Asianet News MalayalamAsianet News Malayalam

ബിഎംഡബ്ല്യു R18 ഷോറൂമുകളിലേക്ക്

ജര്‍മ്മന്‍ ആഡംബര ഇരുചക്ര വാഹന നിര്‍മാതാക്കളായ ബിഎംഡബ്ല്യു മോട്ടോറാഡിന്‍റെ ക്രൂയിസര്‍ മോഡലായ ആര്‍18 ഷോറൂമുകളില്‍ എത്തിത്തുടങ്ങി.

BMW R18 To Showrooms
Author
Mumbai, First Published Aug 16, 2020, 2:50 PM IST

ജര്‍മ്മന്‍ ആഡംബര ഇരുചക്ര വാഹന നിര്‍മാതാക്കളായ ബിഎംഡബ്ല്യു മോട്ടോറാഡിന്‍റെ ക്രൂയിസര്‍ മോഡലായ ആര്‍18 ഷോറൂമുകളില്‍ എത്തിത്തുടങ്ങി. കഴിഞ്ഞ ഏപ്രിലിൽതന്നെ ആർ 18ന്‍റെ ബുക്കിംഗ് കമ്പനി ആരംഭിച്ചിരുന്നു. ഒരു ലക്ഷം അടച്ച്​ ബുക്ക്​ ചെയ്​തവർക്ക്​ ബൈക്ക്​ സെപ്​തംബറിൽ തന്നെ ലഭ്യമാക്കുമെന്നാണ്​ കമ്പനി വാഗ്​ദാനം ചെയ്യുന്നത്​. നിലവിൽ എക്​സ്​ക്ലൂസീവ്​ ഷോറൂമുകളിൽ ബൈക്ക്​ എത്തിയിട്ടുണ്ട്​.

അടുത്തിടെയാണ് ആര്‍18 മോട്ടോര്‍സൈക്കിളിന്റെ പ്രൊഡക്ഷന്‍ വേര്‍ഷന്‍ കമ്പനി ആഗോളതലത്തില്‍ അനാവരണം ചെയ്‍തത്. ക്ലാസിക് സ്‌റ്റൈലിംഗ് ക്രൂസറിന്റെ കണ്‍സെപ്റ്റ് കഴിഞ്ഞ വര്‍ഷം പ്രദര്‍ശിപ്പിച്ചിരുന്നു. യുദ്ധപൂര്‍വ ക്ലാസിക് മോഡലായ ബിഎംഡബ്ല്യു ആര്‍5 മോട്ടോര്‍സൈക്കിളില്‍നിന്ന് പ്രചോദനമുള്‍ക്കൊണ്ടതാണ് പുതിയ ക്രൂസറിന്റെ രൂപകല്‍പ്പന.

ചരിത്രത്തിന്റെ പിന്‍ബലത്തോടെ മികച്ച രൂപകല്‍പ്പനയിലാണ് ബിഎംഡബ്ല്യു ആര്‍18 വരുന്നത്. കാഴ്ചയിൽ ഒരു ട്രൂ-ബ്ലൂ ക്ലാസിക്കായി തോന്നുമെങ്കിലും ഇത് ഒരു ആധുനിക ഹെവിവെയ്റ്റ് ക്രൂയിസറാണ്. ടിയർ ഡ്രോപ്പ് ആകൃതിയിലുള്ള ഇന്ധന ടാങ്ക്, പരമ്പരാഗത 49 mm ടെലിസ്‌കോപ്പിക് ഫ്രണ്ട് ഫോർക്ക്, കാന്റിലിവർ സിംഗിൾ ഷോക്ക് എന്നിവല്ലാം R5 ൽ നിന്നും കടമെടുത്തതാണ്.  ക്ലാസിക് യുദ്ധത്തിനു മുമ്പുള്ള ബി‌എം‌ഡബ്ല്യു ബൈക്കുകളിലേതുപോലുള്ള എല്ലാത്തരം പിൻ‌സ്‌ട്രിപ്പിംഗും  ക്രോം ഘടകങ്ങളും ഫസ്റ്റ് എഡിഷൻ പതിപ്പിൽ വരുന്നു.

