Hero Electric EVIFY : 1,000 ഇലക്ട്രിക് സ്കൂട്ടറുകൾ, ഇവിഫൈയുമായി കൈകോര്‍ത്ത് ഹീറോ ഇലക്ട്രിക്ക്
ആദ്യത്തെ 50 യൂണിറ്റുകൾ ഇതിനകം ഉൽപ്പാദനത്തിലാണ് എന്നും അടുത്ത മാസത്തോടെ വിതരണം ചെയ്യും എന്നും കൂടാതെ, ഈ വർഷാവസാനത്തോടെ ഒന്നില്‍ അധികം നഗരങ്ങളിൽ ഇവിഫൈ വിന്യസിക്കുന്ന 500 ഇവികളും ഹീറോ ഇലക്ട്രിക് ഡെലിവർ ചെയ്യും എന്നും ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു.
അടുത്ത രണ്ട് വർഷത്തിനുള്ളിൽ 1,000 ഇലക്ട്രിക് സ്കൂട്ടറുകൾ നൽകുന്നതിനായി സാങ്കേതിക-പ്രാപ്‌തമായ ഇലക്ട്രിക് വാഹന അധിഷ്‌ഠിത ലോജിസ്റ്റിക്സ് കമ്പനിയായ ഇവിഫൈ (EVIFY) യുമായി സഹകരിക്കാന്‍ ഹീറോ ഇലക്ട്രിക് (Hero Electric). ആദ്യത്തെ 50 യൂണിറ്റുകൾ ഇതിനകം ഉൽപ്പാദനത്തിലാണ് എന്നും അടുത്ത മാസത്തോടെ വിതരണം ചെയ്യും എന്നും കൂടാതെ, ഈ വർഷാവസാനത്തോടെ ഒന്നില്‍ അധികം നഗരങ്ങളിൽ ഇവിഫൈ വിന്യസിക്കുന്ന 500 ഇവികളും ഹീറോ ഇലക്ട്രിക് ഡെലിവർ ചെയ്യും എന്നും ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു.
ബ്ലൂടൂത്ത് കണക്റ്റിവിറ്റിയോടെ ഇലക്ട്രിക് മൗണ്ടൻ സൈക്കിളുകളുമായി ഹീറോ
ഈ പങ്കാളിത്തം ഇവി വ്യവസായത്തെ പങ്കാളി വൈദഗ്ധ്യം കൈമാറ്റം ചെയ്യാനും ഉപയോഗിക്കാനും സീറോ എമിഷൻ വീക്ഷണത്തിലേക്ക് നയിക്കാനും സഹായിക്കുമെന്ന് ഹീറോ ഇലക്ട്രിക് സിഇഒ സോഹിന്ദർ ഗിൽ പ്രസ്‍താവനയിൽ പറഞ്ഞു. “ഈ വീക്ഷണം വളർത്തിയെടുക്കുന്നതിലൂടെ, ലാസ്റ്റ് മൈൽ ഡെലിവറി സെഗ്‌മെന്റിനെ വൈദ്യുതീകരിക്കാനുള്ള അവരുടെ കാഴ്ചപ്പാടിനെ പിന്തുണയ്‌ക്കുന്നതിന് ഞങ്ങൾ ഇവിഫൈ യുമായി സഹകരിക്കും..” ഗിൽ കൂട്ടിച്ചേർത്തു.
