1998-ൽ ആണ് കമ്പനി ഈ കാറിനെ ആദ്യമായി വിപണിയിൽ അവതരിപ്പിക്കുന്നത്. എത്തി 25 വർഷത്തിനുള്ളിൽ ആഗോളതലത്തിൽ ഔഡി ടിടി സ്പോർട്സ് കൂപ്പെയുടെ 6,62,762 യൂണിറ്റുകൾ കമ്പനി വിറ്റു.
ജർമ്മൻ വാഹന നിർമ്മാതാക്കളായ ഔഡി തങ്ങളുടെ ടിടി സ്പോർട്സ് കൂപ്പെയുടെ ഉത്പാദനം ഔദ്യോഗികമായി അവസാനിപ്പിച്ചു. 1998-ൽ ആണ് കമ്പനി ഈ കാറിനെ ആദ്യമായി വിപണിയിൽ അവതരിപ്പിക്കുന്നത്. എത്തി 25 വർഷത്തിനുള്ളിൽ ആഗോളതലത്തിൽ ഔഡി ടിടി സ്പോർട്സ് കൂപ്പെയുടെ 6,62,762 യൂണിറ്റുകൾ കമ്പനി വിറ്റു. ക്രോണോസ് ഗ്രേ മെറ്റാലിക് പെയിന്റിൽ ഡാർക്ക് ക്രോം മാറ്റ് ആക്സന്റുകളോട് കൂടിയ അസംബ്ലി ലൈനിൽ നിന്ന് ഇറങ്ങിയ അവസാന മോഡലാണ് ഓഡി ടിടിഎസ് കൂപ്പെ.
അവസാന ഔഡി ടിടിഎസിൽ ക്രോണോസ് ഗ്രേ മെറ്റാലിക് നിറമുണ്ട്, ഡാർക്ക് ക്രോം മാറ്റ് ആക്സന്റുകളും ലഭിക്കുന്നു. മൂന്നാം തലമുറ ഓഡി ടിടിഎസിന് 2.0-ലിറ്റർ, ടിഎഫ്എസ്ഐ, 4-സിലിണ്ടർ എഞ്ചിൻ ലഭിക്കുന്നു, അത് 306 ബിഎച്ച്പി ക്രാങ്ക് ചെയ്യുന്നു. ഇത് 4.5 സെക്കൻഡിനുള്ളിൽ പൂജ്യം മുതൽ 100 കിലോമീറ്റർ വേഗത കൈവരിക്കാൻ പ്രാപ്തമാക്കുന്നു. MQB പ്ലാറ്റ്ഫോമിനെ അടിസ്ഥാനമാക്കി, 2.5-ലിറ്റർ, 5-സിലിണ്ടർ, ടർബോ-പെട്രോൾ എഞ്ചിൻ ഉപയോഗിക്കുന്ന പെർഫോമൻസ്-ഫോക്കസ്ഡ് RS-ന് ശേഷം ഏറ്റവും ശക്തമായ രണ്ടാമത്തെ മോഡലാണിത്.
25 വർഷത്തിലേറെയായി, ജർമ്മൻ ബ്രാൻഡ് ടിടിയുടെ മൂന്ന് തലമുറകൾ പുറത്തിറക്കി. ഒപ്പം ഫെയ്സ്ലിഫ്റ്റഡ് പതിപ്പുകൾ, പ്രത്യേക, അന്തിമ പതിപ്പുകൾ, കൂടാതെ കൂപ്പെ, കൺവേർട്ടബിൾ എന്നിങ്ങനെ രണ്ട് ബോഡി ശൈലികളും വാഹനത്തിന് ലഭിക്കുന്നു. 1995-ലെ ടോക്കിയോ മോട്ടോർ ഷോയിലാണ് ഔഡി ടിടി ആദ്യമായി കൺസെപ്റ്റ് രൂപത്തിൽ പ്രദർശിപ്പിച്ചത്. അവസാന പതിപ്പിനെ ടിടി റോഡ്സ്റ്റർ ഫൈനൽ എഡിഷൻ എന്ന് വിളിക്കുന്നു. ഇത് കൺവേർട്ടിബിൾ ആണ്, ഇത് വെറും 50 യൂണിറ്റുകളായി പരിമിതപ്പെടുത്തും. ഇത് അമേരിക്കയിൽ മാത്രമേ വിൽക്കുകയുള്ളൂ. അവസാന യൂണിറ്റ് ബ്രാൻഡിന്റെ ഹംഗറിയിലെ ഗ്യോർ പ്ലാന്റിലെ ഉൽപ്പാദന നിരയിൽ നിന്നാണ് ഇറങ്ങിയത്.
315 ബിഎച്ച്പി പവറും 400 എൻഎം ടോർക്കും ഉൽപ്പാദിപ്പിക്കുന്ന 2.0 ലിറ്റർ ടിഎഫ്എസ്ഐ, ഫോർ സിലിണ്ടർ, ഗ്യാസോലിൻ മിൽ എന്നിവയുമായാണ് ഇത് വരുന്നത്. ഈ മോട്ടോർ 7-സ്പീഡ് ഡിഎസ്ജി ഗിയർബോക്സുമായി ഘടിപ്പിച്ചിരിക്കുന്നു, ഇത് ബ്രാൻഡിന്റെ ക്വാട്രോ എഡബ്ല്യുഡി സിസ്റ്റത്തിലൂടെ എല്ലാ 4-വീലുകളിലേക്കും പവർ അയയ്ക്കുന്നു.
അതേസമയം ഔഡി ഇന്ത്യ അടുത്തിടെ അതിന്റെ മുഴുവൻ പോർട്ട്ഫോളിയോയിലും രണ്ട് ശതമാനം വരെ വിലവർദ്ധന പ്രഖ്യാപിച്ചു. ഇൻപുട്ടിന്റെയും പ്രവർത്തനച്ചെലവിന്റെയും വർധിച്ചതിനാലാണ് ഈ നടപടി സ്വീകരിച്ചതെന്ന് കാർ നിർമ്മാതാക്കൾ പറയുന്നു. ഈ വിലവർദ്ധന 2024 ജനുവരി ഒന്നുമുതൽ പ്രാബല്യത്തിൽ വരും.
