Asianet News MalayalamAsianet News Malayalam

Bounce Infinity : ബൗൺസ് ഇൻഫിനിറ്റി ഇ1 ഇലക്ട്രിക് സ്‍കൂട്ടർ ടെസ്റ്റ് റൈഡുകൾ നാല് നഗരങ്ങളിൽ കൂടി

മുംബൈ, പൂനെ, ഹൈദരാബാദ്, അഹമ്മദാബാദ് എന്നിവിടങ്ങളിലെ വാങ്ങാൻ സാധ്യതയുള്ളവർക്ക് ഉടൻ തന്നെ ഈ പുതിയ ഇലക്ട്രിക് സ്കൂട്ടർ പരീക്ഷിക്കാൻ കഴിയും. 

Bounce Infinity E1 electric scooter test rides begin in four more cities
Author
Mumbai, First Published Mar 8, 2022, 11:39 PM IST

ബംഗളൂരുവിന് (Bangalore) ശേഷം ബൗൺസ് ഇൻഫിനിറ്റി നാല് പ്രധാന നഗരങ്ങളിൽ ബൗൺസ് ഇൻഫിനിറ്റി ഇ1 ഇലക്ട്രിക് സ്കൂട്ടറിന്റെ പരീക്ഷണ റൈഡുകൾ ആരംഭിച്ചതായി റിപ്പോര്‍ട്ട്.

മുംബൈ (Mumbai), പൂനെ (Pune), ഹൈദരാബാദ് (Hyderabad), അഹമ്മദാബാദ് (ahmedabad) എന്നിവിടങ്ങളിലെ വാങ്ങാൻ സാധ്യതയുള്ളവർക്ക് ഉടൻ തന്നെ ഈ പുതിയ ഇലക്ട്രിക് സ്‍കൂട്ടര്‍ പരീക്ഷിക്കാൻ കഴിയും. ഈ നഗരങ്ങളിലെ ഒന്നിലധികം ടച്ച് പോയിന്റുകളിൽ വാഹനങ്ങൾ ലഭ്യമാകും എന്നും സ്‌കൂട്ടർ സ്ഥലത്തുതന്നെ ബുക്ക് ചെയ്യാനുള്ള ഓപ്ഷനുമുണ്ട് എന്നും ബൈക്ക് വെയ്‍ല്‍ റിപ്പോര്‍ട്ട് ചെയ്യുന്നു. താൽപ്പര്യമുള്ള ഉപഭോക്താക്കള്‍ക്ക് അവരുടെ ടെസ്റ്റ് റൈഡ് സ്ലോട്ടുകൾ ബൗൺസ് ഇൻഫിനിറ്റി വെബ്സൈറ്റിൽ റിസർവ് ചെയ്യാം.

ബെംഗളൂരുവിൽ നടന്ന ടെസ്റ്റ് റൈഡുകളുടെ ആദ്യ ആഴ്ചയിൽ 2,900-ലധികം വ്യക്തികളുടെ പങ്കാളിത്തത്തിന് കമ്പനി സാക്ഷ്യം വഹിച്ചു. അവരിൽ 55 ശതമാനം ഉപഭോക്താക്കളും നേരത്തെ ഡെലിവറിക്കായി സ്കൂട്ടർ ബുക്ക് ചെയ്തു. അടുത്ത ഏതാനും ആഴ്ചകൾക്കുള്ളിൽ അധിക നഗരങ്ങളിൽ ടെസ്റ്റ് റൈഡുകൾ പുറത്തിറക്കാനും കമ്പനി ലക്ഷ്യമിടുന്നു.

ബൗൺസ് ഇൻഫിനിറ്റി E1 ഇലക്ട്രിക് സ്കൂട്ടർ അഞ്ച് നിറങ്ങളിൽ ലഭിക്കും - സ്പോർട്ടി റെഡ്, സ്പാർക്കിൾ ബ്ലാക്ക്, പേൾ വൈറ്റ്, ഡെസാറ്റ് സിൽവർ, കോമറ്റ് ഗ്രേ. 2022 ഏപ്രിലിൽ ഡെലിവറികൾ സ്‌കൂട്ടറിനുള്ള പ്രീ-ബുക്കിംഗ് ആരംഭിച്ചു. ഈ ഇലക്ട്രിക് സ്‌കൂട്ടറുകൾ കമ്പനിയുടെ ഡീലർഷിപ്പ് നെറ്റ്‌വർക്കിലൂടെയും അതിന്റെ ഓൺലൈൻ പ്ലാറ്റ്‌ഫോമിലൂടെയും വിതരണം ചെയ്യും. 50,000 കിലോമീറ്റർ വരെ മൂന്ന് വർഷത്തെ സമഗ്ര വാറന്റിയാണ് വാഹനത്തിന് നൽകുന്നത്.

