ബോണ്ടിന്റെ വണ്ടിയെ വീണ്ടുമുണ്ടാക്കി കമ്പനി, അരനൂറ്റാണ്ടിനു ശേഷം!
കറങ്ങുന്ന നമ്പർ പ്ലേറ്റ്, പിന്നിലുള്ളവരെ വഴിതെറ്റിക്കാനുള്ള സ്മോക്ക്, പിന്നിൽ ഉയർന്നുവരുന്ന ബുള്ളറ്റ് പ്രൂഫ് സ്ക്രീൻ, മുന്നിൽ വെടിവയ്ക്കാനുള്ള തോക്കുകൾ തുടങ്ങിയവ വാഹനത്തിലുണ്ടായിരുന്നു.
ജയിംസ് ബോണ്ട് സിനിമകളിലൂടെ ശ്രദ്ധേയമായ വാഹനമാണ് ആസ്റ്റൻ മാർട്ടിൻ ഡി ബി ഫൈവ്. 55 വർഷങ്ങൾക്കുശേഷം ഡി.ബി ഫൈവിനെ പുനർനിർമിച്ചിരിക്കുകയാണ് കമ്പനി. ആസ്റ്റൻ മാർട്ടിന്റെ യു കെയിലെ ബക്കിങ്ങ്ഹാംഷെയറിലുള്ള ന്യൂപോർട്ട് ബേസിലാണ് പുതിയ കാർ നിർമിക്കുക. പഴയ സിൽവർ ബിർച്ച് നിറമാണ് വാഹനത്തിന് നൽകുക.
ബോണ്ട് സിനിമകളുടെ നിർമാതാക്കളായ EON പ്രൊഡക്ഷൻസുമായി സഹകരിച്ചാണ് ആസ്റ്റൺ മാർട്ടിൻ ഡിബി5 ഗോൾഡ്ഫിംഗർ കണ്ടിന്യുവഷൻ എഡിഷൻ തയ്യാറാക്കിയിരിക്കുന്നത്. ആകെ 25 ഡി.ബി ഫൈവ് മാത്രമെ ആസ്റ്റൺ നിർമിക്കുന്നുള്ളു. അതെല്ലാം വിറ്റുപോവുകയും ചെയ്തു. 25 കാറുകൾക്കായി തെരഞ്ഞെടുക്കപ്പെട്ട സമ്പന്നർ മുടക്കുന്നത് 32 കോടിരൂപയാണ്.
ലോകത്തിലെ ഏറ്റവും സുന്ദരൻ കാറുകളിലൊന്ന് എന്ന വിശേഷപ്പിക്കപ്പെടുന്ന വാഹനമാണ് ആസ്റ്റൻ മാർട്ടിൻ ഡി.ബി ഫൈവ്. 1963 മുതൽ 65 വരെയാണ് വാഹനം നിർമിക്കപ്പെട്ടത്. ആകെ 900 യൂനിറ്റ് വാഹനങ്ങളാണ് നിരത്തിലെത്തിയത്. 1964ൽ ഇറങ്ങിയ ബോണ്ട് സിനിമയായ ഗോൾഡ്ഫിങ്ങറിൽ എത്തിയതോടെയാണ് ഡി ബി ഫൈവ് ലോക ശ്രദ്ധയിലേക്ക് ഉയരുന്നത്.
ബോണ്ടിനു വേണ്ടി നിർമിക്കപ്പെട്ട വാഹനങ്ങളായതിനാൽ ഏറെ പ്രത്യേകതകൾ ഉണ്ടായിരുന്നു ഡി.ബി ഫൈവ് ഗോൾഡ്ഫിങ്ങര് എഡിഷന്. കറങ്ങുന്ന നമ്പർ പ്ലേറ്റ്, പിന്നിലുള്ളവരെ വഴിതെറ്റിക്കാനുള്ള സ്മോക്ക്, പിന്നിൽ ഉയർന്നുവരുന്ന ബുള്ളറ്റ് പ്രൂഫ് സ്ക്രീൻ, മുന്നിൽ വെടിവയ്ക്കാനുള്ള തോക്കുകൾ തുടങ്ങിയവ വാഹനത്തിലുണ്ടായിരുന്നു.