വില 1.29 ലക്ഷം, ആ കിടിലന്‍ സ്കൂട്ടര് കേരളത്തിലും
ഇപ്പോഴിതാ ഈ വാഹനം കേരള വിപണിയിലും എത്തി
ഇറ്റാലിയന്‍ ബ്രാന്‍ഡായ പിയാജിയോ പ്രീമിയം സ്‌കൂട്ടറായ അപ്രീലിയ SXR160നെ അടുത്തിടെയാണ് ഇന്ത്യയില്‍ അവതരിപ്പിക്കുന്നത്. ഇപ്പോഴിതാ ഈ വാഹനം കേരള വിപണിയിലും എത്തിയതായാണ് റിപ്പോര്‍ട്ടുകള്‍. 1.29 ലക്ഷം രൂപയാണ് ഈ പ്രീമിയം സ്കൂട്ടറിന്റെ എക്‌സ്‌ഷോറും വിലയില്‍ പിയാജിയോ ഷോറൂമുകളിലും അപ്രീലിയയുടെ ഔദ്യോഗിക വെബ്‌സൈറ്റിലും ഈ വാഹനത്തിന്റെ ബുക്കിങ്ങ് ആരംഭിച്ചതായും 5000 രൂപയാണ് ബുക്കിംഗ് തുക എന്നുമാണ് റിപ്പോര്‍ട്ടുകള്‍.
കഴിഞ്ഞ ഒരു പതിറ്റാണ്ടിനിടെ ഇന്ത്യയില്‍ വില്‍പ്പനയ്ക്ക് എത്തുന്ന ആദ്യ മാക്സി സ്കൂട്ടര് എന്ന ഖ്യാതിയോടെയാണ് അപ്രീലിയ എസ്.എക്‌സ്.ആര്‍.160 ഇന്ത്യയില്‍ അവതരിപ്പിച്ചത്.
2020 ഫെബ്രുവരിയില്‍ നടന്ന ദില്ലി ഓട്ടോ എക്‌സ്‌പോയിലാണ് സ്‌കൂട്ടറിനെ ആദ്യമായി പ്രദര്‍ശിപ്പിക്കുന്നത്. പിന്നാലെ സ്കൂട്ടര് വിപണിയില്‍ എത്തുമെന്ന് പ്രതീക്ഷിച്ചിരുന്നെങ്കിലും നിലവിലെ സാഹചര്യങ്ങള്‍ അരങ്ങേറ്റം വൈകിപ്പിക്കുകയായിരുന്നു. തുടര്‍ന്ന് 2020 ഡിസംബര്‍ അവസാനമായിരുന്നു സ്കൂട്ടറിന്റെ അവതരണം.
ഗ്ലോസി റെഡ്, മാറ്റ് ബ്ലൂ, ഗ്ലോസി വൈറ്റ്, മാറ്റ് ബ്ലാക്ക് എന്നീ നാല് കളർ ഓപ്ഷനുകളിൽ ഇത് ലഭ്യമാണ്. 160 സിസി ബി‌എസ്‌ VI കംപ്ലയിന്റ് ത്രീ-വാൽവ് ഫ്യുവൽ ഇൻജക്റ്റഡ് എഞ്ചിനാണ് ഇതിന്‍റെ ഹൃദയം. 7000 rpm -ൽ പരമാവധി 11 bhp കരുത്ത് ഈ എഞ്ചിന്‍ സൃഷ്‍ടിക്കും. ഡിസ്ക് ബ്രേക്ക്, ക്രമീകരിക്കാവുന്ന റിയർ സസ്പെൻഷൻ എന്നിവയും മാക്സി സ്കൂട്ടറിൽ വരുന്നു.
അപ്രീലിയയുടെ ഏറ്റവും പുതിയ ആഗോള ഡിസൈൻ ശൈലി ഇത് സംയോജിപ്പിക്കുന്നു. ഉയരമുള്ള ബ്ലാക്ക് വിൻഡ്‌സ്ക്രീനോടുകൂടിയ ഷാർപ്പ് ഫെയ്സും, മോട്ടോർ സൈക്കിൾ വൈബ് നൽകുന്ന റാപ്പ്എറൗണ്ട് ഇരട്ട എൽഇഡി ഹെഡ്‌ലാമ്പുകളും പിന്നിൽ എൽഇഡി ടെയിൽ ലാമ്പ് യൂണിറ്റുകളും SXR 160 നൽകുന്നു
മാക്സി സ്‌കൂട്ടറില്‍ ധാരാളം ലഗേജുകളും ലെഗ് സ്‌പേസും ഉണ്ട്. മികച്ച സവാരിക്ക് ഒരു വലിയ സീറ്റ്, RS660 -യില്‍ നിന്ന് പ്രചോദനം ഉള്‍ക്കൊണ്ട എല്‍ഇഡി ഹെഡ്‌ലാമ്പുകള്‍, ഫ്രണ്ട് ആപ്രോണ്‍ എന്നിവ ലഭിക്കുന്നു. ഇന്റഗ്രേറ്റഡ് റിയര്‍ ബ്ലിങ്കറുകളുള്ള എല്‍ഇഡി ടെയില്‍ ലാമ്പ് പിന്‍വശത്തെ ഡിസൈന്‍ ഘടകങ്ങളില്‍ ഉള്‍പ്പെടുന്നു. തൂവല്‍ ടച്ച് സ്വിച്ചുകള്‍, യുഎസ്ബി ചാര്‍ജിംഗ് പോര്‍ട്ട്, വലിയ വിന്‍ഡ്സ്‌ക്രീന്‍, സ്മാര്‍ട്ട്‌ഫോണ്‍ കണക്റ്റിവിറ്റി എന്നിവയുള്ള പൂര്‍ണ്ണ ഡിജിറ്റല്‍ എല്‍സിഡി ഇന്‍സ്ട്രുമെന്റ് ക്ലസ്റ്റര്‍ അപ്രീലിയ SXR160-യ്ക്ക് ലഭിക്കുന്നു. 12 ഇഞ്ച് അലോയ് വീലുകള്‍, അണ്ടര്‍ സീറ്റ് സ്റ്റോറേജ്, ഉയര്‍ത്തിയ ഹാന്‍ഡ്ബാറുകള്‍, എന്നിവ സ്‌റ്റൈലിംഗ് ഘടകങ്ങളില്‍ ഉള്‍പ്പെടുന്നു. സുരക്ഷാ സവിശേഷതകളില്‍ എബിഎസ് ഉള്‍പ്പെടുത്തിയേക്കും.
