Asianet News MalayalamAsianet News Malayalam

EV Sales : രാജ്യത്ത് ഇലക്ട്രിക്ക് വാഹന വില്‍പ്പനയില്‍ വന്‍കുതിപ്പ്, വളര്‍ച്ച 240 ശതമാനം!

ഇന്ത്യയിലെ ഇലക്ട്രിക് വാഹന വിൽപ്പനയില്‍ വന്‍ വളര്‍ച്ച. 2021 ഡിസംബറിലെ മൊത്തത്തിലുള്ള ഇവി വിൽപ്പന 50,866 യൂണിറ്റ്. 2020 ഡിസംബറിൽ രേഖപ്പെടുത്തിയതിൽ നിന്ന് 240 ശതമാനം വർധനവെന്ന് കണക്കുകള്‍

Electric vehicle sales in India grow 240% in December 2021
Author
Mumbai, First Published Jan 5, 2022, 7:42 PM IST
  • Facebook
  • Twitter
  • Whatsapp

2021 ഡിസംബറിൽ ഇന്ത്യയിലെ ഇലക്ട്രിക് വാഹന വിൽപ്പനയില്‍ (Electric vehicle sales) വന്‍ വളര്‍ച്ചയെന്ന് റിപ്പോര്‍ട്ട്.  2021 ഡിസംബറിൽ 240 ശതമാനം വളർച്ചയാണെന്നും ഇലക്ട്രിക് വാഹന രജിസ്ട്രേഷൻ (Electric vehicle Registration) ഒരു മാസത്തിനുള്ളിൽ 50,000 യൂണിറ്റുകൾ കടന്നെന്നും ജെഎംകെ റിസർച്ച് ആൻഡ് അനലിറ്റിക്‌സിന്റെ റിപ്പോർട്ട് ഉദ്ദരിച്ച് ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു. 2021 ഡിസംബറിലെ മൊത്തത്തിലുള്ള ഇവി വിൽപ്പന 50,866 യൂണിറ്റുകളായിരുന്നു, 2020 ഡിസംബറിൽ രേഖപ്പെടുത്തിയതിൽ നിന്ന് 240 ശതമാനം വർധനവ് രേഖപ്പെടുത്തി.

ഈ വണ്ടികള്‍ വാങ്ങാന്‍ കൂട്ടയടി, വാശിയോടെ കമ്പനികള്‍, എത്തുന്നത് 23 പുതിയ മോഡലുകള്‍!

കൂടാതെ, 2021 നവംബറിനെ അപേക്ഷിച്ച് ഇത് 21 ശതമാനം പ്രതിമാസ (MoM) വളർച്ചയും രേഖപ്പെടുത്തി. 2020 ഡിസംബറിൽ ഇന്ത്യയില്‍ ഉടനീളം മൊത്തം 14,978 ഇലക്ട്രിക് വാഹനങ്ങൾ രജിസ്റ്റർ ചെയ്‍തു. കഴിഞ്ഞ വർഷം നവംബറിൽ 42,055 ഇലക്ട്രിക് വാഹനങ്ങളാണ് ഇന്ത്യയില്‍ ഉടനീളം രജിസ്റ്റർ ചെയ്‍തതെന്ന് റിപ്പോർട്ട് അവകാശപ്പെടുന്നു.

2021 ഡിസംബറിലെ ഇവി രജിസ്ട്രേഷനുകൾ ഇലക്ട്രിക് ടൂ വീലറുകളും പാസഞ്ചർ ത്രീ വീലറുകളും വഴിയാണ് നടന്നതെന്ന് പഠനം അവകാശപ്പെടുന്നു, ഈ മാസത്തെ മൊത്തം ഇവി രജിസ്ട്രേഷന്‍റെ 90.3 ശതമാനവും ഇവയാണ്. മൊത്തം ഇവി രജിസ്ട്രേഷനിൽ 48.6 ശതമാനം സംഭാവന ചെയ്‍തത് ഇലക്ട്രിക് ഇരുചക്രവാഹനങ്ങൾ മാത്രമാണ്. ഇലക്ട്രിക് കാറുകൾ അഞ്ച് ശതമാനവും ഇലക്ട്രിക് കാർഗോ ത്രീ വീലറുകൾ 4.3 ശതമാനവും സംഭാവന നൽകി.

2021 ഡിസംബറിൽ ഏറ്റവും കൂടുതൽ വൈദ്യുത വാഹനങ്ങൾ രജിസ്റ്റർ ചെയ്‍ത സംസ്ഥാനം ഉത്തർപ്രദേശാണെന്നും പഠനം വെളിപ്പെടുത്തുന്നു. കഴിഞ്ഞ മാസം നടന്ന മൊത്തം ഇവി രജിസ്‌ട്രേഷന്റെ 23 ശതമാനവും ഉത്തർപ്രദേശിലാണ് നടന്നത്. 10,000 യൂണിറ്റില്‍ അധികമാണ് ഉത്തര്‍പ്രദേശിലെ രജിസ്ട്രേഷന്‍ കണക്കുകള്‍. മഹാരാഷ്ട്ര (13 ശതമാനം), കർണാടക (ഒമ്പത് ശതമാനം), രാജസ്ഥാൻ (എട്ട് ശതമാനം), ദില്ലി (ഏഴ് ശതമാനം) എന്നിവയാണ് ആദ്യ അഞ്ച് സ്ഥാനങ്ങളിലെ മറ്റ് സംസ്ഥാനങ്ങൾ. 2021 ഡിസംബറിൽ ഇന്ത്യയിലെ മൊത്തം ഇവി രജിസ്‌ട്രേഷനുകളുടെ ഏഴ് ശതമാനം തമിഴ്‌നാടും സംഭാവന ചെയ്‍തു എന്ന് കണക്കുകള്‍ വ്യക്തമാക്കുന്നു. 

