Yezdi Roadster : യെസ്ഡി റോഡ്‍സ്റ്റര്‍, ഇതാ അറിയേണ്ട അഞ്ച് കാര്യങ്ങൾ
യെസ്ഡിയുടെ പുതുതായി പുറത്തിറക്കിയ മോഡൽ ശ്രേണിയിലെ എൻട്രി ലെവൽ മോഡലാണ് റോഡ്സ്റ്റർ.
വലിയ ഇടവേളയ്ക്ക് ശേമാണ്, കഴിഞ്ഞ ദിവസം, മൂന്ന് പുതിയ മോട്ടോർസൈക്കിളുകളുമായി ഐതിഹാസിക ഇരുചക്ര വാഹന ബ്രാന്‍ഡായ യെസ്ഡി (Yezdi) ഇന്ത്യയല്‍ തിരിച്ചെത്തിയത്. യെസ്ഡി അഡ്വഞ്ചർ, സ്‌ക്രാമ്പ്‌ളർ, റോഡ്സ്റ്റർ എന്നിവ ഉൾപ്പെടുന്ന പുതിയ മോട്ടോർസൈക്കിളുകൾ, സാധാരണ യാത്രയ്‌ക്ക് ആഗ്രഹിക്കുന്ന റൈഡർമാരെയും ഓഫ് ബീറ്റ് റോഡുകൾ സ്വീകരിക്കാൻ ആഗ്രഹിക്കുന്നവരെയും ലക്ഷ്യമിടുന്നതാണ്. മോട്ടോർസൈക്കിളുകളുടെ എക്സ്-ഷോറൂം വില 1.98 ലക്ഷം മുതൽ 2.19 ലക്ഷം വരെയാണ്.
യെസ്ഡിയുടെ പുനരുജ്ജീവനം ബൈക്ക് പ്രേമികളെ ആവേശഭരിതരാക്കും. അതിനുള്ള ഏറ്റവും എളുപ്പമാർഗ്ഗം, പുനരുജ്ജീവിപ്പിച്ച ബ്രാൻഡിന്റെ ലൈനപ്പിലെ എൻട്രി ലെവൽ മോഡലായ റോഡ്‌സ്റ്ററാണ്. അതിനെക്കുറിച്ച് നിങ്ങൾ അറിയേണ്ടതെല്ലാം ഇവിടെയുണ്ട്.
മടങ്ങിവരുന്നു പ്രിയപ്പെട്ട യെസ്‍ഡിയും; ഓര്‍മ്മകള്‍ക്കെന്ത് സുഗന്ധം!
യെസ്ഡി റോഡ്സ്റ്റർ: എഞ്ചിൻ
യെസ്ഡിയുടെ മറ്റ് ലൈനപ്പുകളെ പോലെ തന്നെ 334 സിസി, സിംഗിൾ സിലിണ്ടർ ലിക്വിഡ് കൂൾഡ് എഞ്ചിനാണ് റോഡ്‌സ്റ്ററിന് കരുത്തേകുന്നത്. എന്നാൽ റോഡ്‌സ്റ്ററിൽ, അതിന് അതിന്റേതായ ട്യൂൺ ലഭിക്കുന്നു. അതിന്റെ ഫലമായി ഔട്ട്‌പുട്ട് കണക്കുകൾ 29.7hp ഉം 29Nm ഉം ആണ്. എഞ്ചിൻ ഇരട്ട എക്‌സ്‌ഹോസ്റ്റ് പോർട്ടുകൾ അവതരിപ്പിക്കുന്നു, ഓരോന്നും ഒരു പ്രത്യേക എക്‌സ്‌ഹോസ്റ്റ് പൈപ്പിലേക്ക് നൽകുന്നു, കൂടാതെ ഇത് ആറ് സ്‍പീഡ് ഗിയർബോക്‌സുമായി ഘടിപ്പിച്ചിരിക്കുന്നു.
യെസ്ഡി റോഡ്സ്റ്റർ: ചക്രങ്ങൾ
യെസ്ഡി നിരയിൽ അലോയ് വീലുകളും തത്ഫലമായി ട്യൂബ്‌ലെസ് ടയറുകളും അവതരിപ്പിക്കുന്ന ഒരേയൊരു ബൈക്കാണ് റോഡ്സ്റ്റർ. ഇത് 18-ഇഞ്ച്/17-ഇഞ്ച് അലോയ് വീൽ സജ്ജീകരണത്തിലാണ് ഉരുളുന്നത്, അതിന്റെ ടയർ വലുപ്പങ്ങൾ മുന്നിൽ 100/90-18 ഉം പിന്നിൽ 130/80-17 ഉം ആണ്.