സ്റ്റീല്‍ ക്രേഡില്‍ ഷാസിയിലാണ് ബിഎംഡബ്ല്യു ആര്‍18 നിര്‍മിച്ചിരിക്കുന്നത്. ബിഎംഡബ്ല്യു മോട്ടോറാഡിന്റെ ഏറ്റവും വലിയ ബോക്‌സര്‍ എന്‍ജിനായ 1,802 സിസി, എയര്‍ കൂള്‍ഡ്, ബോക്‌സര്‍ ട്വിന്‍ കരുത്തേകുന്നു. ഈ മോട്ടോര്‍ 4,750 ആര്‍പിഎമ്മില്‍ 91 ബിഎച്ച്പി പരമാവധി കരുത്തും 2,000 നും 4,000 നുമിടയില്‍ ആര്‍പിഎമ്മില്‍ 150 എന്‍എം പരമാവധി ടോര്‍ക്കും ഉല്‍പ്പാദിപ്പിക്കും. പിന്‍ ചക്രത്തിലേക്ക് ഷാഫ്റ്റ് ഡ്രൈവ് വഴി 6 സ്പീഡ് ഗിയര്‍ബോക്‌സാണ് കരുത്ത് എത്തിക്കുന്നത്. ഓപ്ഷണല്‍ റിവേഴ്‌സ് സവിശേഷതയാണ്.

മോട്ടോര്‍സൈക്കിളില്‍ ആധുനിക ഇലക്ട്രോണിക്‌സ് നല്‍കിയിരിക്കുന്നു. ട്രാക്ഷന്‍ കണ്‍ട്രോള്‍ സിസ്റ്റം, ക്രൂസ് കണ്‍ട്രോള്‍, ഹില്‍ ഹോള്‍ഡ്, റൈഡ് ബൈ വയര്‍ എന്നിവ ഫീച്ചറുകളാണ്. റെയ്ന്‍, റോഡ്, റോള്‍ എന്നിവയാണ് മൂന്ന് റൈഡിംഗ് മോഡുകള്‍. കോര്‍ണറിംഗ് ലൈറ്റുകള്‍, കംബൈന്‍ഡ് എബിഎസ്, കീലെസ് ഇഗ്‌നിഷന്‍ എന്നിവയും ലഭിച്ചു. ചരിത്രപരമായ ടാങ്ക് ചിഹ്നങ്ങൾ, സ്ലോട്ടഡ് സ്ക്രൂകൾ, ലെതർ ബെൽറ്റ്, സ്ക്രൂഡ്രൈവർ, കയ്യുറകൾ, ബിഎംഡബ്ല്യു മോട്ടോർസൈക്കിളുകളുടെ 97 വർഷം പഴക്കമുള്ള ചരിത്രം ആഘോഷിക്കുന്ന ഒരു പുസ്തകം എന്നിവയും വാഹനത്തിന് ഒപ്പം ലഭിക്കും. അതായത് ഇത് സ്റ്റാൻഡേർഡ് വേരിയന്റിനേക്കാൾ കൂടുതൽ ഓൾഡ്-സ്കൂൾ ഫസ്റ്റ് എഡിഷൻ പതിപ്പാണ്.

സ്റ്റാന്‍ഡേഡ്, ഫസ്റ്റ് എഡിഷന്‍ എന്നീ രണ്ട് വേരിയന്റുകളില്‍ ബിഎംഡബ്ല്യു ആര്‍18 ലഭിക്കും. നിരവധി ക്രോം ആക്‌സസറികള്‍, തുകല്‍ ബെല്‍റ്റ്, ട്രക്കര്‍ ക്യാപ് എന്നിവ ഫസ്റ്റ് എഡിഷന്‍ വേരിയന്റിലെ അധിക സവിശേഷതകളാണ്. വ്യക്തിഗത അഭിരുചിക്കനുസരിച്ച് ബൈക്കി​ന്‍റെ രൂപത്തിൽ മാറ്റം വരുത്താനാനുള്ള സാധ്യതകൾ ബി.എം.ഡബ്ല്യു വാഗ്​ദാനം ചെയ്യുന്നുണ്ട്​. ഇഷ്‌ടാനുസൃതം നിർമിക്കാവുന്ന സീറ്റുകൾ, വിവിധതരം എക്‌സ്‌ഹോസ്റ്റുകൾ, സൈഡ് പാനലുകൾ, ഹാൻഡിൽബാർ എന്നിവ നൽകിയിട്ടുണ്ട്​.

345 കിലോഗ്രാം ഭാരം വഹിക്കുന്ന ബി‌എം‌ഡബ്ല്യു R18 ക്രൂയിസർ‌ ഹെവിവെയ്റ്റ് ക്രൂയിസറുകളുടെ ഭാരം കൂടിയ ശ്രേണിയിൽ പെടുന്നതാണ്. ഹാർലി-ഡേവിഡ്സൺ ഫാറ്റ് ബോയിയേക്കാൾ 23 കിലോഗ്രാം കൂടുതൽ ഭാരം വാഹനത്തിനുണ്ട്. 20നും 25 ലക്ഷത്തിനും ഇടയിലാണ്​ വില ബൈക്കിന്‍റെ പ്രതീക്ഷിക്കുന്ന വില.

Follow Us:
Download App:
  • android
  • ios