വാണിജ്യ വാഹന ബിസിനസിൽ വമ്പന്‍ നിക്ഷേപവുമായി ടാറ്റ

ഇന്ത്യയിൽ ഇലക്ട്രിക് വാഹനങ്ങൾ വാങ്ങുന്നവരുടെ എണ്ണം വർദ്ധിച്ചുകൊണ്ടിരിക്കുകയാണ്, പ്രത്യേകിച്ചും ഇലക്ട്രിക് ഇരുചക്രവാഹനങ്ങളുടെ വർദ്ധിച്ചുവരുന്ന ഡിമാൻഡ് ഇതിന് കാരണമാകുന്നു. ഇലക്‌ട്രിക് വാഹനങ്ങളുടെ ഡിമാൻഡിലെയും വിൽപ്പനയിലെയും വളർച്ച പല ഘടകങ്ങളാൽ പ്രേരിപ്പിക്കപ്പെടുന്നു. വാഹനങ്ങളുടെ ഉദ്വമനത്തെക്കുറിച്ചും ആഗോളതാപനത്തിലേക്കുള്ള അതിന്‍റെ സംഭാവനയെക്കുറിച്ചുമുള്ള ഉയർന്ന അവബോധം, വ്യക്തിഗത മൊബിലിറ്റിക്ക് മുൻഗണന, ഗ്രീൻ മൊബിലിറ്റി പ്രോത്സാഹിപ്പിക്കുന്ന വൈവിധ്യമാർന്ന EV പോളിസികളുടെ ലഭ്യത, ഉടമസ്ഥാവകാശത്തിന്റെ ഗണ്യമായി കുറഞ്ഞ ചിലവ്, EV-കളും ICE വാഹനങ്ങളും തമ്മിലുള്ള വില തുല്യത കുറയ്ക്കൽ എന്നിവയും ഇതിൽ ഉൾപ്പെടുന്നു.

അതേസമയം രാജ്യത്ത് ഇലക്ട്രിക് വാഹനങ്ങളുടെ (Electric Vehicles) വർദ്ധിച്ചുവരുന്ന ഡിമാൻഡ് കണ്ട്, വാഹന നിർമ്മാതാക്കൾ തങ്ങളുടെ നിരവധി ബാറ്ററി ഇലക്ട്രിക് വാഹനങ്ങൾ ഇന്ത്യൻ വിപണിയിൽ ഒരുക്കുകയാണ്. വൈദ്യുത വാഹനങ്ങള്‍ക്കുള്ള ഇൻഫ്രാസ്ട്രക്ചകളും മറ്റും വികസിപ്പിക്കുന്നതിനായി വാഹന നിർമ്മാതാക്കൾ ഇതിനകം തന്നെ ഇന്ത്യയിൽ വലിയ നിക്ഷേപം പ്രഖ്യാപിച്ചിട്ടുണ്ട്. ടാറ്റ മോട്ടോഴ്‌സ്, മഹീന്ദ്ര, ഹ്യുണ്ടായ് എന്നിവയ്ക്ക് അടുത്ത അഞ്ച് മുതല്‍ ആറ് വർഷത്തിനുള്ളിൽ രാജ്യത്ത് ഇലക്ട്രിക് വാഹനങ്ങളുടെ വിപുലമായ ശ്രേണി ഉണ്ടാകും.

2028ഓടെ ആറ് ഇലക്ട്രിക്ക് മോഡലുകള്‍ ഇന്ത്യയിൽ അവതരിപ്പിക്കാന്‍ ഹ്യുണ്ടായി

ടാറ്റ മോട്ടോഴ്‌സ്, ഹ്യുണ്ടായ്, മഹീന്ദ്ര എന്നിവർ 2028 ഓടെ രാജ്യത്ത് മൊത്തം 23 പുതിയ ഇലക്ട്രിക് വാഹനങ്ങൾ അവതരിപ്പിക്കും. ടാറ്റ മോട്ടോഴ്‌സ് 7 പുതിയ ഇവികൾ അവതരിപ്പിക്കുമ്പോൾ, മഹീന്ദ്ര രാജ്യത്ത് എട്ട് പുതിയ ഇലക്ട്രിക് വാഹനങ്ങൾ അവതരിപ്പിക്കാൻ പദ്ധതിയിടുന്നു. 2028 ഓടെ രാജ്യത്ത് ആറ് പുതിയ ഇലക്ട്രിക് കാറുകൾ പുറത്തിറക്കുമെന്ന് ഹ്യുണ്ടായിയും പ്രഖ്യാപിച്ചിട്ടുണ്ട്.

Follow Us:
Download App:
  • android
  • ios