ഈ മിഡ്-ലൈഫ് ഫെയ്സ്ലിഫ്റ്റിനൊപ്പം, അതിന്റെ മുൻഗാമിയെ അപേക്ഷിച്ച് ഇതിന് നിരവധി അപ്ഡേറ്റുകൾ ലഭിക്കുന്നു. 2022 ടൊയോട്ട ഗ്ലാൻസ ഫെയ്സ്ലിഫ്റ്റിനെക്കുറിച്ച് അറിഞ്ഞിരിക്കേണ്ട അഞ്ച് പ്രധാന കാര്യങ്ങൾ ഇതാ
ടൊയോട്ട ഇന്ത്യ (Toyota India) അടുത്തിടെയാണ് ഫെയ്സ്ലിഫ്റ്റ് ചെയ്ത ഗ്ലാൻസയെ രാജ്യത്ത് അവതരിപ്പിച്ചത്. 6.39 ലക്ഷം രൂപ എക്സ്ഷോറൂം പ്രാരംഭ വിലയിൽ ആണ് പുതിയ 2022 ടൊയോട്ട ഗ്ലാൻസ ഫെയ്സ്ലിഫ്റ്റിനെ ഇന്ത്യയിൽ അവതരിപ്പിച്ചത്. 2019 ജൂണിലാണ് ഗ്ലാൻസ ആദ്യമായി ലോഞ്ച് ചെയ്തത്. ഈ മിഡ്-ലൈഫ് ഫെയ്സ്ലിഫ്റ്റിനൊപ്പം, അതിന്റെ മുൻഗാമിയെ അപേക്ഷിച്ച് ഇതിന് നിരവധി അപ്ഡേറ്റുകൾ ലഭിക്കുന്നു. 2022 ടൊയോട്ട ഗ്ലാൻസ ഫെയ്സ്ലിഫ്റ്റിനെക്കുറിച്ച് അറിഞ്ഞിരിക്കേണ്ട അഞ്ച് പ്രധാന കാര്യങ്ങൾ ഇതാ
2022 ടൊയോട്ട ഗ്ലാൻസ ഫെയ്സ്ലിഫ്റ്റ്: ഡിസൈനും നിറങ്ങളും
മാരുതി സുസുക്കി ബലേനോയുടെ റീബ്രാൻഡഡ് പതിപ്പാണ് ടൊയോട്ട ഗ്ലാൻസ. എന്നിരുന്നാലും, ഇത്തവണ, ബലേനോയിൽ നിന്ന് വ്യത്യസ്തമാക്കുന്ന ചില ദൃശ്യ മാറ്റങ്ങൾ ഇതിന് ലഭിച്ചു. ഉദാഹരണത്തിന്, ഇതിന് ടൊയോട്ട കാംറിക്ക് സമാനമായ പോലുള്ള ഗ്രില്ലും ബോൾഡ് ക്രോം ആക്സന്റുകളുള്ള ബമ്പറുകളും എൽഇഡി ഡിആർഎല്ലുകളുള്ള പുതിയ എൽഇഡി ഹെഡ്ലാമ്പുകളും മറ്റും ലഭിക്കുന്നു. പുതിയ ഗ്ലാൻസ അഞ്ച് കളർ ഷേഡുകളിലാണ് വാഗ്ദാനം ചെയ്യുന്നത്. സ്പോർട്ടിൻ റെഡ്, എന്റൈസിംഗ് സിൽവർ, ഇൻസ്റ്റാ ബ്ലൂ, ഗെയിമിംഗ് ഗ്രേ, കഫേ വൈറ്റ് എന്നിവയാണവ.
