CB150X അഡ്വഞ്ചർ ടൂറർ അവതരിപ്പിച്ച് ഹോണ്ട
ജാപ്പനീസ് ഇരുചക്ര വാഹന നിര്‍മ്മാതാക്കളായ ഹോണ്ട (Honda) പുതിയ CB150X അഡ്വഞ്ചർ മോട്ടോർസൈക്കിൾ അവതരിപ്പിച്ചതായി ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു.
നടന്നുകൊണ്ടിരിക്കുന്ന 2021 ഗൈകിൻഡോ ഇന്തോനേഷ്യ ഇന്റർനാഷണൽ ഓട്ടോ ഷോയിൽ (GIIAS) ജാപ്പനീസ് ഇരുചക്ര വാഹന നിര്‍മ്മാതാക്കളായ ഹോണ്ട (Honda) പുതിയ CB150X അഡ്വഞ്ചർ മോട്ടോർസൈക്കിൾ അവതരിപ്പിച്ചതായി ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു. കുറച്ച് മാസങ്ങൾക്ക് മുമ്പ് ഇന്ത്യൻ വിപണിയിൽ അവതരിപ്പിച്ച CB200X-ന് താഴെയായിരിക്കും ഈ മോഡലിന്‍റെ സ്ഥാനം എന്നാണ് റിപ്പോര്‍ട്ടുകള്‍.
എക്സ്റ്റീരിയർ ഡിസൈനിന്റെയും സ്റ്റൈലിംഗിന്റെയും കാര്യത്തിൽ, മോട്ടോർസൈക്കിളിൽ ഉയരമുള്ള വിൻഡ്‌സ്‌ക്രീൻ, വീതിയേറിയ ഹാൻഡിൽബാർ, സിംഗിൾ പീസ് സീറ്റ് തുടങ്ങിയവയാണ് ഉള്ളത്. പുതിയ CB150X-ലെ ഫ്യൂവൽ ടാങ്ക് CB200X-ൽ കാണുന്നതിനേക്കാൾ വളരെ വിശാലവും ബോൾഡും ആണ്, കൂടാതെ കോണീയ ബോഡി പാനലുകളുടെ ഉപയോഗം ബൈക്കിന് കൂടുതല്‍ ആക്രമണാത്മക രൂപം നല്‍കുന്നു. കൂടാതെ, എഞ്ചിൻ ഘടകങ്ങളെ കേടുപാടുകളിൽ നിന്ന് സംരക്ഷിക്കുന്നതിന് അടിയിൽ ഉറച്ച ബാഷ് പ്ലേറ്റും ലഭിക്കുന്നു.
CB200X-ന് സമാനമായി, ആവശ്യമായ എല്ലാ വിവരങ്ങളും വ്യക്തമായ ഫോർമാറ്റിൽ ഉൾക്കൊള്ളുന്ന പൂർണ്ണമായ ഡിജിറ്റൽ ഇൻസ്ട്രുമെന്റ് പാനലും CB150X ന് ലഭിക്കുന്നു. 149 സിസി, ലിക്വിഡ്-കൂൾഡ്, ഫ്യൂവൽ-ഇഞ്ചക്‌റ്റഡ് എഞ്ചിനാണ് ബൈക്കിന്റെ ഹൃദയം. ഈ എഞ്ചിന്‍ 9,000 ആർപിഎമ്മിൽ 16.5 ബിഎച്ച്പി പരമാവധി കരുത്തും 7,000 ആർപിഎമ്മിൽ 13.8 എൻഎം പീക്ക് ടോർക്കും സൃഷ്‍ടിക്കും. ആറ് സ്പീഡ് കോൺസ്റ്റന്റ് മെഷ് ട്രാൻസ്മിഷനുമായാണ് ഈ എഞ്ചിൻ വരുന്നത്.
CB200X-നെ അപേക്ഷിച്ച്, CB150X സീറ്റ് ഉയരം കുറവാണ്. കൂടാതെ, മൊത്തത്തിലുള്ള ഗ്രൗണ്ട് ക്ലിയറൻസ് 181 മില്ലീമീറ്ററാണ്. ഇത് അതിന്റെ വലിയ എതിരാളിയേക്കാൾ 14 എംഎം കൂടുതലാണ്. കൂടാതെ, CB150R-ൽ കാണുന്ന അതേ 17-ഇഞ്ച് മൾട്ടി-സ്പോക്ക് അലോയ് വീലുകൾ CB150X അഡ്വഞ്ചർ ടൂററിൽ ഉപയോഗിച്ചിട്ടുണ്ട്. എന്നാൽ വ്യത്യസ്‍തമായത് മുൻവശത്തെ 37mm ഷോവ USD ഫോർക്കുകളിൽ 150mm യാത്രയാണ്. ബ്രേക്കിംഗിനായി, എബിഎസ് പൂരകമായി രണ്ട് അറ്റത്തും ഒരേ സിംഗിൾ ഡിസ്‍ക് ബ്രേക്കുകൾ ബൈക്ക് ഉപയോഗിക്കുന്നു.
പുതിയ ഹോണ്ട CB150X-ന്റെ ഇന്തോനേഷ്യയിലെ പ്രാരംഭ വില ഏകദേശം 32 മില്യണ്‍ ഇന്തോനേഷ്യന്‍ റുപ്പിയില്‍ ആരംഭിക്കുന്നു എന്നാണ് റിപ്പോര്‍ട്ടുകള്‍. ഇത് ഏകദേശം1.67 ലക്ഷം മുതൽ ഇന്ത്യന്‍ രൂപയോളം വരും. അതേസമയം ഈ ബൈക്കിന്റെ ഇന്ത്യൻ ലോഞ്ച് ഇപ്പോൾ സ്ഥിരീകരിച്ചിട്ടില്ല.
