മാരുതി ജനപ്രിയനെ വിറ്റ് ഇന്നോവയുടെ വല്ല്യേട്ടനെ ഗാരേജിലാക്കി സൂപ്പര്‍താരം, വില അരക്കോടി!
ജാപ്പനീസ് വാഹന ബ്രാൻഡായ ടൊയോട്ടയുടെ ഫോർച്യൂണർ ലെജൻഡർ സ്പോർട്‌ യൂട്ടിലിറ്റി വാഹനമാണ് രൺവീർ സിംഗ് തന്റെ ഗരേജിലേക്ക് എത്തിച്ചിരിക്കുന്നത്. പുതിയ ടൊയോട്ട ഫോർച്യൂണർ ലെജൻഡർ താരത്തിന്റെ പ്രിയ നമ്പരും സ്വന്തമാക്കിയിട്ടുണ്ട്. MH 02 FR 6969 എന്ന ഫാൻസി നമ്പരാണ് എസ്‌യുവിക്കായി രണ്‍വീര്‍ സ്വന്തമാക്കിയതെന്നാണ് റിപ്പോര്‍ട്ടുകള്‍. 69 എന്ന നമ്പറിനോടുള്ള പ്രത്യേക താല്‍പ്പര്യമുള്ളയാളാണ് രൺവീർ സിംഗ്.
തന്റെ വാഹന ശേഖരത്തിലേക്ക് ഒരു പുതിയ കാർ കൂടി ചേർത്ത് ബോളിവുഡ് താരം രൺവീർ സിംഗ്. ജാപ്പനീസ് വാഹന ബ്രാൻഡായ ടൊയോട്ടയുടെ ഫോർച്യൂണർ ലെജൻഡർ സ്പോർട്‌ യൂട്ടിലിറ്റി വാഹനമാണ് രൺവീർ സിംഗ് തന്റെ ഗരേജിലേക്ക് എത്തിച്ചിരിക്കുന്നത്. പുതിയ ടൊയോട്ട ഫോർച്യൂണർ ലെജൻഡർ താരത്തിന്റെ പ്രിയ നമ്പരും സ്വന്തമാക്കിയിട്ടുണ്ട്. MH 02 FR 6969 എന്ന ഫാൻസി നമ്പരാണ് എസ്‌യുവിക്കായി രണ്‍വീര്‍ സ്വന്തമാക്കിയതെന്നാണ് റിപ്പോര്‍ട്ടുകള്‍. 69 എന്ന നമ്പറിനോടുള്ള പ്രത്യേക താല്‍പ്പര്യമുള്ളയാളാണ് രൺവീർ സിംഗ്.
തന്റെ പഴയ മാരുതി സിയാസ് സെഡാന്‍ അടുത്തിടെ രൺവീർ സിംഗ് വിറ്റിരുന്നു. ഇതിന് പകരമായി നടൻ വാങ്ങിയ ഫോർച്യൂണർ ലെജൻഡർ മോഡൽ ടോപ്പ് എൻഡ് വേരിയന്റാണ്. 43.22 ലക്ഷം രൂപയാണ് അതിന്റെ പ്രാരംഭ എക്സ്-ഷോറൂം വില. മുംബൈയില്‍ ഇതിന്‍റെ ഓണ്‍റോഡ് വില ഏകദേശം അരക്കോടി രൂപയോളം വരും. 2021-ലാണ് ഇന്ത്യൻ വിപണിയിൽ ഫോർച്യൂണർ ലെജൻഡർ ആദ്യമായി അവതരിപ്പിക്കുന്നത്. സ്റ്റാൻഡേർഡ് മോഡലിൽ നിന്ന് കാര്യമായ വ്യത്യാസം കാണുന്നതിന് പുറമെ അകത്തും പുറത്തും നിരവധി മാറ്റങ്ങളോടെയാണ് ഇത് വരുന്നത്. ടൊയോട്ട മോട്ടോർ ഇന്ത്യയിൽ ഒരു ഡീസൽ എഞ്ചിൻ ഓപ്ഷനിൽ മാത്രമാണ് ഫോർച്യൂണർ ലെജൻഡർ എസ്‌യുവി വിൽക്കുന്നത്. 204 bhp കരുത്തും 500 Nm ടോര്‍ക്കും ഉത്പാദിപ്പിക്കുന്ന 2.8 ലിറ്റർ ഡീസൽ യൂണിറ്റാണ് എസ്‌യുവിയുടെ ഹൃദയം.ആറ് സ്പീഡ് ഓട്ടോമാറ്റിക് ട്രാൻസ്മിഷനുമായി ഘടിപ്പിച്ചിരിക്കുന്ന എഞ്ചിൻ 4X2, 4X4 ഡ്രൈവ് സിസ്റ്റങ്ങൾ വാഗ്ദാനം ചെയ്യുന്നു.