പുതിയ ഇ സ്‍കൂട്ടറുമായി ബൗൺസ് ഇൻഫിനിറ്റി
ബംഗളൂരു (Bangalore) ആസ്ഥാനമായുള്ള റൈഡ് ഷെയറിംഗ് സ്റ്റാർട്ടപ്പായ ബൗൺസ് (Bounce) രാജ്യത്ത് തങ്ങളുടെ ആദ്യത്തെ ഇലക്ട്രിക് സ്‍കൂട്ടർ അവതരിപ്പിച്ചു. ബൗൺസ് ഇൻഫിനിറ്റി ഇ1 (Bounce Infinity E1) എന്ന് വിളിക്കപ്പെടുന്ന വാഹനമാണ് അവതരിപ്പിച്ച്.

ഈ ഇലക്ട്രിക് സ്‍കൂട്ടർ ബാറ്ററി പാക്കിനൊപ്പം അല്ലെങ്കിൽ അല്ലാതെയും സ്വന്തമാക്കാം എന്നാണ് റിപ്പോര്‍ട്ടുകള്‍. സ്റ്റാൻഡേർഡ് ലിഥിയം-അയൺ സ്വാപ്പ് ചെയ്യാവുന്ന ബാറ്ററി പാക്കുള്ള മോഡലിന് 68,999 രൂപയും ബാറ്ററിയില്ലാതെ 45,099 രൂപയുമാണ് വില. രണ്ട് വിലകളും ദില്ലി എക്സ്-ഷോറൂം വിലകളാണ്. സംസ്ഥാന സർക്കാരുകളിൽ നിന്നുള്ള FAME II സബ്‌സിഡികളും ഈ മോഡലിന് ലഭിക്കും. ഇതോടെ വില അല്‍പ്പം കൂടി കുറയാനാണ് സാധ്യത.

ബാറ്ററി ഇല്ലാത്ത മോഡൽ, പ്ലാൻ അനുസരിച്ച്, 850 രൂപ മുതൽ 1,250 രൂപ വരെ അധിക ചിലവ് വരുന്ന 'ബാറ്ററി-ആസ്-എ-സർവീസ്' പ്രതിമാസ സബ്‌സ്‌ക്രിപ്‌ഷൻ സ്‍കീമിനൊപ്പം ലഭ്യമാണ്. സാധാരണ സ്‌കൂട്ടറുകളെ അപേക്ഷിച്ച് ഓഫർ ഉടമസ്ഥാവകാശത്തിന്റെ വില ഏകദേശം 40 ശതമാനം കുറയ്ക്കുമെന്ന് കമ്പനി പറയുന്നു. ബൗൺസ് ഇലക്ട്രിക് സ്‍കൂട്ടറിന്റെ ഡെലിവറി 2022 മാർച്ചിൽ ആരംഭിക്കും. ഇത് ഓൺലൈനായോ കമ്പനിയുടെ ഡീലർഷിപ്പ് നെറ്റ്‌വർക്ക് വഴിയോ വാങ്ങാം. താൽപ്പര്യമുള്ള ഉപഭോക്താക്കൾക്ക് 499 രൂപ അടച്ച് വാഹനം മുൻകൂട്ടി ബുക്ക് ചെയ്യാം, അത് തിരികെ ലഭിക്കും.

നിങ്ങൾക്ക് ബാറ്ററി പായ്ക്ക് ഇല്ലാത്ത മോഡൽ ഉണ്ടെങ്കിൽ, കമ്പനിയുടെ വരാനിരിക്കുന്ന ബാറ്ററി-സ്വാപ്പിംഗ് നെറ്റ്‌വർക്കിൽ നിങ്ങൾക്ക് ഒരു സ്വാപ്പിന് 35 രൂപ നിരക്കിൽ ബാറ്ററി സ്വാപ്പ് ചെയ്യാനോ മാറ്റിസ്ഥാപിക്കാനോ കഴിയും. അടുത്ത രണ്ട് വർഷത്തിനുള്ളിൽ ഒന്നിലധികം ബാറ്ററി സ്വാപ്പിംഗ് സ്റ്റേഷനുകൾ സ്ഥാപിക്കാനാണ് കമ്പനി ലക്ഷ്യമിടുന്നത്. ബൗൺസ് ഇൻഫിനിറ്റി E1 ഇലക്ട്രിക് സ്‍കൂട്ടറിന്റെ ബാറ്ററി പായ്ക്ക് സാധാരണ പവർ സോക്കറ്റ് വഴി ചാർജ് ചെയ്യാം.

പേൾ വൈറ്റ്, സ്‌പോർട്ടി റെഡ്, കോമെഡ് ഗ്രേ, സ്പാർക്കിൾ ബ്ലാക്ക്, ഡെസാറ്റ് സിൽവർ എന്നിങ്ങനെ 5 നിറങ്ങളിൽ ബൗൺസ് ഇൻഫിനിറ്റി ഇ1 ഇലക്ട്രിക് സ്‌കൂട്ടർ ലഭ്യമാണ്. 50,000 കിലോമീറ്റർ വരെ 3 വർഷത്തെ സ്റ്റാൻഡേർഡ് വാറന്റി കമ്പനി വാഗ്ദാനം ചെയ്യുന്നു.

Follow Us:
Download App:
  • android
  • ios