ടർബോ-ചാർജ്‍ഡ് എഞ്ചിനിലാണ് വാഹനം എത്തുന്നത് എന്നും നാല് ട്രിം തലങ്ങളിൽ വാഗ്‍ദാനം ചെയ്യുന്ന ഏറ്റവും പുതിയ ഹോണ്ട HR-V ലോകത്തിലെ ഏറ്റവും ശക്തമായ പെട്രോൾ പതിപ്പാണ് എന്നും ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു. 

ജാപ്പനീസ് (Japanese) വാഹന ബ്രാന്‍ഡായ ഹോണ്ട, ഇന്തോനേഷ്യൻ (Indonesia) വിപണിയിൽ മൂന്നാം തലമുറ HR-V അവതരിപ്പിച്ചതായി റിപ്പോര്‍ട്ട്. ടർബോ-ചാർജ്‍ഡ് എഞ്ചിനിലാണ് വാഹനം എത്തുന്നത് എന്നും നാല് ട്രിം തലങ്ങളിൽ വാഗ്‍ദാനം ചെയ്യുന്ന ഏറ്റവും പുതിയ ഹോണ്ട HR-V ലോകത്തിലെ ഏറ്റവും ശക്തമായ പെട്രോൾ പതിപ്പാണ് എന്നും ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു. ഏറ്റവും മികച്ച RS ട്രിം പതിപ്പിന് 499.9 മില്ല്യണ്‍ ഇന്തോനേഷ്യന്‍ റുപിയ (ഏകദേശം 26.60 ലക്ഷം ഇന്ത്യന്‍ രൂപ) ആണ് വിലയെന്നും പ്രാരംഭ പതിപ്പിന് 355.9 മില്ല്യണ്‍ ഇന്തോനേഷ്യന്‍ റുപിയ അല്ലെങ്കിൽ ഏകദേശം19 ലക്ഷം രൂപ ആണെന്നും ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു. 

ഹോണ്ട എച്ച്ആർ-വിയുടെ നാല് ട്രിം ലെവലുകൾ ഉള്ളപ്പോൾ , 175 എച്ച്പി പവറും 240 എൻഎം ടോർക്കും നൽകുന്ന 1.5 ലിറ്റർ ടർബോ പെട്രോൾ മോട്ടോർ ലഭിക്കുന്നത് RS പതിപ്പിന് മാത്രമാണ്. നിലവിൽ ചൈനയിൽ മാത്രം വിൽക്കുന്ന വാഹനത്തിന്റെ ഇലക്ട്രിക് പതിപ്പ് മാത്രമാണ് ഈ കണക്കുകൾ മെച്ചപ്പെടുത്തുന്നത്.

ഹോണ്ട HR-V RS-ന്റെ കരുത്തുറ്റ രൂപം ഉറപ്പാക്കുന്ന, ധാരാളം ബോഡി കിറ്റുകൾ, ഡ്യുവൽ എക്‌സ്‌ഹോസ്റ്റ് പൈപ്പ് ഔട്ട്‌ലെറ്റുകൾ, 'RS' ബാഡ്‍ജ് എന്നിവയ്‌ക്കൊപ്പം വളരെ സ്‌പോർട്ടി വിഷ്വൽ ഭാഷയുമാണ് ബാഹ്യ രൂപകൽപ്പനയിലുള്ളത്. അകത്ത്, എച്ച്ആർ-വിയുടെ ആർഎസ് വേരിയന്റിൽ ഇഷ്‌ടാനുസൃതമാക്കാൻ കഴിയുന്ന ഏഴ് ഇഞ്ച് ടിഎഫ്‌ടി സ്‌ക്രീൻ, നാല് സ്പീക്കറുകൾ പ്ലസ് ടു ട്വീറ്റർ യൂണിറ്റ്, റെഡ് കോൺട്രാസ്റ്റ് സ്റ്റിച്ചിംഗ് ഉള്ള ബ്ലാക്ക് ലെതർ അപ്‌ഹോൾസ്റ്ററി, മൂന്ന് ഡ്രൈവ് മോഡുകൾ, ഹാൻഡ്‌സ് ഫ്രീ ടെയിൽഗേറ്റ് തുടങ്ങിയവയും ഉണ്ട്. 

മികച്ച രൂപവും ഡ്രൈവ് പവറും ഉപയോഗിച്ച് സുരക്ഷിതമായ ഡ്രൈവ് വാഹനം ഉറപ്പാക്കുന്നു. അതുപോലെ തന്നെ, ഏറ്റവും പുതിയ HR-V-ക്ക് നിരവധി ഡ്രൈവർ അസിസ്റ്റൻസ് ഫീച്ചറുകൾ നൽകുന്ന സുരക്ഷാ ഫീച്ചറുകളുടെ ഹോണ്ട സെൻസിംഗ് സ്യൂട്ടും ലഭിക്കുന്നു. ആറ് എയർബാഗുകളും ഓഫറിലുണ്ട്.