“ഇപ്പോൾ നടന്നുകൊണ്ടിരിക്കുന്ന ഇവി വിപ്ലവത്തിൽ വൻ സാധ്യതകൾ ലോജിസ്റ്റിക്സ് സൊല്യൂഷനുകളുടെ പരിവർത്തനം സാധ്യമാക്കുന്നതിൽ ഒരു പ്രധാന ഘടകമായി മാറുന്നത് ഞങ്ങൾ കാണുന്നു. ഈ പങ്കാളിത്തം ഇന്ത്യയിലെ ഇവി ലോജിസ്റ്റിക്സ് ലാൻഡ്‌സ്‌കേപ്പ് പുനർവിചിന്തനം ചെയ്യാൻ ഞങ്ങളെ സഹായിക്കും.." ഇവിഫൈ സിഇഒ ദേവ്രിഷി അറോറ പറഞ്ഞു,
ഹീറോ ഇലക്ട്രിക് അടുത്തിടെ ഈവൻ കാർഗോയുമായി സഹകരിച്ചു 10,000 ഇലക്ട്രിക് വാഹനങ്ങൾ വിന്യസിക്കുമെന്ന് പ്രഖ്യാപിച്ചിരുന്നു. രാജ്യത്തെ ആദ്യത്തെ സ്ത്രീകൾ മാത്രമുള്ള ഡെലിവറി പ്ലാറ്റ്‌ഫോമാണ് ഇവന്‍ കാർഗോ. 2025-ഓടെ ഈ കണക്ക് കൈവരിക്കാനാണ് ഇവി കമ്പനി ലക്ഷ്യമിടുന്നത്. 10,000 ഇലക്ട്രിക് വാഹനങ്ങൾ നൽകാൻ ഹീറോ ഇലക്ട്രിക് ലാസ്റ്റ് മൈൽ ഡെലിവറി പ്രൊവൈഡറായ ഷാഡോഫാക്സുമായി സഹകരിച്ചു.
സ്വിച്ചിട്ടാല്‍ നിറം മാറും, അദ്ഭുത കാറുമായി ബിഎംഡബ്ല്യു
മുമ്പ്, സൺ മൊബിലിറ്റിയുമായി സഹകരിച്ച് ഹീറോ ഇലക്ട്രിക്ക് 10,000 ഇലക്ട്രിക് സ്കൂട്ടറുകൾ വിന്യസിക്കുന്നതിന് സ്വാപ്പ് ചെയ്യാവുന്ന ബാറ്ററി സാങ്കേതികവിദ്യ അവതരിപ്പിച്ചിരുന്നു. ഈ വർഷം അവസാനത്തോടെ 10,000 ഇലക്ട്രിക് വാഹനങ്ങൾ എന്ന ലക്ഷ്യത്തില്‍ എത്താൻ അടുത്ത മൂന്ന് മാസത്തിനുള്ളിൽ ഈ ഇലക്ട്രിക് വാഹനങ്ങൾ പുറത്തിറക്കുമെന്ന് ഇരു കമ്പനികളും വ്യക്തമാക്കിയിരുന്നു.
ഇന്ത്യയിൽ 50,000 ചാർജിംഗ് സ്റ്റേഷനുകൾ, ബോള്‍ട്ടുമായി കൈകോര്‍ക്കാന്‍ ഹീറോ ഇലക്ട്രിക്
അടുത്ത ഒരു വർഷത്തിനുള്ളിൽ ഇന്ത്യയിൽ 50,000 ചാർജിംഗ് സ്റ്റേഷനുകൾ സ്ഥാപിക്കാൻ ഇലക്ട്രിക് വാഹന ചാർജിംഗ് ശൃംഖലയായ ബോള്‍ട്ടുമായി (BOLT) ഹീറോ ഇലക്ട്രിക് ( Hero Electric) പങ്കാളിത്തം പ്രഖ്യാപിച്ചു. രാജ്യത്തുടനീളമുള്ള 750ല്‍ അധികം ഹീറോ ഇലക്ട്രിക് ടച്ച് പോയിന്റുകളിൽ ബോള്‍ട്ട് ചാർജറുകൾ സ്ഥാപിക്കാൻ ഈ സഹകരണം ലക്ഷ്യമിടുന്നു. കൂടാതെ, 2,000-ലധികം ഹീറോ ഇലക്ട്രിക് റൈഡറുകൾക്ക് അവരുടെ വീടുകളിൽ സ്ഥാപിച്ചിട്ടുള്ള ബോള്‍ട്ട് ചാർജിംഗ് യൂണിറ്റുകൾ സൗജന്യമായി ലഭിക്കും എന്നും ഫിനാന്ഷ്യല്‍ എക്സ്‍പ്രസ് ഡ്രൈവ് റിപ്പോര്‍ട്ട് ചെയ്യുന്നു.