യെസ്ഡി റോഡ്സ്റ്റർ: വകഭേദങ്ങൾ
ഡാർക്ക്, ക്രോം എന്നിങ്ങനെ രണ്ട് വേരിയന്റുകളിലാണ് റോഡ്സ്റ്റർ വാഗ്‍ദാനം ചെയ്യുന്നത്. ചെറിയ ഫ്ലൈസ്‌ക്രീൻ, ബാർ-എൻഡ് മിററുകൾ, ബ്ലാക്ക്ഡ്-ഔട്ട് എഞ്ചിൻ ഘടകങ്ങൾ എന്നിവയ്‌ക്കൊപ്പം ആദ്യത്തേതിന് അൽപ്പം കൂടുതൽ നേക്കഡ് രൂപവുമുണ്ട്. രണ്ടാമത്തേത് വലിയ ഫ്രണ്ട് വിൻഡ്‌സ്‌ക്രീനും കൺവെൻഷണൽ മിററുകളും ഉള്ളതാണ്. ഓരോ വേരിയന്റിനും അതിന്റേതായ പ്രത്യേക വർണ്ണ സ്‍കീമുകളും ഉണ്ട്.
യെസ്ഡി റോഡ്സ്റ്റർ: സവിശേഷതകൾ
എൻട്രി ലെവൽ മോഡൽ ആണെങ്കിലും, റോഡ്‌സ്റ്ററിനെ യെസ്ഡി നന്നായി സജ്ജീകരിച്ചിരിക്കുന്നു. സ്റ്റാൻഡേർഡ് ഫിറ്റ്‌മെന്റിൽ എൽഇഡി ഹെഡ്‌ലൈറ്റും ടെയിൽ ലാമ്പും പൂർണ്ണ ഡിജിറ്റൽ എൽസിഡി ഇൻസ്ട്രുമെന്റേഷനും ഡ്യുവൽ ചാനൽ എബിഎസും ഉൾപ്പെടുന്നു.
യെസ്ഡി റോഡ്സ്റ്റർ: വില
റോഡ്‌സ്റ്ററിന്റെ ഡാർക്ക് പതിപ്പുകൾക്ക് 1.98 ലക്ഷം മുതൽ 2.02 ലക്ഷം രൂപ വരെയാണ് വില, അതേസമയം ക്രോം വേരിയന്റിന് 2.06 ലക്ഷം രൂപയാണ് വില (എല്ലാ വിലകളും, എക്സ് ഷോറൂം, ഡൽഹി).
ഇതാ 2022ല്‍ ഇന്ത്യൻ ടൂവീലര്‍ വിപണിയെ ഞെട്ടിക്കാനിരിക്കുന്ന ചില ബൈക്കുകൾ
ജാവയും യെസ്‍ഡിയും, ഒരു ചരിത്രം
2018 ല്‍ ആണ് ഐതിഹാസിക ഇരുചക്രവാഹന മോഡലായ ജാവ ബൈക്കുകള്‍ ഇന്ത്യയില്‍ തിരികെ എത്തിയത്. നീണ്ട 22 വര്‍ഷങ്ങള്‍ക്കു ശേഷമായിരുന്നു ജാവയുടെ ആ മടങ്ങിവരവ്. ചെക്ക് സ്വദേശിയായ ജാവയെ ഇന്ത്യന്‍ വണ്ടിക്കമ്പനിയായ മഹീന്ദ്ര ആന്‍ഡ് മഹീന്ദ്രയാണ് രാജ്യത്ത് തിരികെ എത്തിച്ചത്. മഹീന്ദ്രയുടെ ഉപസ്ഥാപനമായ ക്ലാസിക് ലെജന്‍ഡ് പ്രൈവറ്റ് ലിമിറ്റഡ് ജാവയെ പുനര്‍ജ്ജനിപ്പിച്ചത്. ഇതേ കമ്പനി തന്നെയാണ് യെസ്ഡിയുടെ മടങ്ങിവരവിന് പിന്നിലും. ഇനി ജാവയുടെയും യെസ്‍ഡിയുടെയും അല്‍പ്പം ചരിത്രം അറിയാം.