പല ആഗോള വിപണികളിലും, എച്ച്ആർ-വിക്ക് ഒരു ഹൈബ്രിഡ് പവർട്രെയിൻ ലഭിക്കുന്നുണ്ട്. എന്നാൽ ഇത് ഇന്തോനേഷ്യയിൽ നിന്ന് ഫിലിപ്പീൻസ് പോലുള്ള മറ്റ് വിപണികളിലേക്കും കൊണ്ടുപോകാൻ സാധ്യതയുള്ള ആർഎസ് പതിപ്പാണ്. ജപ്പാൻ, തെക്ക്-കിഴക്കൻ ഏഷ്യ, യുണൈറ്റഡ് സ്‌റ്റേറ്റ്‌സ് എന്നിവിടങ്ങളിൽ പോലും HR-V ഒരു ജനപ്രിയമായ മോഡല്‍ ആണ്. ഇന്ത്യയിൽ, ഹോണ്ട മോഡലിനെ പരിഗണിക്കുന്നുണ്ടെന്ന് മുമ്പ് നിരവധി റിപ്പോർട്ടുകൾ വന്നിരുന്നു എങ്കിലും കാത്തിരിപ്പ് നീളുകയാണ്. ഹോണ്ട കാർസ് ഇന്ത്യ മൊബിലിയോ, ബിആർ-വി, സിആർ-വി എന്നിവയെ അതിന്റെ പോർട്ട്‌ഫോളിയോയിൽ നിന്ന് ഒഴിവാക്കിയതിനാൽ, നിലവിൽ എസ്‌യുവിയോ എംപിവിയോ രാജ്യത്ത് ഓഫർ ചെയ്യാനില്ല എന്നാണ് റിപ്പോര്‍ട്ടുകള്‍. 

വരുന്നൂ, പുതിയ ഹോണ്ട സിറ്റി ഹൈബ്രിഡ്

2022 പകുതിയോടെ ഹോണ്ട പുതിയ സിറ്റി ഹൈബ്രിഡ് ഇന്ത്യൻ വിപണിയിൽ അവതരിപ്പിക്കുമെന്ന് നേരത്തെ റിപ്പോർട്ടുകള്‍ ഉണ്ടായിരുന്നു. ഇന്ത്യയിൽ അവതരിപ്പിക്കുന്നതിന് മുമ്പ്, നടന്നുകൊണ്ടിരിക്കുന്ന ബാങ്കോക്ക് ഇന്റർനാഷണൽ മോട്ടോർ ഷോയിൽ (2022 Bangkok Motor Show) ഹോണ്ട പുതിയ സിറ്റി ഹൈബ്രിഡ് സെഡാൻ പ്രദർശിപ്പിച്ചു. 

പുതിയ ഹോണ്ട സിറ്റി ഹൈബ്രിഡ് RS ബാഡ്‌ജിംഗോടെയാണ് വരുന്നത്. ഫ്രണ്ട് ഗ്രില്ലിലും ടെയിൽഗേറ്റിലും ആർഎസ് ബാഡ്‍ജിംഗ് കാണാം. പുതിയ സിറ്റി ഹൈബ്രിഡ് 2021 ഉത്സവ സീസണിൽ അവതരിപ്പിക്കാനാണ് ആദ്യം പദ്ധതിയിട്ടിരുന്നത്; എന്നിരുന്നാലും, കൊവിഡ് 19 മാഹാമാരി കാരണം ലോഞ്ച് വൈകി.

ഹോണ്ട സിറ്റി e:HEV എന്ന് ക്രിസ്‌റ്റേറ്റ് ചെയ്‌തിരിക്കുന്ന പുതിയ ഹോണ്ട സിറ്റി ഹൈബ്രിഡ് ബ്രാൻഡിന്റെ ശക്തമായ ഹൈബ്രിഡ് സിസ്റ്റമായ i-MMD (ഇന്റലിജന്റ് മൾട്ടി-മോഡ് ഡ്രൈവ്) eHEV ഹൈബ്രിഡ് പവർട്രെയിൻ ഉപയോഗിച്ചാണ് വരുന്നത്. 1.5 ലിറ്റർ പെട്രോൾ എഞ്ചിനും രണ്ട് ഇലക്ട്രിക് മോട്ടോറുകളും ലിഥിയം അയൺ ബാറ്ററിയും ഇതിലുണ്ട്. പെട്രോൾ എഞ്ചിൻ 98 പിഎസ്, 127 എൻഎം എന്നിവ ഉല്‍പ്പാദിപ്പിക്കും. അതേസമയം പവറും ടോർക്കും യഥാക്രമം 109 പിഎസിലും 253 എൻഎമ്മിലും സംയോജിപ്പിക്കുന്നു. സിറ്റി ഹൈബ്രിഡിന് കുറഞ്ഞ വേഗതയിൽ പൂർണ്ണമായും ഇലക്ട്രിക് മോഡിൽ പ്രവർത്തിക്കാൻ കഴിയും. ഒരു സിവിടി ഓട്ടോമാറ്റിക് ഗിയർബോക്‌സിൽ മാത്രമാണ് ഇത് വാഗ്ദാനം ചെയ്യുന്നത്.

