'ജർമ്മൻ കാർ ഓഫ് ദി ഇയർ 2021' പുരസ്കാരം സ്വന്തമാക്കി ജാപ്പനീസ് കാർ നിർമാതാക്കളായ ഹോണ്ട മോട്ടോഴ്സിന്റെ ഓൾ-ഇലക്ട്രിക് വാഹനമായ ഹോണ്ട - ഇ.
'ജർമ്മൻ കാർ ഓഫ് ദി ഇയർ 2021' പുരസ്കാരം സ്വന്തമാക്കി ജാപ്പനീസ് കാർ നിർമാതാക്കളായ ഹോണ്ട മോട്ടോഴ്സിന്റെ ഓൾ-ഇലക്ട്രിക് വാഹനമായ ഹോണ്ട - ഇ. ഒരു ജാപ്പനീസ് ബ്രാൻഡിൽ നിന്ന് ഈ അവാർഡ് നേടിയ ആദ്യത്തെ കാറാണ് ഹോണ്ട - ഇ എന്ന് ഹിന്ദുസ്ഥാന് ടൈംസ് റിപ്പോര്ട്ട് ചെയ്യുന്നു.
ഈ വർഷം ഓഗസ്റ്റിൽ യൂറോപ്പിൽ പുറത്തിറങ്ങിയ ഹോണ്ട ഇ, നഗര ഡ്രൈവിംഗിന് മാത്രമുള്ള ഒരു കോംപാക്റ്റ് മോഡലാണ്. ബാറ്ററി ഇവി വിപണിയിൽ ആധിപത്യം പുലർത്തുന്ന ടെസ്ല ഇങ്ക്, മോഡൽ 3 സെഡാൻ, ഓഡി എജി, ഹ്യുണ്ടായ് മോട്ടോർ കോ എന്നിവയുമായി ഇത് വ്യത്യാസപ്പെട്ടിരിക്കുന്നു. ഹോണ്ട - ഇയുടെ ഉടമകളെ അവരുടെ ദൈനംദിനവുമായി ബന്ധിപ്പിക്കുന്നതിന് അത്യാധുനിക സാങ്കേതികവിദ്യയും നൂതന ഇന്റലിജന്റ് കണക്റ്റിവിറ്റിയും വാഹനത്തിൽ ഒരുങ്ങുന്നു. നിലവിൽ ഈ മോഡൽ യൂറോപ്പിലും ജപ്പാനിലും മാത്രമേ വിൽക്കുകയുള്ളൂ.
പൂർണ്ണ ചാർജിൽ വാഹനം 280 കിലോമീറ്റർ സഞ്ചരിക്കും. രണ്ട് ഡോറുകളുള്ള ഹോണ്ട -e ഒരു അപ്പ്മാർക്കറ്റ് സിറ്റി കാറാണ്. ഇതിന്റെ വില ഏകദേശം 33,000 യൂറോയാണ്. ഹോണ്ട -e ഇതുവരെ റെഡ് ഡോട്ട് ഡിസൈൻ അവാർഡിലെ മികച്ച ബഹുമതി ഉൾപ്പെടെ നിരവധി അവാർഡുകൾ കരസ്ഥമാക്കിയിട്ടുണ്ട്.
ജർമൻ കാർ ഓഫ് ദി ഇയർ പുരസ്കാരം നേടുന്ന ആദ്യ ജാപ്പനീസ് കാർ എന്നത് ഒരു വലിയ ബഹുമതിയാണെന്ന് ഹോണ്ട മോട്ടോർ യൂറോപ്യൻ പ്രസിഡന്റ് കത്സുഹിസ ഒകുദ പറഞ്ഞു.
