Asianet News MalayalamAsianet News Malayalam

മാരുതിയുടെയും കിയയുടെയും നെഞ്ചിടിപ്പേറും, വരുന്നൂ ഫ്രഞ്ച് കരുത്തൻ!

സിട്രോൺ മൂന്നുവരി മോഡലിന്റെ പരീക്ഷണം ഇന്ത്യയിൽ ആരംഭിച്ചു കഴിഞ്ഞു. സിട്രോൺ 7-സീറ്റർ മോഡൽ എംപിവി, എസ്‌യുവി ഉപഭോക്താക്കളെ ലക്ഷ്യമിടുന്നു. 

Citroen Seven Seater SUV Launch In 2023
Author
First Published Sep 15, 2022, 4:41 PM IST

ഫ്രഞ്ച് വാഹന നിര്‍മ്മാതാക്കളായ സിട്രോൺ അടുത്തിടെ ഇന്ത്യൻ വിപണിയിൽ തദ്ദേശീയമായി വികസിപ്പിച്ചെടുത്ത C3 ഹാച്ച്ബാക്കും ഫെയ്‌സ്‌ലിഫ്റ്റ് ചെയ്ത C5 എയർക്രോസും അവതരിപ്പിച്ചു. ഒരു പുതിയ എൻട്രി ലെവൽ ഇവി, ഒരു പുതിയ 7-സീറ്റർ എസ്‌യുവി/ക്രോസ്ഓവർ എന്നിവ ഉള്‍പ്പെടെ കമ്പനി രണ്ട് പുതിയ മോഡലുകളും ഒരുക്കുന്നുണ്ട്. സിട്രോൺ ത്രീ-വരി മോഡലിന്റെ പരീക്ഷണം ഇന്ത്യയിൽ ആരംഭിച്ചു കഴിഞ്ഞു. സിട്രോൺ 7-സീറ്റർ മോഡൽ എംപിവി, എസ്‌യുവി ഉപഭോക്താക്കളെ ലക്ഷ്യമിടുന്നു. 

പുതിയ സിട്രോൺ 7-സീറ്റർ മോഡൽ അടുത്തിടെ ഇന്ത്യൻ റോഡുകളിൽ പരീക്ഷണം നടത്തിയിരുന്നു. സ്റ്റാൻഡേർഡ് C3 മോഡലിൽ വാഗ്ദാനം ചെയ്യുന്ന 15 ഇഞ്ച് വീലുകൾക്ക് പകരം 16 ഇഞ്ച് വീലുകളാണ് സ്‌പോട്ട് മോഡലിൽ സജ്ജീകരിച്ചിരിക്കുന്നത്. പുതിയ മോഡലിന് ഉയർന്ന ഗ്രൗണ്ട് ക്ലിയറൻസ് ഉണ്ടായിരിക്കും.  ഇത് പരീക്ഷണ ചിത്രങ്ങളിൽ നിന്ന് വ്യക്തമാണ്. വാഹനത്തിന്‍റെ ബോഡിയില്‍ ഉടനീളം പ്ലാസ്റ്റിക് ബോഡി ക്ലാഡിംഗുമായി വരാൻ സാധ്യതയുണ്ട്.

അപകടം, യാത്രികരെ സുരക്ഷിതരാക്കി ഇക്കോസ്‍പോര്‍ട്; 'കണ്ണിരിക്കുമ്പോള്‍ വിലയറിഞ്ഞില്ലെ'ന്ന് ജനം!

പുതിയ സിട്രോൺ 3-വരി എസ്‌യുവി, C3 ഹാച്ച്‌ബാക്കിന് അടിവരയിടുന്ന സ്റ്റെല്ലാന്റിസിന്റെ CMP (കോമൺ മോഡുലാർ പ്ലാറ്റ്‌ഫോം) അടിസ്ഥാനമാക്കിയുള്ളതായിരിക്കും. ഒരു വലിയ വലിപ്പത്തിലുള്ള മോഡലിനെ ഉൾക്കൊള്ളാൻ സിട്രോണ്‍ എഞ്ചിനീയർമാർ പ്ലാറ്റ്ഫോം പരിഷ്കരിക്കാൻ സാധ്യതയുണ്ട്. B-പില്ലർ വരെ വാഹനം സാധാരണ C3-ന് സമാനമാണ്. സൈഡിലും റിയർ പ്രൊഫൈലിലും വലിയ മാറ്റം വരുത്തും. ഇതിന് പിന്നിൽ നീളമേറിയ ഓവർഹാംഗും വലിയ ഗ്ലാസ് ഏരിയയും ഉണ്ടാകും. പുതിയ മോഡലിന് നാല് മീറ്ററിൽ കൂടുതൽ നീളമുണ്ടാകും.

എസ്‌യുവിയുടെ ക്യാബിന് സാധാരണ സി3യുമായി സാമ്യമുണ്ടാകും. എസ്‌യുവിയുടെ ഡാഷ്‌ബോർഡ്, ഇൻസ്ട്രുമെന്റ് കൺസോൾ, ടച്ച്‌സ്‌ക്രീൻ ഇൻഫോടെയ്ൻമെന്റ്, സ്റ്റിയറിംഗ് വീൽ എന്നിവയുൾപ്പെടെ സെൻട്രൽ കൺസോൾ എന്നിവ സി3 ഹാച്ച്‌ബാക്കിൽ നിന്ന് ലഭിക്കും. ഹാച്ച്ബാക്ക് സഹോദരങ്ങളെ അപേക്ഷിച്ച് കൂടുതൽ സ്റ്റാൻഡേർഡ് ഫീച്ചറുകളോടെ വാഹനം വരാൻ സാധ്യതയുണ്ട്. ആറ്, ഏഴ് എന്നിങ്ങനെ രണ്ട് സീറ്റിംഗ് ലേഔട്ടുകളിൽ ഇത് വാഗ്ദാനം ചെയ്യുമെന്ന് പ്രതീക്ഷിക്കുന്നു.  രണ്ടാം നിരയിൽ മുൻ ക്യാപ്റ്റൻ സീറ്റുകൾ ഉണ്ടാകും.

പുതിയ മൂന്നു വരി സിട്രോൺ എഞ്ചിൻ ഓപ്ഷനുകൾ C3 ഹാച്ച്ബാക്കുമായി പങ്കിടാൻ സാധ്യതയുണ്ട്. എഞ്ചിൻ ഓപ്ഷനുകളിൽ 5MT ഉള്ള 1.2-ലിറ്റർ 3-സിലിണ്ടർ നാച്ചുറലി ആസ്പിറേറ്റഡ് പെട്രോളും 6MT, 6AT എന്നിവയുള്ള 1.2-ലിറ്റർ 3-സിലിണ്ടർ ടർബോ പെട്രോളും ഉൾപ്പെടാൻ സാധ്യതയുണ്ട്. ആദ്യത്തേത് 5,750rpm-ൽ 82PS-നും 3,750rpm-ൽ 115Nm-ന്റെ പീക്ക് ടോർക്കും ആണെങ്കിൽ, ടർബോ യൂണിറ്റ് 110PS-ഉം 190Nm ടോർക്കും ഉത്പാദിപ്പിക്കുന്നു.

പുതിയ സിട്രോൺ 3-വരി എസ്‌യുവിയെ C3 എയർക്രോസ് എന്ന് വിളിക്കും. ഇത് മാരുതി എർട്ടിഗ, സുസുക്കി XL6, കിയ കാരൻസ്, റെനോ ട്രൈബർ എന്നിവയോട് നേരിട്ട് മത്സരിക്കും.

Follow Us:
Download App:
  • android
  • ios