Asianet News MalayalamAsianet News Malayalam

ഹെലികോപ്റ്ററിന്‍റെ കാറ്റടിച്ചുവീണു, ഇരുകാലുമൊടിഞ്ഞ് തൊഴിലുറപ്പ് തൊഴിലാളി

ഹെലികോപ്ടറിന്‍റെ കാറ്റടിച്ചുവീണ തൊഴിലുറപ്പ് തൊഴിലാളിക്ക് ശസ്ത്രക്രിയ

Helicopter fan wind lady injured
Author
Trivandrum, First Published Jan 4, 2020, 2:40 PM IST

തിരുവനന്തപുരം: ഹെലികോപ്ടറിന്‍റെ കാറ്റടിച്ചുവീണ തൊഴിലുറപ്പ് തൊഴിലാളിക്ക് ശസ്ത്രക്രിയ. വർക്കല ഹെലിപ്പാഡിലാണ് സംഭവം. വർക്കല ആറാട്ട് റോഡ് പുതുവൽവീട്ടിൽ ഗിരിജ (55) നാണ് പരിക്കേറ്റത്.

ഡിസംബർ 31നാണ് സംഭവം.  ഹെലിപ്പാഡിനടുത്ത് തൊഴിലുറപ്പ് ജോലിയിൽ ഏർപ്പെട്ടിരിക്കുകയായിരുന്നു ഗിരിജയും സംഘവും . ഇതിനിടെ ഉപരാഷ്ട്രപതിയുടെ ശിവഗിരി സന്ദർശനത്തിന്‍റെ ഭാഗമായി സുരക്ഷയുടെ ഭാഗമായെത്തിയ ഹെലികോപ്ടർ ഹെലിപ്പാഡിൽ ഇറങ്ങി. ഈ കാറ്റടിച്ച് ഗിരിജയും ഏതാനും തൊഴിലാളികളും നിലത്തേക്കുവീണു. 

ഗിരിജയുടെ ദേഹത്ത് സമീപത്തെ ഗേറ്റ് ഇളകി വീഴുകയായിരുന്നുവെന്ന് ബന്ധുക്കൾ പറയുന്നു.  ഇരുകാലുകൾക്കും പരിക്കേറ്റ് മെഡിക്കൽ കോളജ് ആശുപത്രിയിൽ പ്രവേശിപ്പിച്ചിരിക്കുകയാണ് ഗിരിജയെ. ഇവിടെ നടന്ന പരിശോധനയിലാണ് കാലിന് പൊട്ടലുണ്ടെന്ന് കണ്ടെത്തുന്നത്. തുടർന്നാണ് ശസ്ത്രക്രിയ നിശ്ചയിച്ചത്.

Follow Us:
Download App:
  • android
  • ios