റോഡില്‍ കണ്ണുംനട്ട് സര്‍ക്കാര്‍, ഒന്നുംരണ്ടുമല്ല 62,000 റോഡുകൾ സൂപ്പറാക്കും യോഗി മാജിക്ക്!
ടൊയോട്ട ഫോർച്യൂണർ ലെജൻഡർ എസ്‌യുവിക്ക് 4,795 എംഎം ഉയരവും 1,855 എംഎം വീതിയും 1,835 എംഎം ഉയരവുമുണ്ട്. ഇതിന് 2,745 എംഎം വീൽബേസും 209 എംഎം ഗ്രൗണ്ട് ക്ലിയറൻസുമുണ്ട്. ടൊയോട്ട ഫോർച്യൂണർ ലെജൻഡർ സ്റ്റാൻഡേർഡ് ഫോർച്യൂണർ എസ്‌യുവികളിൽ നിന്ന് അല്പം വ്യത്യസ്തമായി കാണപ്പെടുന്നു. ഇത് എൽഇഡി ഹെഡ്‌ലൈറ്റുകളും DRL-കളും, ബമ്പറിൽ ഘടിപ്പിച്ചിരിക്കുന്ന സൂചകങ്ങളോടുകൂടിയ ട്വീക്ക് ചെയ്ത ട്വിൻ ഗ്രിൽ എന്നിവയുമായി വരുന്നു. അകത്ത്, എസ്‌യുവി അതിന്റെ ചില സവിശേഷതകളിൽ ഡ്യുവൽ-ടോൺ ഇന്റീരിയർ, ലെതർ സീറ്റുകൾ, ഡിജിറ്റൽ ഇൻഫോടെയ്ൻമെന്റ് സ്‌ക്രീൻ വയർലെസ് ചാർജിംഗ് എന്നിവ ഉള്‍പ്പെടുന്നു.
സുരക്ഷയുടെ കാര്യത്തിൽ, ഫോർച്യൂണർ ലെജൻഡർ എസ്‌യുവി ഏഴ് എയർബാഗുകൾ, ഇബിഡി ഉള്ള എബിഎസ്, ഇലക്ട്രോണിക് സ്റ്റെബിലിറ്റി പ്രോഗ്രാം (ഇഎസ്‍പി), ഹിൽ ഹോൾഡ്, ഹിൽ ഡിസന്റ് കൺട്രോൾ എന്നിവ വാഗ്ദാനം ചെയ്യുന്നു. നിരവധി സെലിബ്രിറ്റികളുടെ പ്രിയപ്പെട്ട വാഹനമാണ് ടൊയോട്ടയുടെ ഈ കിടിലൻ എസ്‌യുവി. ഏത് റോഡിലും മികച്ച പെർഫോമൻസ് കാഴ്ച്ചവെക്കാനാവുന്ന ഫോർച്യൂണര്‍ ദീർഘദൂര യാത്രകളിൽ മികച്ച യാത്രാ സുഖവും വാഗ്ദാനം ചെയ്യുന്നു.
അതേസമയം രണ്‍വീറിന്‍റെ ഗാരേജില്‍ ജാഗ്വർ XJ, ആസ്റ്റൺ മാർട്ടിൻ റാപ്പിഡ് തുടങ്ങിയ ആദ്യ ആഡംബര കാറുകൾ മുതൽ മെർസിഡീസ് മെയ്‌ബാക്ക് GLS 600, ലംബോർഗിനി ഉറൂസ് തുടങ്ങിയ ഏറ്റവും പുതിയ മോഡലുകള്‍ വരെയുണ്ട്. ഇവയ്ക്കെല്ലാം രജിസ്‌ട്രേഷൻ നമ്പറായി 6969 ആണ് രൺവീർ സ്വന്തമാക്കുന്നത് എന്നാണ് റിപ്പോര്‍ട്ടുകള്‍.