2022 ടൊയോട്ട ഗ്ലാൻസ ഫെയ്സ്ലിഫ്റ്റ്: അളവുകളും ശേഷിയും
- നീളം 3990 മി.മീ
- വീതി 1745 മി.മീ
- ഉയരം 1500 മി.മീ
- വീൽബേസ് 2520 മി.മീ
- ഗ്രൗണ്ട് ക്ലിയറൻസ് 170 മി.മീ
- ബൂട്ട് സ്പേസ് 318 ലിറ്റർ
- ഇന്ധന ടാങ്ക് ശേഷി 37 ലിറ്റർ
2022 ടൊയോട്ട ഗ്ലാൻസ ഫെയ്സ്ലിഫ്റ്റ്: ഇന്റീരിയറും ഫീച്ചറുകളും
ഈ പ്രധാന ഫെയ്സ്ലിഫ്റ്റ് ഉപയോഗിച്ച്, ടൊയോട്ട ഗ്ലാൻസയ്ക്ക് ധാരാളം സവിശേഷതകൾ ലഭിച്ചു. ആൻഡ്രോയിഡ് ഓട്ടോ, ആപ്പിൾ കാർപ്ലേ, 40+ കണക്റ്റുചെയ്ത കാർ ഫീച്ചറുകൾ എന്നിവയ്ക്കൊപ്പം പുതിയ 9.0 ഇഞ്ച് സ്മാർട്ട് പ്ലേകാസ്റ്റ് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റവും വാഹനത്തിന് ലഭിക്കുന്നു. ഹെഡ്-അപ്പ് ഡിസ്പ്ലേ, 360-ഡിഗ്രി പാർക്കിംഗ് ക്യാമറ, ഓൾ-എൽഇഡി ലൈറ്റിംഗ് സിസ്റ്റം, ഫ്ലാറ്റ്-ബോട്ടം സ്റ്റിയറിംഗ് വീൽ, ആറ് എയർബാഗുകൾ ഉള്പ്പെടെയുള്ള സുരക്ഷാ ഉപകരണങ്ങൾ, ESP, ഹിൽ ഹോൾഡ് അസിസ്റ്റ് മുതലായവയും ഇതില് ഉൾപ്പെടുന്നു.
2022 ടൊയോട്ട ഗ്ലാൻസ ഫെയ്സ്ലിഫ്റ്റ്: എഞ്ചിനും ട്രാൻസ്മിഷനും
പുതിയ 2022 ടൊയോട്ട ഗ്ലാൻസയ്ക്ക് കരുത്തേകുന്നത് 1.2 ലിറ്റർ കെ-സീരീസ് ഡ്യുവൽ ജെറ്റ്, ഡ്യുവൽ വിവിടി പെട്രോൾ എഞ്ചിനാണ്. ഇന്ധനക്ഷമത വർദ്ധിപ്പിക്കുന്നതിന് സ്റ്റാർട്ട്/സ്റ്റോപ്പ് സംവിധാനവും ഉണ്ട്. ഇത് 88.5 എച്ച്പി പവറും 113 എൻഎം പീക്ക് ടോർക്കും പുറപ്പെടുവിക്കുന്നു. അഞ്ച് സ്പീഡ് മാനുവൽ ഗിയർബോക്സും എഎംടിയുമായാണ് എഞ്ചിൻ ഘടിപ്പിച്ചിരിക്കുന്നത്. കൂടാതെ, എംടിക്ക് 22.35 kmpl ഉം AMT പതിപ്പുകൾക്ക് 22.94 kmpl ഉം ARAI സാക്ഷ്യപ്പെടുത്തിയ ഇന്ധനക്ഷമതയും ഉണ്ട്.
2022 ടൊയോട്ട ഗ്ലാൻസ ഫെയ്സ്ലിഫ്റ്റ്: വിലയും എതിരാളികളും
പുതിയ 2022 ടൊയോട്ട ഗ്ലാൻസ ഫെയ്സ്ലിഫ്റ്റ് ഇ, എസ്, ജി, വി എന്നീ നാല് ട്രിം ലെവലുകളിൽ വാഗ്ദാനം ചെയ്യുന്നു. 6.39 ലക്ഷം രൂപ മുതൽ 9.69 ലക്ഷം രൂപ വരെ എക്സ്ഷോറൂം വില ലഭിക്കുന്നു. പുതിയ ടൊയോട്ട ഗ്ലാൻസയുടെ പ്രീ-ബുക്കിംഗുകൾ ഇതിനകം തുടങ്ങിയിട്ടുണ്ട്. 11,000 രൂപ ടോക്കൺ തുക നൽകി ഈ പ്രീമിയം ഹാച്ച്ബാക്ക് ബുക്ക് ചെയ്യാം. മാരുതി സുസുക്കി ബലേനോ, ഹ്യുണ്ടായ് i20, ടാറ്റ ആൾട്രോസ്, ഹോണ്ട ജാസ് എന്നിവയെ പുത്തന് ഗ്ലാന്സ നേരിടും.
Source : Financial Express Auto
