പുതിയ ജിഎസ്ടി പരിഷ്കാരങ്ങൾ പ്രകാരം ചെറുകാറുകളുടെ നികുതി കുറഞ്ഞു. ഇതോടെ റെനോ ട്രൈബറിന്റെ വിലയും കുറഞ്ഞു, കൂടുതൽ ആളുകൾക്ക് ഈ 7 സീറ്റർ കാർ സ്വന്തമാക്കാൻ കഴിയും.
ഇന്ത്യയിൽ അടുത്തിടെ കേന്ദ്ര സർക്കാർ നടപ്പിലാക്കിയ ജിഎസ്ടി പരിഷ്കാരങ്ങൾ കാർ വാങ്ങുന്നവർക്ക് വലിയ ആശ്വാസമാണ് നൽകുന്നത്. 2025 സെപ്റ്റംബർ 22 മുതൽ പ്രാബല്യത്തിൽ വരുന്ന ഈ പുതിയ നിയമപ്രകാരം, ചെറിയ കാറുകളുടെ നികുതി 28% ൽ നിന്ന് 18% ആയി കുറച്ചു. അതേസമയം വലിയ വാഹനങ്ങളുടെ നികുതി ഇനിമുതൽ 40 ശതമാനം ആയിരിക്കും. നേരത്തെ ഇത് 43 ശതമാനും മുതൽ 50 ശതമാനം വരെ ആയിരുന്നു. ജിഎസ്ടി കുറച്ചതിനുശേഷം, രാജ്യത്തെ ഏറ്റവും വിലകുറഞ്ഞ 7 സീറ്റർ കാറായ റെനോ ട്രൈബറിന്റെ വിലയും കുറഞ്ഞു. ജിഎസ്ടി കുറച്ചതോടെ ഈ കാർ കൂടുതൽ താങ്ങാനാവുന്ന വിലയായി മാറിയിരിക്കുന്നു. അതിന്റെ വിശദാംശങ്ങൾ നമുക്ക് നോക്കാം.
ട്രൈബറിന്റെ എല്ലാ വകഭേദങ്ങളുടെയും വില ഏകദേശം 8.5 ശതമാനം കുറയുമെന്ന് കമ്പനി അറിയിച്ചു. ഏറ്റവും വലിയ നേട്ടം ഇമോഷൻ പെട്രോൾ-ഓട്ടോമാറ്റിക് വേരിയന്റ് വാങ്ങുന്നവർക്കായിരിക്കും. ഈ വേരയിന്റുകളുടെ വില ഇപ്പോൾ ഏകദേശം 78,195 രൂപ കുറയും. 7 സീറ്റർ ആണെങ്കിലും, റെനോ ട്രൈബർ ഒതുക്കമുള്ള വലുപ്പത്തിലാണ് വരുന്നത്. നഗരത്തിനും ഹൈവേയ്ക്കും അനുയോജ്യമാണ് ഈ കാർ. സീറ്റുകൾ മടക്കിവെച്ചാൽ 625 ലിറ്റർ വരെ ബൂട്ട് സ്പേസ്ലഭിക്കുന്നു. മികച്ച മൈലേജ് നൽകാൻ കഴിവുള്ള 1.0 ലിറ്റർ പെട്രോൾ എഞ്ചിനാണ് ഈ കാറിനുള്ളത്. മൾട്ടി-സീറ്റിംഗ് ലേഔട്ട് ഉള്ളതിനാൽ ഒരു കുടുംബ കാറിന് ഏറ്റവും മികച്ച ഓപ്ഷനാണിത്. എബിഎസ്, റിവേഴ്സ് പാർക്കിംഗ് ക്യാമറ തുടങ്ങിയ സുരക്ഷാ സവിശേഷതകളും ഇതിലുണ്ട്.
പുതിയ ജിഎസ്ടി സ്ലാബ് കാരണം, റെനോ ട്രൈബർ ഇപ്പോൾ മുമ്പത്തേക്കാൾ കൂടുതൽ ബജറ്റ് സൗഹൃദമായി മാറിയിരിക്കുന്നു. ഉയർന്ന വില കാരണം മുമ്പ് 7 സീറ്റർ കാർ സ്വപ്നം കാണാൻ കഴിയാതിരുന്നവർക്ക് ഇതൊരു മികച്ച അവസരമാണ്. നിങ്ങൾ കുടുംബ സൗഹൃദവും താങ്ങാനാവുന്നതും പ്രായോഗികവുമായ ഒരു കാർ തിരയുകയാണെങ്കിൽ, റെനോ ട്രൈബറിലെ ഈ പുതിയ വിലകൾ നിങ്ങളുടെ ബജറ്റിൽ ഒതുങ്ങും.
ഈ വര്ഷം ജൂലൈയില് 6,29,995 രൂപ എക്സ്-ഷോറൂം വിലയിൽ പുറത്തിറക്കിയ റെനോയുടെ പുതിയ ട്രൈബര്, റെനോ റീതിങ്ക് ബ്രാന്ഡ് പരിവര്ത്തന തന്ത്രത്തിന് കീഴിലുള്ള ഇന്ത്യയിലെ ആദ്യ മോഡലാണ്. സവിശേഷ സുഖസൗകര്യങ്ങള്ക്കൊപ്പം ആധുനിക ഡിസൈനും ട്രൈബറില് ഒത്തുചേര്ന്നിരിക്കുന്നു. 35 പുതിയ ഫീച്ചറുകൾ കൂട്ടിച്ചേര്ത്ത കാറില് 5, 6, അല്ലെങ്കില് 7-സീറ്ററായി മാറ്റാവുന്ന മൂന്നാം നിര ഈസി-ഫിക്സ് സീറ്റുകളും 625 ലിറ്റര് വരെ ബൂട്ട് സ്പെയിസും ഉണ്ട്. ഫാമിലി കാറുകളുടെ പുതുതലമുറയില് പൂര്ണ്ണമായും
പുനര്രൂപകല്പ്പന ചെയ്ത മുന്ഭാഗം, പുതിയ ഗ്രില്, ആകര്ഷകമായ പുതിയ ഹുഡ്, പുതുക്കിയ ബമ്പര്, സംയോജിത എല്ഇഡി ഡിആര്എല്ലുകളുള്ള പുതിയ സ്ലീക്ക് എല്ഇഡി പ്രൊജക്ടര് ഹെഡ്ലാമ്പുകള്, പുതിയ എല്ഇഡി ഫോഗ് ലാമ്പുകള്, പുതിയ ബ്രാന്ഡ് ലോഗോ തുടങ്ങിയവയും ഉള്പ്പെടുന്നു.
പുതിയ ട്രൈബറില് ആറ് എയര്ബാഗുകള്, ഇഎസ്പി, ടിപിഎംഎസ്, ബ്രേക്ക് അസിസ്റ്റുള്ള ഇബിഡി എന്നിവയുള്പ്പെടെ 21 സ്റ്റാന്ഡേര്ഡ് സുരക്ഷാ സവിശേഷതകളും ഉണ്ട്. സുരക്ഷാ സവിശേഷതകളില് കൂടുതലായി ഫ്രണ്ട് പാര്ക്കിംഗ് സെന്സറും ഉള്പ്പെടുത്തിയിട്ടുണ്ട്. പുതിയ ട്രൈബര് ഓതന്റിക്, എവല്യൂഷന്, ടെക്നോ, ഇമോഷന് എന്നീ നാല് വേരിയന്റുകളില് ലഭ്യമാണ്.