Hero Vida : ഹീറോ മോട്ടോകോർപ്പ് വിഡ ഇലക്ട്രിക് ബ്രാൻഡ് പ്രഖ്യാപിച്ചു
ടൈ-അപ്പിന്റെ ഭാഗമായി ഹീറോ ഇലക്ട്രിക്കിന്റെ എന്റർപ്രൈസ് പങ്കാളികളും EV ഉപഭോക്താക്കളും BOLT ചാർജിംഗ് നെറ്റ്‌വർക്ക് പ്രയോജനപ്പെടുത്തും. മെച്ചപ്പെട്ടതും പ്രവർത്തിക്കുന്നതുമായ ഇവി ഇൻഫ്രാസ്ട്രക്ചറാണ് ഇപ്പോൾ രാജ്യത്തിന് വേണ്ടത്. കൂടാതെ, ഹീറോ ഇലക്ട്രിക് ആപ്പിലും വെബ്‌സൈറ്റിലും ബോള്‍ട്ട് സംയോജിപ്പിക്കും, ചാർജിംഗ് സ്റ്റേഷൻ കണ്ടെത്തുന്നതിനും സ്ലോട്ട് ബുക്ക് ചെയ്യുന്നതിനും പേയ്‌മെന്റിനും ഒറ്റത്തവണ പരിഹാരം വാഗ്ദാനം ചെയ്യുന്നു. ബോള്‍ട്ട് ചാർജിംഗ് സ്റ്റേഷനുകളുടെ ഇൻസ്റ്റാളേഷന് ശേഷം, വ്യക്തികൾക്ക് അവരുടെ ചാർജിംഗ് സ്റ്റേഷനുകൾക്കായി സ്വകാര്യ/പൊതു പ്രവർത്തന രീതികൾ തിരഞ്ഞെടുക്കാനും നിലവിലുള്ള വാണിജ്യ/ഇവി താരിഫുകൾ അനുസരിച്ച് വില തീരുമാനിക്കാനും കഴിയും. കൂടാതെ, ഹീറോ ഇലക്ട്രിക് റൈഡറുകൾക്ക് അവരുടെ ഉപയോഗം എളുപ്പമാക്കുന്നതിന് സബ്‌സ്‌ക്രിപ്‌ഷൻ അടിസ്ഥാനമാക്കിയുള്ള പ്ലാനുകളും പ്രഖ്യാപിക്കും.
“ഇവി റൈഡിംഗ് അനുഭവം നൽകുന്നതിനായി ശക്തമായ ചാർജിംഗ് ഇക്കോസിസ്റ്റവും റീസ്‌കില്ലിംഗ് മെക്കാനിക്സും നിർമ്മിച്ച് കാർബൺ രഹിത മൊബിലിറ്റി പ്രാപ്‍തമാക്കുകയും രാജ്യത്ത് ഇവി വില്‍പ്പന വേഗത്തിലാക്കുകയും ചെയ്യുക എന്നതാണ് ഞങ്ങളുടെ ദൗത്യം. ഈ സഹകരണം നിർണ്ണയിച്ച ലക്ഷ്യത്തിലെത്താനുള്ള ഞങ്ങളുടെ ശ്രമങ്ങളെ വിശാലമാക്കും.." ഹീറോ ഇലക്ട്രിക് സിഇഒ സോഹിന്ദർ ഗിൽ പറഞ്ഞു.
ഈ പങ്കാളിത്തം വ്യവസായത്തിന് മൊത്തത്തിൽ ഗുണം ചെയ്യും എന്നും കൂടാതെ ഇന്ത്യയിലെ ചാർജിംഗ് സ്റ്റേഷനുകളിലേക്ക് ഇലക്ട്രിക് ഇരുചക്രവാഹന യാത്രക്കാർക്ക് എളുപ്പത്തിൽ പ്രവേശനം അനുവദിക്കും ഗിൽ പറഞ്ഞു. ഈ സഹകരണം ലക്ഷക്കണക്കിന് ഹീറോ ഇലക്ട്രിക് ഉപഭോക്താക്കൾക്ക് നിലവിലുള്ള ഹീറോ ഇലക്ട്രിക് ആപ്പും വെബ്‌സൈറ്റും കണ്ടെത്തുന്നതിനും ബുക്കിംഗിനും പേയ്‌മെന്റിനുമായി ഉപയോഗിക്കാൻ കഴിയുന്നതിനാൽ അവർക്ക് തടസമില്ലാത്ത ചാർജിംഗ് അനുഭവം സൃഷ്‍ടിക്കാൻ സഹായിക്കും എന്നും അദ്ദേഹം കൂട്ടിച്ചേർത്തു.
