടൊയോട്ടയുടെ ഔദ്യോഗിക ഡീലർഷിപ്പാണ് ഇങ്ങനൊരു ഓഫർ മുന്നോട്ടുവച്ചിരിക്കുന്നതെന്ന് റഷ് ലൈൻ റിപ്പോര്‍ട്ട് ചെയ്യുന്നു.

എന്താണ് ഈ ഓഫർ? 
ഉത്തർപ്രദേശിൽ കാർ രജിസ്റ്റർ ചെയ്യാൻ ആഗ്രഹിക്കുന്ന ഉപഭോക്താക്കൾക്ക് മാത്രമേ ഈ ഓഫർ ലഭ്യമാകൂ. അതായത്, ഈ ഓഫർ ഉത്തർപ്രദേശ് സർക്കാർ ആരംഭിച്ച ചില പദ്ധതിയുടെ ഭാഗമായിരിക്കാം.

ഏതൊക്കെ കാറുകളാണ് ഉൾപ്പെടുത്തിയിരിക്കുന്നത്?
ഈ ഓഫറിൽ ടൊയോട്ട കാമ്രി, ഇന്നോവ ഹിക്രോസ്, ഹെയ്‌റൈഡർ എന്നിവ ഉൾപ്പെടുന്നു. അതേസമയം ശക്തമായ ഹൈബ്രിഡ് വാഹനം കൂടിയായ ടൊയോട്ട വെൽഫയർ ഓഫറിൽ ഉൾപ്പെടുത്തിയിട്ടില്ല എന്നത് ശ്രദ്ധേയമാണ്.

എത്രത്തോളം ലാഭിക്കും?
ഈ ഓഫർ പ്രകാരം നിങ്ങൾക്ക് കാമ്രിയിൽ 4.4 ലക്ഷം രൂപ ലാഭിക്കാം. ഇത് കൂടാതെ ഇന്നോവ ഹൈക്രോസിൽ 3.1 ലക്ഷം രൂപ വരെ കിഴിവ് ലഭ്യമാണ്. ഇത് കൂടാതെ രണ്ട് ലക്ഷം രൂപ വരെ ഹെയ്‌റൈഡറിൽ ലാഭിക്കാം.

എന്താണ് സത്യം?
എങ്കിലും, ഇതൊരു കമ്പനിയാണോ ഡീലർ തലത്തിലുള്ള ഓഫറാണോ അതോ ഉത്തർപ്രദേശ് സർക്കാർ ആരംഭിച്ച പദ്ധതിയാണോ എന്ന കാര്യത്തിൽ ഇതുവരെ വ്യക്തതയില്ല.

ഇത് രാജ്യവ്യാപകമാകുമോ?
ശക്തമായ ഹൈബ്രിഡ് വാഹനങ്ങളുടെ ജിഎസ്ടി 45 ശതമാനത്തിൽ നിന്ന് 12 ശതമാനമായി കുറയ്ക്കാൻ കേന്ദ്ര റോഡ് ഗതാഗത, ഹൈവേ മന്ത്രി നിതിൻ ഗഡ്‍കരി ധനമന്ത്രാലയത്തിന് മേൽ സമ്മർദ്ദം ചെലുത്തുന്നുണ്ട് എന്നാണ് റിപ്പോര്‍ട്ടുകൾ. അങ്ങനെ സംഭവിച്ചാൽ രാജ്യവ്യാപകമായി ഇത് ബാധകമാകും.

അത് എങ്ങനെ പ്രയോജനപ്രദമാകും?
ഈ ഓഫർ നടപ്പാക്കിയാൽ, ഹൈബ്രിഡ് കാറുകൾ വാങ്ങാനും വിൽപ്പന വർധിപ്പിക്കാനും ഇത് ആളുകളെ ആകർഷിക്കും.

ടൊയോട്ട ഹൈബ്രിഡ് കാറുകളുടെ വില
ടൊയോട്ട കാമ്രിയുടെ പ്രാരംഭ എക്സ്-ഷോറൂം വില 46.17 ലക്ഷം രൂപയാണ്. ടൊയോട്ട ഇന്നോവ ഹൈക്രോസിൻ്റെ പ്രാരംഭ എക്സ്-ഷോറൂം വില 25.97 ലക്ഷം രൂപയാണ്. അതേസമയം, ടൊയോട്ട ഹെയ്‌റൈഡറിൻ്റെ പ്രാരംഭ എക്‌സ് ഷോറൂം വില 16.66 ലക്ഷം രൂപയാണ്. 

ഹൈബ്രിഡ് കാറുകൾ വാങ്ങാൻ ഈ ഓഫർ നല്ലൊരു അവസരമായിരിക്കും. നിങ്ങൾ ഉത്തർപ്രദേശിൽ താമസിക്കുകയും ഒരു ഹൈബ്രിഡ് കാർ വാങ്ങാൻ പദ്ധതിയിടുകയും ചെയ്യുന്നുവെങ്കിൽ, ഈ ഓഫർ പ്രയോജനപ്പെടുത്താൻ മറക്കരുത്. നിങ്ങളുടെ തൊട്ടടുത്തുള്ള ഡീലർഷിപ്പുമായി ഇന്നുതന്നെ ബന്ധപ്പെടുക.

Latest Videos
Follow Us:
Download App:
  • android
  • ios