ഇലക്ട്രിക് ജനറേറ്ററും ഇലക്ട്രിക് മോട്ടോറും ഒരുമിച്ച് ചേർത്ത് എഞ്ചിനില്‍ ഘടിപ്പിച്ചിരിക്കുന്നു. ബൂട്ടിലെ ലിഥിയം അയൺ ബാറ്ററിയിലേക്ക് വൈദ്യുതി അയയ്ക്കുന്നത് ഈ ഇലക്ട്രിക് ജനറേറ്ററും ഇലക്ട്രിക് മോട്ടോറും ചേര്‍ന്നാണ്. ഇത് സാധാരണ മോഡലിനേക്കാൾ 110 കിലോഗ്രാം ഭാരം കൂടുതലാണ്. അതേസമയം ബൂട്ട് സ്പേസ് 90-ലിറ്റർ കുറഞ്ഞ് 410-ലീറ്ററായി. പിന്നിൽ ഡിസ്‌ക് ബ്രേക്കുകളും ഇലക്ട്രിക് പാർക്കിംഗ് ബ്രേക്കുകളും ഇതിലുണ്ട്.

2022 ഹോണ്ട സിറ്റി ഹൈബ്രിഡ് മൂന്ന് ഡ്രൈവ് മോഡുകൾ വാഗ്‍ദാനം ചെയ്യുന്നു. പ്യുവർ ഇവി, ഹൈബ്രിഡ്, പെട്രോൾ എന്നിവയാണവ. ഇലക്ട്രിക് കാറുകളിൽ സാധാരണമായ റീജനറേറ്റീവ് ബ്രേക്കിംഗ് സംവിധാനവും സെഡാനിൽ ഉണ്ട്. തായ്-സ്പെക്ക് മോഡൽ 27.78kmpl മൈലേജ് നൽകുമെന്ന് കമ്പനി അവകാശപ്പെടുന്നു. ഇന്ത്യ-സ്പെക്ക് മോഡലും 27kmpl മൈലേജിനടുത്ത് നല്‍കും എന്ന് പ്രതീക്ഷിക്കുന്നു; എന്നിരുന്നാലും, യഥാർത്ഥ ലോക മൈലേജ് 20kmpl ആയിരിക്കും.

പുതിയ ഹോണ്ട സിറ്റി e:HEV RS സാധാരണ മോഡലിന് സമാനമാണ്. എങ്കിലും, ഇതിന് സ്പോർട്ടി ഡിസൈൻ ഘടകങ്ങളും ബ്ലാക്ക്ഡ്-ഔട്ട് ക്യാബിനും ലഭിക്കുന്നു. മികച്ച സുരക്ഷാ ഫീച്ചറുകളുള്ള ഹോണ്ട സെൻസിംഗ് സാങ്കേതികവിദ്യയും സെഡാന്റെ സവിശേഷതയാണ്. ലോ-സ്പീഡ് ഫോളോവോടുകൂടിയ അഡാപ്റ്റീവ് ക്രൂയിസ് കൺട്രോൾ, ലെയ്ൻ ഡിപ്പാർച്ചർ വാണിംഗ് സിസ്റ്റം, ലെയ്ൻ-കീപ്പിംഗ് അസിസ്റ്റ്, കൊളിഷൻ ബ്രേക്കിംഗ് സിസ്റ്റം എന്നിവ സുരക്ഷാ സവിശേഷതകളിൽ ഉൾപ്പെടുന്നു.

പുതിയ ഹോണ്ട സിറ്റി ഹൈബ്രിഡ് 2022-ന്റെ രണ്ടാം പാദത്തിൽ, അതായത്, ഏകദേശം മെയ്-ജൂൺ മാസങ്ങളിൽ എത്താൻ സാധ്യതയുണ്ട്. 11.23 ലക്ഷം മുതൽ 15.18 ലക്ഷം രൂപ വരെ വിലയുള്ള നിലവിലെ ഹോണ്ട സിറ്റിക്ക് മുകളിലായിരിക്കും ഇത് സ്ഥാനം പിടിക്കുക. പുതിയ സിറ്റി ഹൈബ്രിഡിന് ഏകദേശം 17 ലക്ഷം മുതൽ 20 ലക്ഷം രൂപ വരെ വില പ്രതീക്ഷിക്കാം എന്നാണ് റിപ്പോര്‍ട്ടുകള്‍.