1929 ഒക്ടോബറില്‍ ചെക്ക് റിപ്പബ്ലിക്കിലെ പ്രാഗിലായിരുന്നു ജാവയുടെ ജനനം. ജാനക് ബൗട്ട്, വാണ്ടറര്‍ എന്നിവര്‍ ചേര്‍ന്നായിരുന്നു കമ്പനിയുടെ തുടക്കം. ഇവരുടെ പേരിന്റെ ആദ്യാക്ഷരങ്ങള്‍ കൂട്ടിച്ചേര്‍ത്താണ് ജാവ എന്ന പേരുണ്ടാക്കുന്നത്. ആദ്യകാലത്ത് മുംബൈയില്‍ ഇറാനി കമ്പനിയും ദില്ലിയില്‍ ഭഗവന്‍ദാസുമായിരുന്നു ജാവ ബൈക്കുകളെ ഇന്ത്യന്‍ നിരത്തുകളിലേക്ക് ഇറക്കുമതി ചെയ്‍തിരുന്നത്. എന്നാല്‍ 1950 കളുടെ മധ്യത്തില്‍ ഇരുചക്രവാഹന ഇറക്കുമതി സര്‍ക്കാര്‍ നിരോധിച്ചപ. പക്ഷേ വിദേശ നിര്‍മിത പാര്‍ട്‌സുകള്‍ ഉപയോഗിച്ച് ഇന്ത്യന്‍ നിര്‍മ്മാതാക്കളെ വാഹനങ്ങള്‍ ഉണ്ടാക്കാന്‍ അനുവദിക്കുകയും ചെയ്‍തു. അതോടെ ഇറക്കുമതി ഏജന്റുമാരില്‍ ഒരാളായിരുന്ന റസ്റ്റോം ഇറാനി സ്വന്തമായി ഒരു നിര്‍മ്മാണ കമ്പനി തുടങ്ങി. അങ്ങനെ മൈസൂര്‍ കേന്ദ്രമാക്കി 1961 ല്‍ ഐഡിയല്‍ ജാവ കമ്പനി പിറന്നു. ഇവിടെ നിന്നും 1961 മാച്ചില്‍ ആദ്യത്തെ ഇന്ത്യന്‍ നിര്‍മ്മിത ജാവ റോഡിലിറങ്ങി.
ആദ്യം ജാവ എന്നായിരുന്നു പേരെങ്കിലും ഒരു പതിറ്റാണ്ടിനു ശേഷം ഇന്ത്യന്‍ നിര്‍മ്മിത ജാവയുടെ പേര് യെസ്ഡി എന്നാക്കി പരിഷ്‍കരിച്ചു. ചെക്ക് ഭാഷയില്‍ ജെസ്‍ഡി എന്നാല്‍ 'ഓട്ടം' അഥവാ 'പോകുക' എന്നാണത്ര അര്‍ത്ഥം. എന്നാല്‍ ജെയചാമരാജവടയാര്‍ എന്ന മൈസൂര്‍ രാജാവിന്റെ പേരിലെ അക്ഷരങ്ങള്‍ ചേര്‍ത്താണ് ജാവ എന്ന പേരുണ്ടാക്കിയതെന്നാണ് മൈസൂരിലെ ചില രാജഭക്തരുടെ വിശ്വാസം.
എന്തായാലും കിക്ക് ചെയ്‍ത് സ്റ്റാര്‍ട്ടാക്കി, അതേ കിക്കര്‍ തന്നെ മുന്നോട്ടിട്ട് ഗിയറാക്കി പൊട്ടുന്ന ശബ്‍ദത്തോടെ പോകുന്ന ജാവ-യെസ്ഡി വാഹനപ്രേമികളുടെ മനസുകളില്‍ ആര്‍ദ്രമായി നില്‍ക്കുന്നുണ്ടാവണം. അതുകൊണ്ട് തന്നെ ജാവയ്ക്ക് പിന്നാലെ പ്രിയപ്പെട്ട യെസ്‍ഡിയും മടങ്ങിയെത്തുമ്പോള്‍ വല്ലാത്തൊരു സന്തോഷത്തിലാവും പലരും.
